25
მაისიდღის ზოგადი ასტროლოგიური პროგნოზი
ქართველი სამხედროების კიდევ ერთი ნაკადი სამშობლოში დაბრუნდა. თავდაცვის სამინისტროს ინფორმაციით, III ქვეითი ბრიგადის 32-ე ბატალიონის სამხედროები ავღანეთში 6 თვის განმავლობაში ISAF-ის მისიის ფარგლებში წარმატებით ასრულებდნენ დაკისრებულ მოვალეობას. დღეს ისინი უკვე ოჯახებს დაუბრუნდნენ.
სამშვიდობოებს აეროპორტში საქართველოს შეიარაღებული ძალების გაერთიანებული შტაბის ხელმძღვანელი პირები და III ქვეითი ბრიგადის მეთაური, ვიცე-პოლკოვნიკი მალხაზ მერლანი დახვდნენ.
სამინისტროს ინფორმაციით, ავღანეთის საერთაშორისო მისიიდან დაბრუნებული უმცროსი სერჟანტი ალექსანდრე თეთვაძე ოჯახში მოულოდნელად მივიდა. ქართველ სამხედროს ოჯახში ახალი წევრი დახვდა. პატარა ნინი მამის ავღანეთში ყოფნისას დაიბადა და დღეს პირველად შეხვდა მას. უმცროს სერჟანტ ალექსანდრე თეთვაძის მსგავსად, ოჯახის წევრებს სიურპრიზი გაუკეთა ასევე, რიგითმა ხვიჩა ქოქოშვილმა.
ბატალიონის სამშობლოში დაბრუნება ეტაპობრივად მოხდება. 23 აპრილამდე ბატალიონი სრულად დაბრუნდება სამშობლოში. ისინი ავღანეთში როტაციის წესით IV ქვეითი ბრიგადის 42-ე ბატალიონმა ჩაანაცვლა.
