5
ივლისიდღის ზოგადი ასტროლოგიური პროგნოზი
ჩინეთის სამართალდამცავი ორგანოების თანამშრომლებმა მამაკაცი დააკავეს, რომელსაც გარდაცვლილი ქალიშვილის სხეული ჩანთით გადაჰქონდა.
როგორც აღმოჩნდა, 35 წლის იანგ ჩენგი მეუღლე ლინ სანთან ერთად მორგში მივიდა, რომ შვილის სხეული წამოეღო. გოგონა მძიმე ავადმყოფობით გარდაიცვალა. ბოლო რამდენიმე წლის განმავლობაში ოჯახი სიღარიბეში ცხოვრობდა და ფული არ ჰქონდა, რომ ქალიშვილის ძვირადღირებული მკურნალობა დაეფინანსებინა.
მამაკაცმა არა მხოლოდ სამგლოვიარო ცერემონიალის ორგანიზება, არამედ კუბოს შეძენა ვერ შეძლო, ამიტომ გადაწყვიტა, გოგონას სხეული სახლში საკუთარი ხელით წაეღო. ჩინელმა ცხედარი იაფფასიან ფერად ტომარაში ჩადო და ანხოის პროვინციის ქალაქ ჰეფეის სადგურზე გაემართა, იმედი ჰქონდა რომ შეუმჩნეველი დარჩებოდა.
მაგრამ ჩენგის გეგმა ჩაიშალა: მამაკაცი "საეჭვო" ბარგით ავტოსადგურზე მყოფმა ადამიანებმა შენიშნეს. მამამ ჩანთა სპეციალურ სკანერში გაატარა. სამსახურის თანამშრომლებმა კომპიუტერის ეკრანზე ცხედარი რომ დაინახეს, თვალებს არ უჯერებდნენ.
"პოლიციაში უმალვე დავრეკეთ, მგზავრმა კითხვებზე პასუხის გაცემაზე უარი თქვა",- ყვება უსაფრთხოების სამსახურის წარმომადგენელი.
სამართალდამცავებმა იანგ ჩენგი დააპატიმრეს და მალევე დაკითხეს. მამაკაცმა აღიარა, რომ უცნაური საქციელის მიზეზი სიღარიბეა.
"კატაფალკის შეძენა ძალიან მინდოდა, მაგრამ სამწუხაროდ ამის შესაძლებლობა არ მაქვს, სიტუაციის მძევალი აღმოვჩნდი",- განაცხადა დაკავებულმა.
იგი ბრალდების წაყენების გარეშე გაათავისუფლეს. მთავრობის წარმომადგენლებმა ტაქსის მომსახურება გადაიხადეს, რომელმაც ოჯახი მშობლიურ ქალაქში წაიყვანა, სადაც მოგვიანებით დაკრძალვა გაიმართა.
ჩინური კანონებით, მოქალაქეებს "სხეულის ორგანოების საზოგადოებრივი ტრანსპორტით გადატანის უფლება არ აქვთ".
მომზადებულია lifenews.ru-ს მიხედვით.
