მათ­თვის მენ­დელ­სო­ნის მარ­ში წლე­ბის წინ და­უკ­რეს. ზოგ­მა ეს სა­სი­ა­მოვ­ნო მუ­სი­კა ორ­ჯე­რაც მო­ის­მი­ნა, მაგ­რამ ფაქ­ტია, რომ წლე­ბის წინ დიდი სიყ­ვა­რუ­ლით შექ­მნი­ლი ოჯა­ხე­ბი ინ­გრე­ვა და მოგ­ვი­ა­ნე­ბით ვარ­სკვლა­ვე­ბი ამა­ზე გუ­ლახ­დი­ლად ლა­პა­რა­კო­ბენ. "რე­ი­ტინ­გის" არ­ქივ­ში იმ წყვი­ლე­ბის ფო­ტო­ე­ბი მო­ვი­ძი­ეთ, რომ­ლე­ბიც წლე­ბის წინ და­ქორ­წინ­დნენ, მაგ­რამ დღეს ერ­თად აღარ არი­ან. ბევ­რის ქორ­წი­ნე­ბა სა­ზო­გა­დო­ე­ბას აღარც ახ­სოვს, რად­გან დღეს მარ­ტო­ხე­ლე­ბად არი­ან ცნო­ბი­ლე­ბი. ზო­გიც მას შემ­დეგ კი­დევ და­ო­ჯახ­და და პრე­სის ფურ­ცლე­ბი­დან ახალ სიყ­ვა­რულ­ზე სა­უბ­რობს.

ვახო სა­ნა­ია და მა­რი­კა ბა­კუ­რა­ძე

ორი ჟურ­ნა­ლის­ტის სიყ­ვა­რუ­ლის ის­ტო­რია 2002 წელს უნი­ვერ­სი­ტეტ­ში და­ი­წყო. თავ­და­პირ­ვე­ლად კურ­სე­ლე­ბი იყ­ვნენ, შემ­დეგ მათი ნაც­ნო­ბო­ბა მე­გობ­რო­ბა­ში გა­და­ი­ზარ­და, ერთ დღე­საც მიხ­ვდნენ, რომ მათ შო­რის რა­ღაც უფრო მეტი ხდე­ბო­და. სამი წლის გან­მავ­ლო­ბა­ში და­დი­ოდ­ნენ, შემ­დეგ წყვილ­მა იქორ­წი­ნა და ორი ქა­ლიშ­ვი­ლი შე­ე­ძი­ნათ. რო­მან­ტი­კუ­ლი წყვი­ლი ერ­თმა­ნეთს მო­ფე­რე­ბით "ბა­ტებს" ეძახ­და. ერთ ტე­ლე­ვი­ზი­ა­ში, "იმედ­ში" მუ­შა­ობ­დნენ. მა­შინ მა­რი­კა "ჟურ­ნა­ლის­ტის დღი­ურს" ამ­ზა­დებ­და, მერე ვა­ხომ "პირ­ველ არხზე" და­ი­დო ბინა. ამ­ბო­ბენ, რომ მათი და­შო­რე­ბა სწო­რედ იმ პე­რი­ოდს ემ­თხვე­ვა. თა­ვი­დან წყვი­ლი და­შო­რე­ბას მა­ლავ­და, მაგ­რამ მალე ვახო სა­ნა­ი­ამ "ფე­ის­ბუქ­ზე" ახა­ლი შეყ­ვა­რე­ბუ­ლი გა­მო­ა­ჩი­ნა. დღეს სა­ნა­ია ისევ "იმედს" და­უბ­რუნ­და. მა­რი­კაც იქ მუ­შა­ობს, ამ­ჯე­რად - გა­და­ცე­მა "იმე­დის გმი­რებ­ში". ორი­ვე თა­ვი­სუ­ფა­ლია, ყო­ველ შემ­თხვე­ვა­ში, სა­ნა­ი­ას ახა­ლი რო­მა­ნი ჯერ ქორ­წი­ნე­ბით არ დას­რუ­ლე­ბუ­ლა.

