10
ივლისიდღის ზოგადი ასტროლოგიური პროგნოზი
12 აპრილს საფრანგეთის სენატმა კანონი მიიღო, რომელიც ჰომოსექსუალ წყვილებს ბავშვის აყვანისა და ერთსქესიანი ქორწინების დარეგისტრირების უფლებას აძლევს. მთავრობის წარმომადგენლებმა ქვეყნის ოფიციალური ბეჭდვითი ორგანოს Journal Officiel-ის საიტზე შესაბამისი დოკუმენტი გამოაქვეყნეს.
ფრანგი ჟურნალისტების ინფორმაციით, მიღებული კანონი ძალაში 2013 წლის ზაფხულის დასაწყისში შევა, მაგრამ ამ დრომდე მას საფრანგეთის პრეზიდენტმა, ფრანსუა ოლანდმა უნდა მოაწეროს ხელი. ჰომოსექსუალი წყვილებისთვის დაქორწინების უფლების მიცემა მისი ერთ-ერთი წინასაარჩევო დაპირება იყო.
ჰომოსესუალებისთვის ბავშვის აყვანის წინააღმდეგ მარინ ლე პენის ნაციონალური ფრონტი და კათოლიკური ეკლესია გამოვიდა.
10 აპრილს გრძელვადიანი დებატების შემდეგ საფრანგეთის სენატმა პირველი მოსმენით მიიღო კანონპროექტი, რომელიც ერთსქესიან წყვილებს ქორწინების უფლებას აძლევს.
კანონპროექტის განხილვას, როგორც მისი მომხრეების, ასევე მოწინააღმდეგეების მასობრივი აქციები მოჰყვა.
მომზადებულია lifenews.ru-ს მიხედვით.
