23
მაისიდღის ზოგადი ასტროლოგიური პროგნოზი
33 წლის ნათია თოდრაძემ, რომელიც სამი შვილის დედაა, წუხელ, ღამით სახლში იმშობიარა და მკვდარი ნაყოფი გააჩინა. როგორც ნათიას დედა მაყვალა ბურკაძე ამბობს, ამის მიზეზი ჩოხატაურის საავადმყოფოს თანამშრომლების გაფიცვაა. ამასთან, მისივე თქმით, სასწრაფო დახმარებამ დაიგვიანა, სადაზღვევო კომპანიამ კი ჩოხატაურის საავადმყოფოდან ოზურგეთში გადაყვანაში 250 ლარი მოითხოვა. "ერთი კვირის წინ მივიდა საავადმყოფოში, გაციებული იყო. გაფიცულები ვართო და ოზურგეთის საავადმყოფოში გადაამისამართეს", - ამბობს მაყვალა ბურკაძე.
სადაზღვევო კომპანიამ რომ დაზღვეული პაციენტის გადასაყვანად ფული მოითხოვა, ჩოხატაურის საავადმყოფოს მეან-გინეკოლოგი, მაია პაიჭაძეც ადასტურებს, თუმცა გამორიცხავს, რომ ნაყოფის დაღუპვა თანამშრომლების გაფიცვამ გამოიწვია.
