30
მარტიდღის ზოგადი ასტროლოგიური პროგნოზი
ლანჩხუთში მცხოვრები ცინცაძეების ხუთსულიანი ოჯახი სახელმწიფოს სოციალურ დახმარებას სთხოვს. ცინცაძეების ეზოს სიღრმეში ოროთახიანი ფიცრული დგას. ოჯახის ავეჯს 4 საწოლი, ორი ჭურჭლის კარადა, ძველი ტანსაცმლის გარდერობი და შეშის ღუმელი წარმოადგენს. ოჯახს უსახსრობის გამო, ბავშვი საბავშვო ბაღშიც კი ვერ დაჰყავს.
როგორც ოჯახის დიასახლისი მაყვალა მჭედლიშვილი ამბობს, ოჯახი უკვე სამი წელია, სოციალური დახმარების მოლოდინშია, მაგრამ დახმარება დღემდე არ დაუნიშნეს. "აგენტი როცა მოვიდა, მაშინ ჩემი შვილიშვილი ახალდაბადებული იყო. მეკითხებოდა, ვინ რა აჩუქაო. საჩუქრებიც კი ჩაიწერა. რა ნახეს აქ ასეთი, ვერ ვხვდები. არც საქონელი და შინაური ფრინველი არ მყავს. პირველად როცა აღწერეს, 10 ქათამი მყავდა, მეტი არაფერი, ახლა მხოლოდ ორი მყავს. ჩემთვის არავის არაფერი წაურთმევია, მაგრამ ისეთ ხალხს აქვს დახმარება, მანქანებიც აქვთ და შემოსავალიც. მე მხოლოდ პენსიით ვინახავ ოჯახს და ამის გამო თუ არ მეკუთვნის დახმარება, არ ვიცი! მხოლოდ პოლისი შემხვდა, გამგეობამ ერთჯერადი დახმარება კი გაგვიწია, მაგრამ ეს რას მიშველის? მინდა სოციალური დამენიშნოს" - ამბობს მაყვალა მჭედლიშვილი.
