წელს "ახა­ლი ტალ­ღის" კონ­კურ­სზე სა­ქარ­თვე­ლოს სა­ლო­მე ქა­თა­მა­ძე წა­რად­გენს, თუმ­ცა პრე­სა­ში არ გავ­რცე­ლე­ბუ­ლა დაწ­ვრი­ლე­ბი­თი ინ­ფორ­მა­ცია იმის შე­სა­ხებ, რომ შე­საძ­ლოა ნინი ცნო­ბი­ლა­ძე, გახ­დეს მე­ო­რე მო­ნა­წი­ლე სა­ქარ­თვე­ლო­დან. ეს კი აპ­რი­ლის ბო­ლოს გა­და­წყდე­ბა და თუკი ასე მოხ­და, ეს იქ­ნე­ბა მე­სა­მე შემ­თხვე­ვა, რო­დე­საც ნინი და სა­ლო­მე ერ­თმა­ნე­თის კონ­კუ­რენ­ტე­ბი გახ­დე­ბი­ან. პირ­ვე­ლად ისი­ნი "ახა­ლი ქარ­თუ­ლი ხმის" ფარ­გლებ­ში გახ­დნენ მე­ტო­ქე­ე­ბი, შემ­დეგ- იურ­მა­ლის შე­სარ­ჩევ კონ­კურ­სზე, როცა კი­ევ­ში ორი­ვე გა­ემ­გზავ­რა და ჟი­უ­რიმ სა­ლო­მე აარ­ჩია, მე­სა­მე შემ­თხვე­ვა კი ახლა იქ­ნე­ბა, თუკი ჟი­უ­რი გა­და­წყვეტს, რომ ნინი ცნო­ბი­ლა­ძის მსგავ­სი ხმა აუ­ცი­ლებ­ლად უნდა გა­ის­მას "ძინ­ტა­რის" სა­კონ­ცერ­ტო დარ­ბაზ­ში.

ნინი ცნო­ბი­ლა­ძეს­თან უკვე დიდი ხა­ნია თა­ნამ­შრომ­ლობს ცნო­ბი­ლი პრო­დი­უ­სე­რი ნატო დუმ­ბა­ძე, რო­მე­ლიც იურ­მა­ლის შე­სარ­ჩე­ვი ტუ­რე­ბის კუ­ლუ­ა­რებ­ზე გვე­სა­უბ­რა. სწო­რედ მის­გან შე­ვი­ტყვეთ, რომ ნინი კონ­კურსს ჯერ არ გა­მო­თიშ­ვია.

