მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
ორშაბათი, მთვარის მეორე დღე დაიწყება 05:38-ზე, მთვარე კუროშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად, საქმიანობის, სამსახურის შესაცვლელად. უფროსთან შეხვედრა სიკეთეს არ მოგიტანთ. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კონსტანტინე გამსახურდია - 2008 წლის აგვისტოს ომის გამოძიება არ მოხერხდება
09:30 / 14-04-2013
საქართველოს პირველი პრეზიდენტის ვაჟი კონსტანტინე გამსახურდია 2008 წლის აგვისტოს ომის გამოძიების საკითხს "ფეისბუქით" ეხმაურება.
"2008 წლის აგვისტოს 5-დღიანი ომის მიზეზების გამოძიება და ნამდვილი სურათის რეკონსტრუქცია, შესაძლოა, ბევრის მომცემი იყოს, მაგრამ არ მოხერხდება უბრალო მიზეზის გამო: ვერ დაიკითხება რუსული მხარე, კრემლის მაღალჩინოსნები, თავდაცვის სამინისტრო და სპეცსამსახურები. ეს კი აუცილებელია ობიექტური, დიფერენცირებული სურათისთვის. სხვაგვარად სრულ სიმართლეს ვერ მივიღებთ. ასევე უნდა დაიკითხოს აშშ-ის მაშინდელი ელჩი და მოხდეს ასევე ამ ომზე "ვიკილიქსის" ყველა მონაცემის გაშიფვრა და ინტერპრეტაცია. ქართული მხარის დაკითხვა, პრეზიდენტის ჩათვლით, არანაირ პრობლემას არ უნდა წარმოადგენდეს.
რაც შეეხება ზოგადად ომის დამწყებს, იგი ცხადია: რუსეთმა სეპარატისტების ზურგის გასამაგრებლად იქ ჩააყენა შეიარაღებული ძალები, რომლებიც მალევე შევარდნაძესთან დადებული დაგომისის კაპიტულანტური ხელშეკრეულების შემდეგ 1992 წლის 24 ივნისს "სამშვიდობოებად" გადანათლა. მიუხედავად იმისა, რომ წლების მანძილზე კონფლიქტი "გაიყინა", ამ პროცესს შესაძლოა, საქართველოს წინააღმდეგ ქრონიკული აგრესია ეწოდოს. იგი გამწვავდა 2004-ში, როდესაც სააკაშვილის ხელისუფლებამ აგრესორს "კბილი მოუსინჯა", მაგრამ იმხანად საქართველო ტრაგედიას გადაურჩა. მას შემდეგ, რაც ქართულმა მხარემ ამ მოვლენებიდან სწორი დასკვნები ვერ გააკეთა, იგივე უფრო მძიმედ და დამანგრეველად 2008 წლის აგვისტოში განმეორდა.
საერთაშორისო სამართლით, საქართველოს 2008 წლის აგვისტოში სრული უფლება ჰქონდა საკუთარ ტერიტორიაზე აღედგინა თავისი იურისდიქცია, მაგრამ სხვა საკითხია, რომ ამას მსოფლიოში პრაქტიკულად არავინ განგახორციელებინებს - რუსეთთან არსებულ სტატუს-ქვოს დარღვევაზე არავინ წავა, რასაც შესაძლოა, რაიმე ფორმით შეიარაღებული კონფლიქტი მოჰყვეს. საპირისპიროდ რუსეთმა სულ რომ დააუთოვოს ჩეჩნეთი, ინგუშეთი და დაღესტანი, არავინ ეტყვის რამეს. ამიტომაც ორი ვარიანტი რჩება: ან ტუჩზე რძეშეუმშრალი "აღუები" ვართ და იმდენად ბრიყვები, რომ მსოფლიოს პოლიტიკურ ვითარებას ვერ ვშიფრავთ, ან რომელიღაც სერიოზული აქტიორის ინტერესი იყო, კბილი მოესინჯა რუსეთისთვის. ოღონდ ეს ექსპერიმენტატორი წაუგებელ თამაშს თამაშობდა. წავაგეთ მხოლოდ ჩვენ.
გამოსავალი იყო 2008 წლის აგვისტოს დასაწყისშივე ნიქოზიდან და რამოდენიმე სოფლიდან მოსახლეობის დროებით გამოყვანა, ასევე ყველა ქართული შეიარაღებული ნაწილის მოცილება იქაურობიდან. კონფლიქტის ზონაში უნდა დარჩენილიყო პოლიცია და რაც შეიძლება მეტი ჟურნალისტი და კორესპონდენტი. ეს ჩვენს საეტაპო გამარჯვებას გარდაუვალად გახდიდა და როგორც მინიმუმი, არსებული სტატუს-ქვო არ დაირღვეოდა", - წერს გამსახურდია.
თავდაცვის მინისტრმა ირაკლი ალასანიამ 2008 წლის ომის მოვლენების შესწავლის მიზნით გამოძიების დაწყებასთან დაკავშირებით რამდენიმე დღის წინ განაცხადა. მინისტრის თქმით, აგვისტოს ომთან დაკავშირებით დოკუმენტაციის შესწავლა უკვე დაწყებულია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