ლალი მო­როშ­კი­ნა და მიშა ღოთ­ვა­ძე

სკან­და­ლუ­რი ლალი მო­როშ­კი­ნა, რო­მე­ლიც დღეს რჩე­ვებს სას­ჯე­ლაღ­სრუ­ლე­ბის მი­ნის­ტრ სო­ზარ სუ­ბარს აძ­ლევს, სა­ინ­ტე­რე­სო პი­რა­დი ცხოვ­რე­ბით გა­მო­ირ­ჩე­ვა. რთუ­ლი კა­რი­ე­რუ­ლი გზა გა­ი­ა­რა, მაგ­რამ არა­ნაკ­ლებ ბო­ბო­ქა­რი აღ­მოჩ­ნდა მისი პი­რა­დი ცხოვ­რე­ბაც. პირ­ვე­ლად 15 წლის გა­თხოვ­და, ნუკ­რი ჩა­გა­ნა­ვა­ზე, რომ­ლის­გა­ნაც 24 წლის სან­დრო ჰყავს. მას­თან შვი­დი წელი იცხოვ­რა. შვი­დი წელი გა­ა­ტა­რა მე­ო­რე ქმრის მიშა ღოთ­ვა­ძის გვერ­დი­თაც. ეს ფოტო სწო­რედ იმ ბედ­ნი­ერ დროს არის გა­და­ღე­ბუ­ლი, რო­დე­საც ლალი ოჯა­ხის დან­გრე­ვა­ზე სუ­ლაც არ ფიქ­რობ­და. მი­შას­გან 12 წლის გი­ორ­გი ჰყავს. ლა­ლის პირ­ვე­ლი მე­უღ­ლე მოგ­ვი­ა­ნე­ბით გარ­და­იც­ვა­ლა, მი­შას­თან კი ლალი დღემ­დე მე­გობ­რულ ურ­თი­ერ­თო­ბას ინარ­ჩუ­ნებს. უც­ნა­უ­რია, მაგ­რამ წყვი­ლი და­სას­ვე­ნებ­ლად ერ­თად და­დის და გარ­კვე­უ­ლი დრო­ის გან­მავ­ლო­ბა­ში ბიზ­ნეს­პარტნი­ო­რე­ბიც გახ­ლდნენ. ღოთ­ვა­ძის შემ­დეგ ლა­ლის ცხოვ­რე­ბა­ში სპორ­ტსმე­ნი გი­ორ­გი კან­დე­ლა­კი გა­მოჩ­ნდა, თუმ­ცა მათი ხან­გრძლი­ვი ურ­თი­ერ­თო­ბა ქორ­წი­ნე­ბით არ დას­რუ­ლე­ბუ­ლა. თავ­გა­და­სავ­ლე­ბის მა­ძი­ე­ბე­ლი მო­როშ­კი­ნა კი რო­მა­ნებს აღარ ასა­ჯა­რო­ებს.

აჩი ფურ­ცე­ლა­ძე და თა­მუ­ნა მუ­სე­რი­ძე

ბევ­რს ალ­ბათ აღარ ახ­სოვს, რომ მუ­სი­კოს გუ­ფის ცო­ლო­ბამ­დე ტე­ლე­წამ­ყვა­ნი თა­მუ­ნა მუ­სე­რი­ძე მომ­ღე­რალ აჩი ფურ­ცე­ლა­ძის ცოლი იყო. წყვილს ერ­თმა­ნე­თი ერთი წლის გან­მავ­ლო­ბა­ში უყ­ვარ­და და და­ო­ჯა­ხე­ბი­დან თვე-ნა­ხე­ვარ­ში და­შორ­დნენ. სა­ერ­თო შვი­ლი არ ჰყო­ლი­ათ.

აჩი კა­რი­ე­რის გა­საგ­რძე­ლებ­ლად რუ­სეთ­ში წა­ვი­და, თა­მუ­ნამ კი ტე­ლეჟურ­ნა­ლის­ტის კა­რი­ე­რა აა­წყო. აჩის შემ­დეგ იყო გუფი, იგი­ვე გუ­რამ მა­კა­ლა­თია, რო­მელ­თან ქორ­წი­ნე­ბა­მაც ასე­ვე რამ­დე­ნი­მე თვეს გას­ტა­ნა. წყვილს სა­ერ­თო შვი­ლი ჰყავს, პა­ტა­რა სან­დრო. ბო­ლოს ჟურ­ნა­ლის­ტი თბი­ლი­სის მე­რი­ის თა­ნამ­შრო­მელს, 26 წლის საბა ხა­ჟა­ლი­ას გა­უ­მიჯ­ნურ­და, თუმ­ცა დღემ­დე გულ­მოდ­გი­ნედ ცდი­ლობს, პრე­სას სა­კუ­თა­რი პი­რა­დი ცხოვ­რე­ბა და­უ­მა­ლოს.