- მე და ნინი "ვო­ი­სამ­დეც" ვიც­ნობ­დით ერ­თმა­ნეთს და ვთა­ნამ­შრომ­ლობ­დით, თუმ­ცა არ ვახ­მა­უ­რებ­დით (იღი­მე­ბა). ნინი ძა­ლი­ან მო­ე­წო­ნათ რო­გორც თბი­ლი­სის, ასე­ვე კი­ე­ვის შე­სარ­ჩევ ტუ­რებ­ზე. შე­სა­ბა­მი­სად, არის ლა­პა­რა­კი იმა­ზე, რომ ის იქ­ნე­ბა მე­ო­რე კონ­კურ­სან­ტი, რო­მე­ლიც წლე­ვან­დელ "ახალ ტალ­ღა­ზე" სა­ქარ­თვე­ლოს სა­ხე­ლით გა­მო­ვა. შე­იძ­ლე­ბა ასე­თი რამ ად­რეც მომ­ხდა­რა, უკ­რა­ი­ნი­სა და რუ­სე­თის შემ­თხვე­ვა­ში, სა­ქარ­თვე­ლოს­თვის კი ეს პირ­ვე­ლი პრე­ცე­დენ­ტი იქ­ნე­ბა. სა­ლო­მე და ნინი რა­დი­კა­ლუ­რად გან­სხვავ­დე­ბი­ან ერ­თმა­ნე­თის­გან, ნინი ძა­ლი­ან ინ­დი­ვი­დუ­ა­ლუ­რი მომ­ღე­რა­ლია და "ახა­ლი ტალ­ღის" ორ­გა­ნი­ზა­ტო­რე­ბის­თვი­საც ძა­ლი­ან სა­ინ­ტე­რე­სო აღ­მოჩ­ნდა, რად­გან თა­ვად თქვეს, რომ ნინი ახა­ლი სი­ტყვაა. პირ­ველ ტურ­ზე გვი­თხრეს, რომ ორი­ვე იყო გა­და­სუ­ლი მე­ო­რე ტურ­ში. იქვე აღ­ნიშ­ნეს, რომ უნ­დათ სა­ქარ­თვე­ლო­დან ორი კონ­კურ­სან­ტი ჰყავ­დეთ, მაგ­რამ არის დარ­ჩე­ნი­ლი შე­სარ­ჩე­ვი ტუ­რე­ბი სხვა ქვეყ­ნე­ბის­თვი­საც, ეს პრო­ცე­სი 20 აპ­რი­ლამ­დე უნდა დას­რულ­დეს. უნდა მო­ის­მი­ნონ სხვა ქვეყ­ნის კონ­კურ­სან­ტე­ბი, დარ­ჩათ სამი ქვე­ყა­ნა, რუ­სე­თი, ყა­ზა­ხე­თი და ლატ­ვია, ამი­ტო­მაც უნდა და­ვე­ლო­დოთ ამ მოს­მე­ნე­ბის შე­დე­გებს. ვი­ნა­ი­დან ნინი სპე­ცი­ფი­კურ ხმას ფლობს, ორ­გა­ნი­ზა­ტო­რებ­მა გა­და­წყვი­ტეს, ჯერ დარ­ჩე­ნი­ლი ქვეყ­ნე­ბის კონ­კურ­სან­ტებ­საც მო­უს­მი­ნონ, რათა არ აღ­მოჩ­ნდეს მათ შო­რის ისე­თი, ვინც ნი­ნის ვო­კა­ლით ჰგავს. ასეთ შემ­თხვე­ვა­ში ნი­ნის აღარ და­უ­ძა­ხე­ბენ, რად­გან ორი ერ­თნა­ი­რი არ უნ­დათ. იმე­დი გა­მოთ­ქვეს, რომ ასე არა­ვინ არ მღე­რის (იღი­მე­ბა).

- სა­ქარ­თვე­ლო­ში თა­ვი­დან გავ­რცელ­და ხმა, რომ სა­ლო­მე გა­ვი­და, ნინი კი კონ­კურსს გა­მო­ე­თი­შა.

- არ ვიცი, ასე რა­ტომ მოხ­და. ალ­ბათ ვი­ღა­ცას უნდა, ასე თქვას. ვინც ამას ამ­ბობს, თა­ვი­სუფ­ლად შე­უძ­ლია ამის გა­და­მოწ­მე­ბა, რად­გან არ­სე­ბობს ვი­დე­ო­მა­სა­ლა. დიდი ხა­ნია შო­უ­ბიზ­ნეს­ში ვარ და ასე­თი რა­ღა­ცე­ბი უკვე აღარ მიკ­ვირს (იღი­მის).

- კი­ევ­ში შე­სარ­ჩევს ეს­წრე­ბო­დი? რო­გორ მოხ­და, რომ სა­ლო­მე ძი­რი­თად წარ­მო­მად­გენ­ლად ამო­არ­ჩი­ეს და ნი­ნის ბედი 25 აპ­რი­ლამ­დე უნდა გა­და­წყდეს?

