23
ივლისიდღის ზოგადი ასტროლოგიური პროგნოზი
აშშ-ის პოლიციამ ბოსტონის ტერაქტში ერთ-ერთი ეჭვმიტანილის, ჯოხარ ცარნაევის სამი მეგობარი დააკავა. ამის შესახებ "ბიბისი" იუწყება.
პოლიციის განცხადებით, აზამატ ტაჟაიაკოვმა და დიას კადირბაევმა ჯოხარ ცარნაევის ლეპტოპი და ზურგჩანთა გადამალეს; მათ ასევე ბრალად ედებათ სამხილების განადგურება. რობელ ფილიპსონს კი გამოძიებისთვის ცრუ ჩვენების მიცემა ედება ბრალად. პოლიციის განმარტებით, არც ერთი მათგანი არ მონაწილეობდა თავდასხმის ორგანიზებაში.
19 წლის სტუდენტების მიერ ნაგავში გადაყრილი სამხილები, აშშ-ის სპეცსამსახურების წარმომადგენლებმა მოგვიანებით აღმოაჩინეს.
ბრალდების დამტკიცების შემთხვევაში, კადირბაევსა და ტაჟაიაკოვს 5-წლიანი პატიმრობა და 250 ათასი დოლარი ჯარიმა ელით, ფილიპსონს კი 8 წლით თავისუფლების აღკვეთა ემუქრება.
15 აპრილს ბოსტონის მარათონის დროს მომხდარი აფეთქების შედეგად სამი ადამიანი დაიღუპა, 264 კი დაშავდა. ტერაქტში ბრალდებით აშშ-ის პოლიციამ ორი ეჭვმიტანილი გამოავლინა, რომელთაგან ერთი ტამერლან ცარნაევი პოლიციასთან ორმხრივი სროლის შედეგად გარდაიცვალა. მისი ძმა ჯოხარ ცარნაევი კი პოლიციამ მოგვიანებით დააკავა.
მომზადებულია bbc.co.uk-ის მიხედვით.
