მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ინგა გრიგოლია "საზოგადოებრივ მაუწყებელზე" თოქ-შოუს წაიყვანს
02:36 / 08-05-2013
პოლიტიკური აქტივობიდან 8-თვიანი პაუზის შემდეგ ინგა გრიგოლია ჟურნალისტიკაში ბრუნდება. ახალი თოქ-შოუ ძველი სახელწოდებით - "პოლიტიკური კვირა" "საზოგადოებრივ მაუწყებლზე" მაისის ბოლოდან, კვირაში ორჯერ გავა ეთერში.
"გადავწყვიტე, რომ ისევ "პოლიტიკური კვირით" გავიდე პირდაპირ ეთერში. ეს იქნება დიდი თოქ-შოუ, რომელშიც მონაწილეობას მიიღებს დარბაზი და რომელშიც აქტიურად მიიღებენ მონაწილეობას რეგიონები, ვინაიდან, მიმაჩნია, რომ თბილისურ ჩარჩოებს უნდა გასცდეს პოლიტიკა და რეგიონები დიდი დოზით უნდა ჩაერთონ ამ პოლიტიკის კეთებაში და იმის გაანალიზებაში, თუ როგორ აისახება ესა თუ ის გადაწყვეტილება ჩვენს ქვეყანაზე. ვფიქრობ, რომ გადაცემა არ იქნება უინტერესო. ერთი დღე უკვე გადაწყვეტილია, როდის გავა თოქ-შოუ ეთერში, კვირას რვა საათზე - ეს იქნება შემაჯამებელი გადაცემა დიდი დარბაზით, ხოლო მეორე დღე ჯერჯერობით გადაწყვეტილი არ არის", - აცხადებს გრიგოლია.
მისი თქმით, მიღებული პოლიტიკური გამოცდილება დაეხმარება, რომ გადაცემაში მაყურებელმა მოვლენათა უფრო ღრმა ანალიზი მოისმინოს. გარდა ამისა, ყოფილი ტელეწამყვანი რადიოსა და გაზეთში მუშაობის დაწყებას აპირებს.
"ვფიქრობ, საკრებულოში მუშაობამ მომცა იმის გამოცდილება, რომ ცოტა უფრო ღრმად ვიმუშაო მთელ რიგ თემებზე. თუმცა ეს მაინც იქნება შოუ, ზოგს მოსწონდა ეს შოუ, ზოგს აღიზიანებდა. ხშირად მომისმენია კრიტიკოსებისგან, რომ ეს არის შოუ, აქ არ არის ღრმა ანალიზი. ამჯერად ეს იქნება შოუ, თუმცა აქ იქნება ღრმა ანალიზიც.
ტელეჟურნალისტიკის გარდა, ვგეგმავ რადიოში და გაზეთში მუშაობის დაწყებასაც, რათა თავიდან ბოლომდე მედიაში მუშაობით დავკავდე. არასოდეს მიწერია გაზეთში და ახლა ვგრძნობ, რომ ამის ძალიან დიდი სურვილი მაქვს და, თუ ძალიან გადაჭარბებული არ იქნება, შესაძლებლობაც. რადიოს და გაზეთის თემას დავგეგმავ მას შემდეგ, რაც ტელეგადაცემა გავა ეთერში", - აღნიშნა გრიგოლიამ.
ინგა გრიგოლია 2012 წლის საპარლამენტო არჩევნებში კენჭს "ქრისტიან-დემოკრატებიდან" გლდანის მაჟორიტარ დეპუტატად იყრიდა, მაგრამ არჩევნებამდე რამდენიმე დღით ადრე მან თავისი კანდიდატურა მოხსნა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