- კი, ვეს­წრე­ბო­დი. შე­სარ­ჩე­ვი ტური იყო "ბე­რი­კო­ნის" ტი­პის კლუბ­ში, რო­მელ­საც ერ­ქვა Freedom. იქ ვნა­ხეთ ქრის­ტი­ნე იმე­და­ძე და ბი­ჭო­ლა. ყვე­ლას ჰქონ­და დას­წრე­ბის სა­შუ­ა­ლე­ბა, რად­გან შე­სარ­ჩე­ვი ტური კონ­ცერ­ტი­ვით იმარ­თე­ბა. მო­ვუს­მი­ნეთ უკ­რა­ი­ნელ კონ­კურ­სან­ტებს და შემ­დეგ იმ­ღე­რეს ქარ­თველ­მა ბავ­შვებ­მა. ორი­ვე ძა­ლი­ან ნერ­ვი­უ­ლობ­და. სხვა­თა შო­რის ვამ­ბობ­დი, იურ­მა­ლა­ში სხვა ტი­პის კონ­კურ­სი ტარ­დე­ბა და რად­გან თქვეს, რომ შე­საძ­ლე­ბე­ლია ორი­ვე შე­ერ­ჩი­ათ, ეს ასეც მოხ­დე­ბო­და. მე და ჩემი მომ­ღე­რა­ლი პირ­ვე­ლი რომ არ გა­მოგ­ვა­ცხა­დეს, ეს ჩემ­თვის არა­ფერს ნიშ­ნავს. ჩვენ ძა­ლი­ან კარგ ხა­სი­ათ­ზე ვართ, რად­გან და­წყე­ბუ­ლი იგორ კრუ­ტო­ით და ყვე­ლა სხვა და­ნარ­ჩე­ნით დამ­თავ­რე­ბუ­ლი, აბ­სო­ლუ­ტუ­რად ყვე­ლა აღ­ფრთო­ვა­ნე­ბუ­ლი იყო ნი­ნი­თი. მათ თქვეს, რომ არ მო­უს­მე­ნი­ათ ასე­თი გან­სხვა­ვე­ბუ­ლი ვო­კა­ლი და დიდი ხა­ნია, არ უნა­ხავთ ვო­კალ­თან შერ­წყმუ­ლი გა­რეგ­ნო­ბა და გე­მოვ­ნე­ბა. იგორ კრუ­ტო­იმ და­უ­ძა­ხა ნი­ნის და ეს ყვე­ლა­ფე­რი უთხრა. ისე­თი მუხ­ტი მი­ვი­ღეთ, რომ იმე­დი გვაქვს, აპ­რი­ლის ბო­ლოს ეს ამ­ბა­ვი და­დე­ბი­თად გა­და­წყდე­ბა. თა­ვად დარ­ბაზ­ში ძა­ლი­ან გულ­შე­მატ­კივ­რობ­დნენ ნი­ნის მისი გან­სხვა­ვე­ბუ­ლი ხმის გამო.

- ნინი სა­ლო­მეს კონ­კუ­რენ­ტია უკვე მე­ო­რედ. ხომ არ დას­წყდა გული?

- ვერ გე­ტყვი, რომ გულ­და­წყვე­ტი­ლია. მომ­ღე­რალს უფრო მე­ტის გა­კე­თე­ბის სურ­ვი­ლი უჩ­ნდე­ბა, ეს ჯან­სა­ღი კონ­კუ­რენ­ცი­აა. რევ­ზინ­მა თქვა, რომ სა­ქარ­თვე­ლო­ში შე­სარ­ჩევ­ზე ყვე­ლა ერ­თსა და იმა­ვე სიმ­ღე­რებს მღე­რო­და, ნინი კი მათ შო­რის მარ­თლაც გა­მორ­ჩე­უ­ლი იყო. რო­დე­საც იქა­უ­რი ჟი­უ­რის წევ­რე­ბის­გან ასეთ კომ­პლი­მენ­ტებს მი­ი­ღებ, ეს დიდი ნახ­ტო­მია შო­უ­ბიზ­ნე­სის სფე­რო­ში. მსოფ­ლიო ვარ­სკვლავს ეძახ­დნენ და მას­თან სუ­რა­თებს იღებ­დნენ. რო­დე­საც ასე­თი დიდი გა­მოც­დი­ლე­ბის ადა­მი­ა­ნე­ბი ვარ­სკვლა­ვო­ბას გი­წი­ნას­წარ­მე­ტყვე­ლე­ბენ, ეს უბ­რა­ლო რამ არ არის. ეს ჩემ­თვი­საც არ იყო ტეს­ტი, რად­გან რო­დე­საც მომ­ღე­რალს ხელს ვკი­დებ, ზუს­ტად ვიცი, ამას რა­ტომ ვა­კე­თებ. ჩემ­თვი­საც, რო­გორც პრო­დი­უ­სე­რის­თვის, ეს ძა­ლი­ან დიდი სი­ხა­რუ­ლი იყო, სულ რომ კონ­კურ­სზე არ გა­ვი­დეთ, მა­ინც წარ­მა­ტე­ბაა. ბევ­რი ჩემი მომ­ღე­რა­ლი კონ­კურ­სზე სა­ერ­თოდ არ გა­სუ­ლა. კონ­კურ­სი პი­ა­რის ერთ-ერთი სა­ხე­ო­ბაა და მას დიდ მნიშ­ვნე­ლო­ბას არ ვა­ნი­ჭებ. იურ­მა­ლის კონ­კურ­სზე მომ­ღერ­ლის­თვის უბ­რა­ლოდ მოხ­ვედ­რაც კი ღირს, რად­გან 12 დღის გან­მავ­ლო­ბა­ში საშა რევ­ზი­ნი ისე მუ­შა­ობს თი­თო­ე­ულ­თან და ისეთ მას­ტერკლასს უტა­რებს, რომ ეს უდი­დე­სი გა­მოც­დი­ლე­ბაა.

