გურჯაანის გამგეობაში სააღდგომო პრემია 70 000 ლარით გაიზარდა

სააღდგომოდ, გურჯაანის მუნიციპალიტეტის გამგეობის თანამშრომლებზე პრემიის სახით 177 160 ლარი გაიცა. გურჯაანის გამგებელი ჯონი ოსიაშვილი და საკრებულოს თავმჯდომარე ავთანდილ ზარდიაშვილი აცხადებენ, რომ ეს ბუნებრივი პროცესია და თანხა 2013 წლის მუნიციპალურ ბიუჯეტში იყო გათვალისწინებული.

თუმცა ერთი თვის წინ, გაზეთ "სპექტრის" მიერ პრემიების საკითხზე გამგეობისთვის გაგზავნილი ოფიციალური მიმართვის პასუხში საპირისპიროს ვკითხულობთ: "თქვენი 2013 წლის 16 აპრილის #14 მომართვის პასუხად გაცნობებთ, რომ გურჯაანის მუნიციპალიტეტს ამ ეტაპზე დაგეგმილი არ აქვს პრემიის გაცემა, ხოლო მუნიციპალიტეტის გამგეობის თანამშრომელთა პრემიებისთვის ბიუჯეტში თანხა წინასწარ არ არის გათვალისწინებული და საჭიროების შემთხვევაში გადაწყვეტილება მიიღება მოქმედი კანონმდებლობის შესაბამისად."

აღსანიშნავია, რომ გასულ წელს სააღდგომო პრემიებისთვის ადგილობრივი ბიუჯეტიდან 107 005 ლარი განისაზღვრა, ხოლო წელს 70 155 ლარით მეტი.

სრული ვერსია

”სპექტრი”