გიორგი აფციაური - "ნიკა გრიგოლიას ფიზიკურად გაუსწორდნენ"
პრესკონფერენციაზე, რომელიც პრეზიდენტის პაროდისტმა გამართა, "კომედი ჯგუფის" ხელმძღვანელობასთან არსებულ უთანხმოებაზე ისაუბრა. როგორც უკვე იცით, 2012 წელს გიორგი ჯგუფს გამოეყო და საავტორო გადაცემა "თქვენი შოუს" გაკეთება თავის გუნდთან ერთად განაგრძო. რამდენიმე თვეში გადაცემა დაიხურა და გიორგიც ეკრანიდან გაქრა.
"სიმართლე გითხრათ, საუბარი მიჭირს, იმდენად სამარცხვინო თემაზე მიწევს დღეს თქვენთან ლაპარაკი. ასეთი რამ არც ერთ ქვეყანაში არ ხდება. უთანხმოება დაიწყო იმით, რომ ვანო ჯავახიშვილმა პირად საუბარში მითხრა, პოლიტიკური იუმორი არ უნდა მეკეთებინა. ამის შემდეგ "ვანოს შოუში" ფაქტობრივად აღარ ვჩანდი, მითხრეს ისიც, რომ პრეზიდენტის პაროდია აღარ უნდა გამეკეთებინა. შემდეგ მე ჩემი გადაცემით გავემიჯნე ამ ჯგუფს. ისე გამოვიდა, რომ ვანო ჯავახიშვილმა ტაბუ დამადო. ვანო ამ საქმეში მარტო არ ყოფილა, მას ზურგს უმაგრებდნენ ავლაბრელი, ანუ ალეკო მალხაზიშვილი, უხამსი ვართე-ავთო მარგველაშვილი და შედარებით სათუთი და ნაზი ოთო ლომსაძე", - აღნიშნა პრესკონფერენციაზე გიორგიმ.
იხილეთ ვიდეო: გიორგი აფციაური "რუსთავი 2"-ის გასართობი შოუების კულუარებზე სკანდალურ ფაქტებს ამხელს
"იბერიას" ჟურნალისტები განცხადებას ავრცელებენ
უჩა მამაცაშვილი "იბერიასა" და "ომეგა ჯგუფის" ირგვლივ მიმდინარე პროცესებზე პროკურატურას მიმართავს