- რო­გორც საშა რევ­ზინ­მა თქვა, სა­ქარ­თვე­ლო­ში ყვე­ლა უიტ­ნი ჰი­უს­ტო­ნის სიმ­ღე­რებს მღე­რის.

- მე ამ ტენ­დენ­ცი­ას მი­ვა­წერ პე­და­გო­გებს, რად­გან ჰგო­ნი­ათ, რაც უფრო უიტ­ნი­ვით იმ­ღე­რებ, უფრო მე­ტად გა­მო­ა­ჩენ ვო­კალს. ხდე­ბა კო­პი­რე­ბა, რაც მე, რო­გორც მსმე­ნელს, არა­ფერს მაძ­ლევს. დამ­თავ­რდა ეს ეპო­ქა და ახა­ლი და­ვი­წყოთ!.. არ შე­იძ­ლე­ბა, მუდ­მი­ვად ჰბა­ძავ­დე ქალს, რო­მელ­საც ბა­და­ლი არ ჰყავს. იგი­ვე შე­იძ­ლე­ბა ით­ქვას ბი­ონ­სე­ზე და სხვა მომ­ღერ­ლებ­ზე, ეს ტალ­ღე­ბი მუდ­მი­ვად მო­დის. თუკი შენ არც შენს ტექ­ნი­კას აჩ­ვე­ნებ, არც ინ­დი­ვი­დუ­ა­ლიზმს და ვინ­მეს ჰბა­ძავ, ეს სა­სა­ცი­ლოა.

მე სა­ქარ­თვე­ლოს შე­სარ­ჩევ ტურ­ზე არა მხო­ლოდ ნინი მყავ­და, არა­მედ ანა ხან­ჩა­ლი­ა­ნიც. ჟი­უ­რის წევ­რებს ჰქონ­დათ ხან­ჩა­ლი­ან­ზე სა­უ­ბა­რი, მაგ­რამ შემ­დეგ გა­და­წყვი­ტეს, რომ მას წე­ლი­წად-ნა­ხე­ვა­რი კი­დევ სჭირ­დე­ბა, სა­ნამ ასეთ დიდ კონ­კურ­სზე გა­მო­ვა. იმ 5-6 კონ­კურ­სან­ტი­დან, რომ­ლე­ბიც ჟი­უ­რის წევ­რებ­მა გა­მოყ­ვეს, ორი ჩემი მომ­ღე­რა­ლი გახ­ლდათ (იღი­მის).

- მუ­სი­კა­ლურ კონ­კურ­სებ­ზე მინ­და გკი­თხო. სულ იყო სა­უ­ბა­რი, რომ უპი­რა­ტე­სო­ბა ენი­ჭე­ბო­დათ იმ მომ­ღერ­ლებს, რომ­ლე­ბიც მა­ღალ ნოტს იღებ­დნენ.

- გე­თან­ხმე­ბი!.. რო­დე­საც "ახალ ქარ­თულ ხმას" ვუ­ყუ­რებ­დი, რინ­გის­გან სი­ა­მოვ­ნე­ბა ვერ მი­ვი­ღე, თუმ­ცა მთლი­ა­ნო­ბა­ში ამ პრო­ექტს მა­ინც ვა­ფა­სებ. ჩემ­თვის დუ­ე­ტი არის "ჯორ­ჯია". იქ არის სით­ბო, სიტ­კბო, ხმე­ბის შერ­წყმა. გა­სა­გე­ბია, რომ ეს რინ­გია, მაგ­რამ ეს იმას არ უნდა ნიშ­ნავ­დეს, რომ მან გა­ი­მარ­ჯვოს, ვინც უფრო მა­ღალ ნოტს აი­ღებს. მე არ მი­ვიჩ­ნევ, რომ ასე­თი მომ­ღე­რა­ლი რო­მე­ლი­მე პრო­დი­უ­სე­რის­თვის სა­ინ­ტე­რე­სო იქ­ნე­ბა. კარ­გია, თუ ამას შემ­დგო­მი პრო­ექ­ტე­ბის­თვის გა­ით­ვა­ლის­წი­ნე­ბენ.

