პოლონეთში იოანე პავლე მეორის უდიდესი ქანდაკება გახსნეს

პოლონეთში იოანე პავლე მეორის ყველაზე დიდი ქანდაკების გახსნის საზეიმო ცერემონია გაიმართა.

პონტიფიკის ქანდაკება ქვეყნის სამხრეთში, ქალაქ ჩენსტოხოვაში დადგეს, სადაც პოლონეთში კათოლიკეებისთვის ერთ-ერთი ყველაზე პატივსაცემი ადგილი, მონასტერი იასნა გორა მდებარეობს.

ძეგლის სიმაღლე 14 მეტრია.

ქანდაკება ადგილობრივი ბიზნესმენის სახსრებით დადგეს, რომელის თქმით, პონტიფიკის ჩარევამ მისი ვაჟი დახრჩობისგან იხსნა.

პოლონეთში ქანდაკების გახსნამდე იოანე პავლე მეორის ყველაზე დიდი ქანდაკება ჩილეში იყო, რომელიც 12 მეტრს აღწევს.

იოან პაველ II პაპი 1978 წლიდან გარდაცვალებამდე, 2005 წლამდე იყო. იგი პირველი პოლონელი პაპია.

მომზადებულია Associated Press-ის მიხედვით.