პრეზიდენტმა მარიამ საჯაიას 3500 ლარიანი სამაჯური აჩუქა
სახელმწიფო დაცვის სპეციალურმა სამსახურმა საქართველოს პრეზიდენტის დავალებით 3500 ლარიანი სამკაული - ტიხრული მინანქრის ოქროს სამაჯური შეიძინა.
2011 წელს, გალერეა "შარდენში" შეძენილი ეს ნივთი პრეზიდენტის სტუმარს - მარიამ საჯაიას გადაეცა. ამის დამადასტურებელი დოკუმენტაციას დეპუტატი ირინა იმერლიშვილი აქვეყნებს.
ამასთან, თავად მარიამ საჯაია ამ საჩუქრის მიღებას უარყოფს.
მარიამ საჯაიამ პრეზიდენტისგან მიღებულ საჩუქარზე ჟურნალისტებთან კომენტარი გააკეთა.
"ფაქტია, რომ ხელისუფლება სრულ პანიკაშია 19 აპრილის აქციასთან დაკავშირებით და უნდა ველოდოთ ბრალდებებისა და ტყუილების დიდ რაოდენობას. ამ ბრალდებასთან დაკავშირებით შემიძლია გითხრათ, რომ სრული სიცრუეა და სინამდვილეს არ შეესაბამება. კვლავ და კვლავ ეს უკავშირდება 19 აპრილს დაგეგმილ მიტინგს. ისინი დაინახავენ ოპოზიციის ძალიან დიდ ძალას, რაც მათ აშინებთ. სამაჯურთან დაკავშირებული ფაქტი არის ტყუილი და ნამდვილად მსგავსი საჩუქარი არ მიმიღია", - განაცხადა საჯაიამ.
"ფაქტია, რომ ხელისუფლება სრულ პანიკაშია 19 აპრილის აქციასთან დაკავშირებით და უნდა ველოდოთ ბრალდებებისა და ტყუილების დიდ რაოდენობას. ამ ბრალდებასთან დაკავშირებით შემიძლია გითხრათ, რომ სრული სიცრუეა და სინამდვილეს არ შეესაბამება. კვლავ და კვლავ ეს უკავშირდება 19 აპრილს დაგეგმილ მიტინგს. ისინი დაინახავენ ოპოზიციის ძალიან დიდ ძალას, რაც მათ აშინებთ. სამაჯურთან დაკავშირებული ფაქტი არის ტყუილი და ნამდვილად მსგავსი საჩუქარი არ მიმიღია", - განაცხადა საჯაიამ. 
