რა არ უნდა უთხრათ საყვარელ გოგონას - არ წამოგცდეთ ეს ფრაზები სიყვარულის დღეს!

კაცები ქალთან ურთიერთობისას შეცდომებს ხშირად უშვებენ. პაემანზე არასწორად ნათქვამ ერთ სიტყვასაც კი ურთიერთობის გაფუჭება შეუძლია. ფრაზები, რაზეც ყველა ქალი ერთნაირად ღიზიანდება.

არ შეაქოთ თქვენი რჩეულის დაქალის გარეგნობა: ერთი შეხედვით, უწყინარი კომპლიმენტი ყველაფერს წყალში ჩაგიყრით. შეყვარებული გოგონა იფიქრებს, რომ მისი მეგობარი მოგწონთ.

"გუშინ კარგი სამოსი გეცვა" - გამოდის, დღეს უგემოვნოდ გამოიყურება. ამ "კომპლიმენტის" შემდეგ ქალი უხერხულ მდგომარეობაში ჩავარდება, ხასიათი გაუფუჭდება და დიდი შანსია თქვენი ნომერი სამუდამოდ წაშალოს.

არ დაინტერესდეთ, როგორ გამოიყურება მაკიაჟის გარეშე "მან თქვენს გამო რამდენიმე საათის სარკის წინ იტრიალა და ახლა მოგინდათ ბუნებრივი სილამაზე? სიტყვა "უმაკიაჟო" დაივიწყეთ", - ამბობენ ფსიქოლოგები. ამ დროს ყველა ქალი ფიქრობს, რომ მის პარტნიორს ეშინია, იქნებ უმაკიაჟოდ უშნო იყოს.

არ შეადაროთ მისი კულინარიული შესაძლებლობები დედათქვენისას: ამ საკითხზე ყველა ქალი ღიზიანდება. მათ არ მოსწონთ, როდესაც პოტენციურ დედამთილს ადარებენ. გოგონას გული ეტკინება.

არ შეიმჩნიოთ მოკლებული კილოგრამები: ჭარბი წონა და ცელულიტი ყველა ქალს აშინებს. გოგონა ჯიუტად დაიწყებს მტკიცებას, რომ ყოველთვის ასეთი ფიგურა ჰქონდა და დიდი შანსია თქვენს შორის შელაპარაკება მოხდეს.

არ უთხრათ, რომ არ გცალიათ: ამ საკითხზე ქალების დიდი ნაწილი მძაფრად რეაგირებს, განსაკუთრებით რომანის საწყის ეტაპზე. არც თქვენი პარტნიორია უსაქმური, მაგრამ თქვენთან სასაუბროდ დრო ყოველთვის აქვს. სჯობს, კორექტურად მოიქცეთ და მოგვიანებით შეეხმიანოთ, აუხსნათ, რომ დაკავებული იყავით და ვერ უპასუხეთ.

არ უთხრათ, რომ ცეკვის გაკვეთილებზე იაროს: ჯერ ერთი, ქალებს უფრო კარგი პლასტიკა აქვთ, ვიდრე კაცებს. მეორეც, ყველა გოგონას ოცნებაა კარგად ცეკვავდეს და ყველამ შეამჩნიოს.

არ უთხრათ, რომ ბევრს ჭამს: ფსიქოლოგები ირწმუნებიან, რომ მეხუთე პაემანზეც კი ზოგიერთი გოგონა ისე ნერვიულობს, რესტორანში თქვენთან ერთად გემრიელ კერძს ვერ ჭამს.

არ უთხრათ, რომ ვალენტინობა ერთი ჩვეულებრივი დღეა: თქვენთვის თუ ვალენტინობა არაფერს ნიშნავს, დარწმუნებული იყავით, რომ თქვენმა პარტნიორმა რამდენიმე კვირით ადრე შეიძინა ლამაზი კაბა. ყველა შეყვარებული გოგონა ვალენტინობას დარწმუნებულია, რომ სასურველი კაცი საჩუქარს მიართმევს.