ჯორჯ ბუში ბაბუის ამპლუაში

ჯორჯ ბუში უმცროსი რამდენიმე დღის წინ პირველად გახდა ბაბუა, ახლა კი ახალ ამპლუაში ამერიკის ექს-პრეზიდენტის ფოტოები ინტერნეტში გავრცელდა. ჯორჯ ბუში გოგონას ბაბუა გახდა. ბავშვს მარგარეტ ლორი ბუში ჰქვია და ის ყოფილი პრეზიდენტის უმცროსი ქალიშვილის, ჯენი ბუშ-ჰეიგერის შვილია.

გოგონა 13 აპრილს დაიბადა. ამის შესახებ მთელს მსოფლიოს პირველად ბაბუა ჯორჯმა შეატყობინა:

"მე და ლორა აღელვებით გატყობინებთ ჩვენი შვილიშვილის, მარგარეტ ლორი "მილი" ჰეიგერის დაბადების შესახებ... ის 13 აპრილს 20:45 სთ-ზე, ნიუ-იორკში დაიბადა. დღეს ჩვენ გავიცანით ჩვენი ულამაზესი გოგონა. ჯენი და მილა თავს კარგად გრძნობენ", - დაწერა ჯორჯ ბუშმა "ფეისბუქზე".

მომზადებულია spletnik.ru-ს მიხედვით.