- ნატო, "ახა­ლი ტალ­ღის" გარ­შე­მო სულ ვნე­ბა­თა­ღელ­ვაა. რა­ტომ უნდა წა­ვი­დეს სა­ქარ­თვე­ლოს წარ­მო­მად­გე­ნე­ლი ამ კონ­კურ­სზე?

- შორს პო­ლი­ტი­კა ხე­ლოვ­ნე­ბის­გან!.. სა­ქარ­თვე­ლო ძა­ლი­ან პა­ტა­რა ქვე­ყა­ნაა და მომ­ღე­რალს გან­ვი­თა­რე­ბის სა­შუ­ა­ლე­ბა არ აქვს. ამ კონ­კურ­სის დამ­ფუძ­ნებ­ლე­ბი რა­ი­მონდ პა­ულ­სი და იგორ კრუ­ტოი პო­ლი­ტი­კის­გან ძა­ლი­ან შორს არი­ან და იმა­ზე ფიქ­რო­ბენ, რო­გორ წარ­მო­ა­ჩი­ნონ მომ­ღერ­ლე­ბი სხვა­დას­ხვა ქვეყ­ნი­დან სა­უ­კე­თე­სოდ. სა­ქარ­თვე­ლო­ში თუ რო­მე­ლი­მე კომ­პა­ნი­ის დი­რექ­ტო­რი რუ­სია, რას აშა­ვებს მომ­ღე­რა­ლი, რო­მელ­საც უნდა "ახა­ლი ტალ­ღის" კონ­კურ­სზე გა­მოს­ვლა?!. "სა­ქარ­თვე­ლო, ბრა­ვო!"- ასე­თი რამ მხო­ლოდ სა­ქარ­თვე­ლო­ში თქვეს. "ახა­ლი ტალ­ღის" ჟი­უ­რის წევ­რე­ბი მუ­სი­კა­ლუ­რად ჩვენს ქვე­ყა­ნას ძა­ლი­ან დიდ ყუ­რა­დღე­ბას აქ­ცე­ვენ.

- ვა­ლე­რი მე­ლა­ძემ გა­ნა­ცხა­და, რომ ვინც უნდა აირ­ჩი­ონ სა­ქარ­თვე­ლო­დან, იცის, რომ მა­ინც ილა­პა­რა­კე­ბენ, ჩა­წყო­ბე­ბი­აო.

- სამი წე­ლია, ამ კონ­კურ­სზე მომ­ღერ­ლე­ბი დამ­ყავს. შე­იძ­ლე­ბა ასე პირ­და­პირ დავ­წე­როთ, რომ ამ კონ­კურ­სზე ჩა­წყო­ბა "არ მო­სუ­ლა". მე მყავ­და წაყ­ვა­ნი­ლი ანრი ჯო­ხა­ძე და სა­ლო­მე გას­ვი­ა­ნი. მოდი ვა­ღი­ა­როთ, რომ მათი ვო­კა­ლი ეჭვქვეშ არ დგას. მა­შინ მათ­ზე მი­თხრეს, რომ უკვე შემ­დგა­რი მომ­ღერ­ლე­ბი იყ­ვნენ, ისი­ნი კი ამ კონ­კურ­სის­თვის ახალ სა­ხე­ებს ეძებ­დნენ. ჟი­უ­რის ექ­ვსი სხვა­დას­ხვა წევ­რია, ყვე­ლას თა­ვი­სი გე­მოვ­ნე­ბა აქვს, მაგ­რამ ყვე­ლა­ფერს სა­ბო­ლო­ოდ იგორ კრუ­ტოი წყვეტს. და­მარ­ცხე­ბაა, როცა მას შე­ა­წუ­ხებ, რად­გან იქ დიდი მი­ნუ­სი გე­წე­რე­ბა. ეს არის ადა­მი­ა­ნი, რო­მელ­საც არ უყ­ვარს, როცა მას­თან მომ­ღე­რა­ლი პრო­ტექ­ცი­ით მი­დის.

- მა­ინც რა არის მთა­ვა­რი კრი­ტე­რი­უ­მი, რი­თაც "ახა­ლი ტალ­ღის" კონ­კურ­სან­ტებს არ­ჩე­ვენ?

