მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჰამარბერგი - საერთაშორისო სასამართლოებში გამოძიება მიდის ომის დროს ადამიანის უფლებებზე და არა იმაზე, თუ ვინ დაიწყო ომი
07:21 / 14-04-2013
2008 წლის აგვისტოს ომის დროს ადამიანის უფლებების დარღვევის მხრივ შეცდომები ორივე მხარემ დაუშვა და კარგია, თუკი ამის შესწავლა მოხდება, - ამის შესახებ ევროკავშირის სპეციალურმა წარმომადგენელმა საქართველოში, თომას ჰამარბერგმა სასტუმრო "რედისონში" გამართულ პრესკონფერენციაზე განაცხადა.
"როგორც ჰააგის, ასევე სტრასბურგის სასამართლოებში შესულია არაერთი სარჩელი, რომელიც ეხება ომის დროს ადამიანის უფლებების დარღვევებს, ტყვეების უფლებების დარღვევას და სხვა სამხედრო დანაშაულებს. ამ საჩივრების საფუძველზე ჰააგისა და სტრასბურგის სასამართლოებმა გამოძიების პროცესი დაიწყო და ეს ეხება მხოლოდ ადამიანის უფლებებსა და ომის დანაშაულებს. აქ არ არის შესწავლის საგანი ის, თუ ვინ დაიწყო ომი და შესაძლებელი იყო თუ არა ამ ომის თავიდან აცილება", - აღნიშნა ჰამარბერგმა.
მისივე თქმით, ამ თემის გარშემო მედიაში ერთგვარი გაუგებრობაა შექმნილი. აღნიშნულ საკითხზე საუბრისას ჰამარბერგმა ყურადღება გაამახვილა ევროკავშირის ეგიდით შექმნილ კომისიასა და ტალიავინის ხელმძღვანელობით დადებულ დოკუმენტზე.
"ჩემი რჩევა იქნება, რომ დავუბრუნდეთ ტალიავინის ანგარიშს და წაიკითხეთ ის სრულად. ამ ანგარიშში არის ასახული, თუ რა გაკეთდა ან არ გაკეთდა იმისთვის, რომ 2008 წლის ომი თავიდან ყოფილიყო აცილებული", - აღნიშნა თომას ჰამარბერგმა. მისივე ინფორმაციით, საქართველოს პროკურატურა აპირებს პასუხი გასცეს იმ კითხვებს, რომელიც გააჩნია ჰააგის სასამართლოს. ჰამარბერგის განცხადებით, მისი მონაცემებით, აღნიშნულ საქმესთან დაკავშირებით საგამოძიებო პროცესი მიდის თავდაცვის სამინისტროშიც.
ჰამარბერგი ადგილობრივი თვითმმართველობის საკითხსაც შეეხო და აღნიშნა, რომ საჭიროა მოსახლეობასთან მუშაობა იმის ასახსნელად, თუ რა სხვაობაა საპარლამენტო და ადგილობრივ არჩევნებს შორის. ასეთ დასკვნას აკეთებს ჰამერბერგი იმ პროცესებთან დაკავშირებით, რომელიც 1-ელი ოქტომბრის არჩევნების შემდეგ რეგიონებში, ადგილობრივი მმართველობების დონეზე წარიმართა.
როგორც ევროკავშირის სპეციალურმა წარმომადგენელმა აღნიშნა, მისი აზრით, ადგილებზე ბევრი ვერ ხვდება, რომ ხელმძღვანელობა ეროვნულ, საპარლამენტო დონეზე არის სხვა, ადგილზე - სხვა და ისინი ერთდროულად არ იცვლებიან.
"ხელისუფლებამ უნდა იმუშაოს, რათა მოსახლეობას აუხსნას, თუ რა სხვაობაა ამ ორ პროცესს შორის", - აცხადებს თომას ჰამარბერგი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