შო­რე­ნა ბე­გაშ­ვი­ლი და ზურა ბარ­ბა­ქა­ძე

შო­რე­ნა­სა და ზუ­რას ერ­თმა­ნე­თი სკო­ლი­დან უყ­ვარ­დათ. ორი­ვე რუს­თა­ვი­დან გახ­ლავთ და მას შემ­დეგ, რაც შო­რე­ნამ თე­ატ­რა­ლურ უნი­ვერ­სი­ტეტ­ში ჩა­ა­ბა­რა, წყვილ­მა იქორ­წი­ნა. შო­რე­ნამ დი­ა­სახ­ლი­სის ამ­პლუა მო­ირ­გო და მშვი­დად ცხოვ­რობ­და. ხმა­უ­რი კი "პლე­ი­ბო­ი­ში" მის გა­შიშ­ვლე­ბას მოჰ­ყვა. ალ­ბათ ბევ­რს ჰგო­ნია, რომ ოჯა­ხი ამი­ტომ და­ენგრა, მაგ­რამ რო­გორც ზუ­რამ გა­ნა­ცხა­და, შო­რე­ნას ფო­ტო­ე­ბი მო­ე­წო­ნა და მათი და­შო­რე­ბა მხო­ლოდ ოჯა­ხის ად­რე­ულ ასაკ­ში შექ­მნის გამო მოხ­და. მოგ­ვი­ა­ნე­ბით მსა­ხი­ობ­მა და ტე­ლე­წამ­ყვან­მა ოჯა­ხის დან­გრე­ვის მი­ზე­ზად მე­უღ­ლის ღა­ლა­ტი და­ა­სა­ხე­ლა. წყვილს სა­ერ­თო შვი­ლი ჰყავს - ევა. ქმარ­თან და­შო­რე­ბის შემ­დეგ შო­რე­ნამ პო­პუ­ლა­რო­ბის მწვერ­ვალს მი­აღ­წია. ჯერ იყო სე­რი­ა­ლი "კა­ბა­რე ხუთი ვარ­სკვლა­ვი", რო­მელ­შიც კუ­კის როლს თა­მა­შობ­და. ამას მოჰ­ყვა "ღამე შო­რე­ნას­თან", სა­დაც გუ­ლახ­დი­ლი შო­რე­ნა და სექ­სუ­ა­ლუ­რი რჩე­ვე­ბი ვი­ხი­ლეთ, თუმ­ცა გა­და­ცე­მა მა­ლე­ვე და­ი­ხუ­რა. მალე შო­რე­ნას ცხოვ­რე­ბა­ში მო­ნარ­ქი და­ვით ბაგ­რა­ტი­ო­ნი გა­მოჩ­ნდა, რო­მელ­მაც თავ­და­ყი­რა და­ა­ყე­ნა მისი ყოფა და რო­გორ გან­ვი­თარ­და მოვ­ლე­ნე­ბი, მოგ­ვი­ა­ნე­ბით მთელ­მა სა­ქარ­თვე­ლომ ნახა. მო­ნარ­ქი­ის აღ­დგე­ნის მხარ­დამ­ჭე­რე­ბის­თვის შო­რე­ნა ნამ­დვილ მონ­სტრად გა­და­იქ­ცა, თუმ­ცა მოგ­ვი­ა­ნე­ბით და­ვით და ანა ბაგ­რა­ტი­ო­ნე­ბი შე­რიგ­დნენ და ახლა სა­ერ­თო შვილს ზრდი­ან.

მა­მუ­კა ონაშ­ვი­ლი და ირი­ნა ჩიხ­ლა­ძე

ეს წყვი­ლი ახალ­ფე­ხად­გმულ ბო­მონდში დიდი პო­პუ­ლა­რო­ბით სარ­გებ­ლობ­და და პრე­სას ინ­ტერ­ვი­უ­ე­ბით ხში­რად ანე­ბივ­რებ­და. ირი­ნაც მღე­რო­და, ერ­თად დუ­ე­ტი "უკა­რე­ბა" შე­ას­რუ­ლეს.

