მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"Tagesspiegel" - მიხეილ სააკაშვილმა სრულად დაკარგა ის შარმი, რომელიც მას ჰქონდა
13:17 / 22-04-2013
გერმანული გამოცემა "Tagesspiegel"-ი, პრეზიდენტ მიხეილ სააკაშვილის მდიდრული ცხოვრების შესახებ წერს, რომელსაც ის საბიუჯეტო სახსრების ხარჯზე ეწეოდა. როგორც სტატიაშია აღნიშნული, მიხეილ სააკაშვილმა სრულად დაკარგა ის შარმი , რომელიც მას ჰქონდა. გამოცემა პარტია "ერთიანი ნაციონალური მოძრაობის" შესახებაც წერს და აღნიშნავს, რომ არავინ იცის, კიდევ რამდენი ხნით შეძლებს პრეზიდენტი სააკაშვილი მისი დაშლის შეჩერებას.
რაც შეეხება ყოფილი მმართველი პარტიის მიერ 19 აპრილს ჩატარებულ აქციას, "Tagesspiegel"-ის სტატიის თანახმად, პრეზიდენტის სიტყვით გამოსვლის დროს, ტრიბუნა ყოფილმა შინაგან საქმეთა მინისტრმა და "ერთიანი ნაციონალური მოძრაობის" გენერალურმა მდივანმა ვანო მერაბიშვილმა დატოვა. გერმანული პრესა მერაბიშვილს პოლიტიკური არეულობის ცენტრში მყოფ პერსონად მოიხსენიებს.
"Tagesspiegel"-ი უშიშროების საბჭოს ყოფილი მდივნის, ეკა ტყეშელაშვილის განცხადებასაც უსვამს ხაზს, რომლის თანახმადაც, სააკაშვილის ხელისუფლების ერთ-ერთი ყოფილი მაღალჩინოსანი აღიარებს, რომ არჩევნებში დამარცხების შემდეგ, "ნაციონალურ მოძრაობას" ბევრი მხარდამჭერი ტოვებს.
რაც შეეხება რამდენიმე დღის წინ, უმრავლესობის დეპუტატ ირინა იმერლიშვილის მიერ გახმაურებულ დოკუმენტებს, რომლის თანახმადაც, მიხეილ სააკაშვილი, სახელმწიფო დაცვის სამსახურის ბიუჯეტიდან გრიფით "საიდუმლო"-ს მეშვეობით თანხებს პირადი მიზნებისთვის ხარჯავდა, გერმანული გამოცემა წერს, რომ ამ დოკუმენტებით საზოგადოებამ შეიტყო, რომ ქართველი გადასახადის გადამხდელების ხარჯზე ფინანსდებოდა მიხეილ სააკაშვილის შვილების განათლება, მისი ძვირადღირებული გართობა დუბაიში და რუსი ჟურნალისტისთვის ძვირადღირებული საჩუქრის გაკეთება.
"Tagesspiegel"-ის შეფასებით, 2013 წლის შემოდგომაზე პრეზიდენტ სააკაშვილის თანამდებობაზე ყოფნის 10-წლიანი პერიოდი სრულდება, თუმცა მისი იმიჯი, რომელიც კორუფციის წინააღმდეგ ბრძოლასთან და დემოკრატიული ფასეულობების დამკვიდრებასთან ასოცირდებოდა, უკვე შელახულია.
გამოცემა სააკაშვილის პოლიტიკურ მომავალსაც ეჭვქვეშ აყენებს, როცა წერს, რომ მიხეილ სააკაშვილმა 19 აპრილს თავის მომხრეებს შორის, რომლებიც დედაქალაქის ცენტრში შეიკრიბნენ, ვერ მოახერხა და სათანადო მუხტი ვერ გააღვივა, რათა მათ არჩევნებში გამარჯვებული ძალის - "ქართული ოცნების" წინააღმდეგ პროტესტი გამოეხატათ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