- ინ­დი­ვი­დუ­ა­ლიზ­მი მნიშ­ვნე­ლო­ვა­ნია. ჩა­უ­ტა­რე­ბი­ათ გა­მო­კი­თხვა, ვინ და­ა­მახ­სოვ­რდა მა­ყუ­რე­ბელს ყვე­ლა­ზე მე­ტად "ახა­ლი ტალ­ღის" კონ­კურ­სან­ტე­ბი­დან. ესე­ნი იყ­ვნენ უკ­რა­ი­ნე­ლი ჯა­მა­ლა და დუ­ე­ტი "ჯორ­ჯია". სტა­ტის­ტი­კა ბოლო 10 წელს მო­ი­ცავს. რა­ტომ მოხ­და ასე? ჯა­მა­ლა იყო ინ­დი­ვი­დუ­ა­ლიზ­მის პიკი. დუ­ე­ტი "ჯორ­ჯია" რომ მოხ­ვდა ამ გა­მო­კი­თხვა­ში, არც გამ­კვირ­ვე­ბია, რად­გან მარ­თლა ძა­ლი­ან კარ­გე­ბი არი­ან.

- ნატო, ისევ ქარ­თულ შე­სარ­ჩევს და­ვუბ­რუნ­დეთ და ნი­ნის რე­პერ­ტუ­ა­რი შენ შე­ურ­ჩიე?

- მცი­რე დრო გვქონ­და მო­სამ­ზა­დებ­ლად, რად­გან არ ვი­ცო­დით, აქ ტარ­დე­ბო­და შე­სარ­ჩე­ვი ტური თუ მოს­კოვ­ში. როცა თა­რი­ღი გა­და­წყდა, ავი­ღეთ ერთი უცხო­უ­რი სიმ­ღე­რა და ასე­ვე "სუ­ლი­კო", "არ­სის" დამ­ზა­დე­ბუ­ლი ფო­ნოგ­რა­მა გა­მო­ვი­ყე­ნეთ, რო­მე­ლიც ელე­ო­ნო­რას­თვის იყო შექ­მნი­ლი. ასე­ვე გვქონ­და კი­დევ რამ­დე­ნი­მე უცხო­უ­რი სიმ­ღე­რა ყო­ვე­ლი შემ­თხვე­ვის­თვის. ნი­ნის აქვს საკ­მა­ოდ და­მა­ხა­სი­ა­თე­ბე­ლი ტემ­ბრი, მის­თვის ქარ­თუ­ლი სიმ­ღე­რის მორ­გე­ბა ძა­ლი­ან რთუ­ლია და ამა­ში თა­ვა­დაც და­მე­თან­ხმა. "სუ­ლი­კოს" თა­ვი­სი იმპრო­ვი­ზა­ცი­ით მღე­რის, მო­ის­მი­ნეს და მო­ე­წო­ნათ. სხვა სიმ­ღე­რის შერ­ჩე­ვა ძა­ლი­ან გაგ­ვი­ჭირ­და. ასე­ვე გა­ვა­კე­თეთ ვაჟა აზა­რაშ­ვი­ლის "სენ­ტი­მენ­ტა­ლუ­რი ტან­გო", რო­მე­ლიც ნი­ნის ხმას ძა­ლი­ან მო­უხ­და და კი­ე­ვის ტურ­ზე შე­ას­რუ­ლა.

- ნი­ნის­თან მო­მა­ვა­ლი თა­ნამ­შრომ­ლო­ბა რო­გორ წარ­მო­გიდ­გე­ნია?

- სა­ქარ­თვე­ლო­ში ნი­ნის კა­რი­ე­რა უკვე და­წყე­ბუ­ლია, თუმ­ცა მხო­ლოდ სა­ქარ­თვე­ლო­თი არ შე­მო­ვი­ფარ­გლე­ბით. იმ­დე­ნად გა­ა­მარ­თლა მის­მა არ­ჩე­ვამ ჩემი მხრი­დან, რომ ვა­პი­რებთ, სა­ქარ­თვე­ლოს გა­რე­თაც მოვ­სინ­ჯოთ ძა­ლე­ბი. მისი მო­ნა­ცე­მე­ბი პრო­დი­უ­სე­რის­თვის "შე­სა­ფუ­თად" ძა­ლი­ან კომ­ფორ­ტუ­ლია.

ნინო მურ­ღუ­ლია

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)

ასე­ვე იხი­ლეთ:

რო­გორ მო­ხიბ­ლა სა­ლო­მე ქა­თა­მა­ძემ იურ­მა­ლის კონ­კურ­სის ჟი­უ­რი - ვი­დეო შე­სარ­ჩე­ვი ტუ­რი­დან