რამ­დე­ნი­მე­წ­ლი­ა­ნი თა­ნა­ცხოვ­რე­ბის შემ­დეგ მათი ოჯა­ხიც და­ინ­გრა. სა­ერ­თო შვი­ლი არ ჰყო­ლი­ათ. მას შემ­დეგ მა­მუ­კა ონაშ­ვი­ლი აღარ და­ო­ჯა­ხე­ბუ­ლა და ინ­ტერ­ვი­უ­ებ­ში პი­რად ცხოვ­რე­ბა­ზე სა­უ­ბარ­საც ერი­დე­ბა. ამ­ბო­ბენ, რომ ირი­ნა უკვე მე­ო­რედ და­ო­ჯახ­და, თუმ­ცა სა­ზო­გა­დო­ე­ბა­ში მომ­ღერ­ლის სტა­ტუ­სით აღარ ჩნდე­ბა და უც­ნო­ბია, რას საქ­მი­ა­ნობს დღეს.

ბესო ზან­გუ­რი და ნი­ნუ­ცა მა­ყაშ­ვი­ლი

ერ­თმა­ნე­თი რუს­თა­ვე­ლის თე­ატ­რში გა­იც­ნეს, მაგ­რამ მსა­ხი­ო­ბე­ბის წყვილ­მა ერ­თად დიდ­ხანს ვერ გაძ­ლო და მალე და­შორ­დნენ. სა­ერ­თო შვი­ლი ჰყავთ - ნო­დარ ზან­გუ­რი. ოჯა­ხის დან­გრე­ვა საკ­მა­ოდ მტკივ­ნე­უ­ლი აღ­მოჩ­ნდა ნი­ნუ­ცას­თვის, რად­გან დე­და­მი­სი, მსა­ხი­ო­ბი თა­მარ მა­ყაშ­ვი­ლი, და­სა­წყის­ში­ვე ამ ურ­თი­ერ­თო­ბის წი­ნა­აღ­მდე­გი ყო­ფი­ლა. ბესო ზან­გუ­რის სიყ­ვა­რუ­ლი სუს­ტი სქე­სის წარ­მო­მად­გენ­ლე­ბი­სად­მი სამ­სა­ხი­ო­ბო წრე­ებ­ში უკვე ცნო­ბი­ლი იყო, მაგ­რამ ფარ­თო მა­სებ­ში მისი პერ­სო­ნა პო­პუ­ლა­რუ­ლი სპექ­ტაკლში "ჯა­რის­კა­ცი, სიყ­ვა­რუ­ლი, დაც­ვის ბიჭი, პრე­ზი­დენ­ტი" შეს­რუ­ლე­ბუ­ლი რო­ლის შემ­დეგ გახ­და. ნი­ნუ­ცას­თან და­შო­რე­ბის შემ­დეგ ზან­გუ­რი სამ დღე­ში მე­სა­მედ და­ო­ჯახ­და, ამ­ჯე­რად გია ბურ­ჯა­ნა­ძის ქა­ლიშ­ვილ­ზე - რუსა ბურ­ჯა­ნა­ძე­ზე. ამ ქორ­წი­ნე­ბამ მხო­ლოდ ორ კვი­რას გას­ტა­ნა. მე­ო­თხედ ზან­გურ­მა რამ­დე­ნი­მე თვის წინ იქორ­წი­ნა. რო­ბერტ სტუ­რუ­ას ფა­ვო­რი­ტი მსა­ხი­ო­ბი აქ­ტი­უ­რად იყო ჩარ­თუ­ლი "ქარ­თუ­ლი ოც­ნე­ბის" წი­ნა­სა­არ­ჩევ­ნო კამ­პა­ნი­ა­ში. ნი­ნუ­ცა მა­ყაშ­ვი­ლი კი თე­ატ­რის პა­რა­ლე­ლუ­რად "მა­ესტროს" დი­ლის გა­და­ცე­მის წამ­ყვა­ნია.

ირი­ნა ონაშ­ვი­ლი და ბესო ქარ­და­ვა

ჯერ კი­დევ 2003 წელს ირი­ნა ონაშ­ვილ­ზე ამ­ბობ­დნენ, რომ არა­ო­ფი­ცი­ა­ლუ­რად გა­თხო­ვი­ლი იყო. მა­შინ მო­დე­ლი "მის სა­ქარ­თვე­ლოს" გა­მარ­ჯვე­ბუ­ლი გახ­და, მისი რჩე­უ­ლი კი ფეხ­ბურ­თე­ლი ბესო ქარ­და­ვა იყო. ამ­ბობ­დნენ, რომ შეყ­ვა­რე­ბულ­მა მა­მა­კაც­მა ირი­ნა მო­ი­ტა­ცა, მაგ­რამ მათი ოჯა­ხუ­რი ცხოვ­რე­ბა ვერ აე­წყო. მალე ირი­ნა პო­პუ­ლა­რუ­ლი გახ­და და მი­უ­ხე­და­ვად იმი­სა, რომ წვე­უ­ლე­ბებ­ზე წყვი­ლი ერ­თად ჩნდე­ბო­და, ფაქ­ტია, რომ მათ შო­რის შავ კა­ტას უკვე გა­ერ­ბი­ნა. ირი­ნა და ბესო მალე და­შორ­დნენ. შემ­დეგ ბევ­რს წერ­დნენ ირი­ნას რო­მა­ნებ­ზე სხვა­დას­ხვა ცნო­ბილ მა­მა­კაც­თან, თუმ­ცა ფაქ­ტია, რომ მომ­ხიბ­ვლე­ლი მო­დე­ლი მხო­ლოდ ორი წლის წინ და­ო­ჯახ­და - მა­შინ­დელ გუ­ბერ­ნა­ტორ ლადო ვარ­ძე­ლაშ­ვილს გაჰ­ყვა ცო­ლად. ლა­დოს პირ­ვე­ლი ქორ­წი­ნე­ბი­დან ორი შვი­ლი ჰყავ­და, ირი­ნას და ბე­სოს სა­ერ­თო შვი­ლი არ ჰყო­ლი­ათ. რო­გორც ამ­ბობ­დნენ, ვარ­ძე­ლაშ­ვილს ირი­ნას გუ­ლის მო­სა­გე­ბად არა­ფე­რი და­უ­შუ­რე­ბია. დღეს წყვი­ლი ერ­თად ცხოვ­რობს და სა­ერ­თო შვილს ზრდის.

მაკა შა­ლი­კაშ­ვი­ლი და რატი გო­გუ­ა­ძე

მაკა შა­ლი­კაშ­ვი­ლი­სა და რატი გო­გუ­ა­ძის ქორ­წი­ნე­ბა სა­ზო­გა­დო­ე­ბის­თვის მო­უ­ლოდ­ნე­ლი აღ­მოჩ­ნდა, რად­გან ასა­კობ­რი­ვი სხვა­ო­ბის გარ­და, მსა­ხი­ობს წი­ნა­აღ­მდე­გო­ბა რა­ტის ოჯა­ხის მხრი­და­ნაც შეხ­ვდა. ყვე­ლაფ­რის მი­უ­ხე­და­ვად, ერ­თად ცხოვ­რე­ბა და­ი­წყეს და ყო­ველ­თვის ბედ­ნი­ე­რი ოჯა­ხის შთა­ბეჭ­დი­ლე­ბას ტო­ვებ­დნენ. მალე გო­გო­ნა შე­ე­ძი­ნათ, თი­ნა­ნო.

მა­კა­სა და რა­ტის ოჯა­ხებს შო­რის ურ­თი­ერ­თო­ბა დათ­ბა და თით­ქოს ყვე­ლა­ფე­რი კარ­გად მი­დი­ო­და, როცა მო­უ­ლოდ­ნე­ლად პრე­სა­ში მათი და­შო­რე­ბის შე­სა­ხებ და­ი­წე­რა. რა­ტის ახა­ლი შეყ­ვა­რე­ბუ­ლი ჰყავ­და. მა­კამ ღა­ლა­ტი საკ­მა­ოდ მძი­მედ გა­და­ი­ტა­ნა, მოგ­ვი­ა­ნე­ბით სა­ხე­ზე მცი­რე პლას­ტი­კუ­რი ოპე­რა­ცია გა­ი­კე­თა და ცხოვ­რე­ბა ჩვე­უ­ლი ხა­ლი­სით გა­ნაგ­რძო, თუმ­ცა ჰყავს თუ არა ახა­ლი რჩე­უ­ლი, პრე­სის­თვის ჯერ არ გა­უმ­ხე­ლია.

ზუმ­ბა და მაგ­და ნო­ვა­კოვ­სკა

პო­ლო­ნელ­მა მაგ­დამ და ქარ­თველ­მა ზუმ­ბამ, იმა­ვე ზაზა კო­რინ­თელ­მა ერ­თმა­ნე­თი 1997 წლის ზა­ფხულ­ში ქა­ლაქ კრა­კო­ვო­ში გა­იც­ნეს. სა­სიყ­ვა­რუ­ლო შეხ­ვედ­რე­ბი ერთი წელი გაგ­რძელ­და და ბო­ლოს ზუმ­ბა და მაგ­და თბი­ლის­ში წყვი­ლად დაბ­რუნ­დნენ. მე­უღ­ლის დიდი სიყ­ვა­რუ­ლით ორ წე­ლი­წად­ში მაგ­დამ ქარ­თუ­ლი ის­წავ­ლა. ზუმ­ბას ყო­ველ­თვის თან დაჰ­ყვე­ბო­და კონ­ცერ­ტებ­ზე, ხან­და­ხან მას­თან ერ­თად მღე­რო­და კი­დეც, მაგ­რამ სა­ქარ­თვე­ლო­ზე უზო­მოდ შეყ­ვა­რე­ბუ­ლი პო­ლო­ნე­ლის და მუ­სი­კო­სის გზე­ბი მა­ინც გა­ი­ყა­რა. სა­ერ­თო შვი­ლი არ ჰყო­ლი­ათ. მაგ­და სა­ქარ­თვე­ლო­ში დარ­ჩა და მუ­შა­ო­ბა პო­ლო­ნე­თის სა­ელ­ჩო­ში გა­აგ­რძე­ლა. ზუმ­ბა კი მე­ო­რედ და­ო­ჯახ­და მსა­ხი­ობ ნინო აგ­ლა­ძე­ზე და წყვი­ლი უკვე პა­ტა­რა ბი­ჭუ­ნას ზრდის.

ნიკა გრი­გო­ლია და ია უძი­ლა­უ­რი

ეს არას­ტან­დარ­ტუ­ლი წყვი­ლი ყო­ველ­თვის იქ­ცევ­და პრე­სის ყუ­რა­დღე­ბას. ერ­თმა­ნე­თი უნი­ვერ­სი­ტეტ­ში, "კა­ვე­ე­ნის" ერთ-ერთი რე­პე­ტი­ცი­ის დროს გა­იც­ნეს. გაც­ნო­ბი­დან მე­ო­რე დღეს ჩოგ­ბურ­თის სა­თა­მა­შოდ წა­ვიდ­ნენ. მალე იამ ნი­კას ოჯა­ხის წევ­რე­ბი გა­აც­ნო. წყვილს უც­ნა­უ­რი ქორ­წი­ლი ჰქონ­და, მო­ტო­ციკ­ლეტ­ზე მიბ­მუ­ლი ლუ­დის ქი­ლე­ბით ნეფე-პა­ტარ­ძალ­მა მთე­ლი ქა­ლა­ქი შე­მო­ი­ა­რა. ნიკა გრი­გო­ლია უძი­ლა­უ­რე­ბის დიდ სახ­ლში გა­და­ბარ­გდა, სა­დაც ასე­ვე ცხოვ­რობ­დნენ იას და და სიძე - მიშა ან­დღუ­ლა­ძე. შემ­დეგ წყვილს შვი­ლი გა­უჩ­ნდა, ყველ­გან ერ­თად და­დი­ოდ­ნენ და მუდ­მი­ვად გა­მო­ირ­ჩე­ოდ­ნენ ჩაც­მუ­ლო­ბით. მათი გან­ქორ­წი­ნე­ბა ყვე­ლას­თვის და­უ­ჯე­რე­ბე­ლი აღ­მოჩ­ნდა, თუმ­ცა მოგ­ვი­ა­ნე­ბით ამ თე­მა­ზე ორი­ვემ გუ­ლახ­დი­ლად ისა­უბ­რა. ნიკა გრი­გო­ლია რამ­დე­ნი­მე წლის შემ­დეგ მე­ო­რედ და­ო­ჯახ­და, მისი ამ­ჟა­მინ­დე­ლი მე­უღ­ლე მა­რი­ამ ფა­ღა­ვაა.

ქეთი მე­ლა­ძე

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)