18
ივნისიდღის ზოგადი ასტროლოგიური პროგნოზი
ამერიკელმა მწერალმა ფანტასტმა, სცენარისტმა და პროდიუსერმა ჯორჯ მარტინმა ძალიან მალე და იოლად მიაღწია წარმატებას. გარდა იმისა, რომ წერდა მოთხრობებსა და პოემებს, რომლებიც სამეცნიერო-ფანტასტიკური და საშინელებათა ჟანრის ნაზავს წარმოადგენდა, კლასიკურ სამეცნიერო ფანტასტიკურ ჟანრშიც მუშაობდა, თუმცა საბოლოოდ ჭეშმარიტ ფენტეზის ჟანრის ოსტატად ჩამოყალიბდა, რომელსაც კრიტიკოსები ტოლკიენისა და რ. ჯორდანის გვერდით მოიხსენიებენ.
მონსტრებზე დაწერილი მოთხრობები
მომავალი მწერალი 1948 წლის 20 სექტემბერს ნიუ-ჯერსის შტატ ქალაქ ბაიონში დაიბადა. მამამისი, რაიმონდ კოლინზ მარტინი - მტვირთავი იყო, დედამისი, მარგარეტ ბრედი მარტინი, დიასახლისი. ჯორჯს ორი და - დარლინ მარტინი და ჯანეტ მარტინი ჰყავდა. მომავალი მწერალი მერი ჯეინ დონოჰის სკოლაში სწავლობდა. წერა ძალიან ადრე დაიწყო: მონსტრებზე დაწერილ მოთხრობებს მეგობრებზე ყიდდა. მოგვიანებით კომიქსების თაყვანისმცემელი გახდა. მათ ჯერ კიდევ საშუალო სკოლაში აგროვებდა და ფენტეზისთვის სიუჟეტებს იგონებდა. მისი, როგორც პროფესიონალის ნამუშევარი პირველად 1970 წელს გაიყიდა, მაშინ მარტინი 21 წლის იყო. "გმირი" GALAXY-ს ფენზინმა, ფანტაზიის ელექტრონულმა ბიბლიოთეკამ შეიძინა და 1971 წელს გამოაქვეყნა. ამ წლიდან მარტინის შემოქმედების გამოქვეყნება დაიწყო.
1970 წელს მარტინმა ქალაქ ევანსტონის ჩრდილო-დასავლეთ უნივერსიტეტში ბაკალავრის წოდება მიიღო, ერთი წლის შემდეგ იგი უკვე ჟურნალისტიკის მაგისტრი იყო. საკუთარი მტკიცებულებების საფუძველზე მარტინმა სამხედრო სამსახურზე უარი თქვა, ამიტომ "ვისტას" ნებაყოფლობით ორგანიზაციაში ალტერნატიულ სამხედრო სამსახურს გადიოდა.
1975 წელს ჯორჯ მარტინიმ ცოლად მოიყვანა გეილ ბარნიკი, მაგრამ ოთხი წლის შემდეგ ისინი ისე დასცილდნენ ერთმანეთს, რომ შვილი არ ეყოლათ. ამის შემდეგ მარტინი მთლიანად ლიტერატურით დაკავდა. იგი კლარკის კოლეჯში უშტატო მწერლად მუშაობდა. 1981 წელს სან-ტაფეში მარტინთან მისი მომავალი მეუღლე პერის მაკბრიჯი ჩავიდა.
ჰოლივუდი
1986 წელს ჯორჯ მარტინს ჰოლივუდში CBS-ის არხზე სერიალ "ბინდის ზონის" რედაქტორად იწვევენ.
ერთი წლის შემდეგ მარტინი კონსულტანტი გახდა და სერიალ "მზეთუნახავისა და ურჩხულის" სიუჟეტის განვითარებით დაკავდა იმავე არხისთვის. კიდევ ერთი წლის შემდეგ ამ პროექტის პროდიუსერი გახდა.
1992-1993 წლებში როგორც აღმასრულებელი პროდიუსერი სერიალ "პორტალის" დამუშავებაში მონაწილეობდა. შედეგად საპილოტო ვარიანტის ეპიზოდის გადაღების შემდეგ ფილმზე მუშაობა შეწყვიტეს და გადაღებული მასალისგან მოკლემეტრაჟიანი ფილმი დაამონტაჟეს.
1996 წელს მარტინი რომანების წერას დაუბრუნდა. როგორც ამბობენ, მისი შთაგონების წყაროდ ამ პერიოდში ინგლისელ წარჩინებულთა შორის დინასტიური კონფლიქტი იქცა, რომელიც ცნობილია ალისფერი და თეთრი ვარდების ომით და ისტორიული რომანით "აივენჰო". სწორედ ეს დაედო საფუძვლად გენიალურ ციკლს "ყინულისა და ცეცხლის სიმღერა", რომლის შვიდ ტომად გამოცემას აპირებდა.
შვიდიდან ხუთი
ჯორჯ მარტინი ბოლო დროის მსოფლიოში აღიარებული ერთ-ერთ ყველაზე პოპულარული ფენტეზი-ციკლის ავტორად გვევლინება. დაგეგმილი შვიდი რომანიდან საგის მხოლოდ ხუთი რომანია დაწერილი და გამოქვეყნებული: "ტახტების თამაში", "მეფეების ბრძოლა", "მახვილების ქარიშხალი", "ფასკუნჯების ლხინი" და "დრაკონთან ცეკვა".
ნაწარმოებებში მოქმედება ფსევდოისტორიულ სამყაროში, მატერიკ ვესტეროსზე მიმდინარეობს, რომელიც უფრო ახლოსაა XV საუკუნის ევროპასთან.
ამასთან, მარტინმა დაწერა სამი მოთხრობა, რომლებიც სხვადასხვა ანთოლოგიას მიეკუთვნება. მოქმედება სიმღერის სამყაროში მიმდინარეობს, მაგრამ ძირითადი სერიებიდან ერთი საუკუნით ადრე. ამ სამივე მოთხრობის გმირებად გვევლინებიან მოხეტიალე რაინდი დუნკანი და მისი საჭურველმტვირთველი ეგი.
2007 წლის იანვარში კომპანია HBO-მა იყიდა ეკრანიზების უფლება ციკლზე "ყინულისა და ცეცხლის სიმღერა". სერიალის პირველი სეზონი "ტახტების თამაში" ეკრანებზე 2011 წელს გამოვიდა და კრიტიკოსების დადებითი შეფასება მოიპოვა. სერიალი მაშინვე მეორე სეზონზე გააგრძელეს. სერიალში ზოგიერთ მთავარ როლს კინოვარსკვლავები ასრულებენ: შონ ბინმა პირველ სეზონში ედარდ სტარკის როლი განასახიერა, პიტერ დინკლეიჯმა - ტირიონ ლანისტერის. სერიალის მეორე სეზონი ეკრანებზე 2012 წელს გამოვიდა და ისიც უმალ სამ სეზონზე გააგრძელეს.
ამჟამად მარტინი ნიუ-მექსიკის ქალაქ სან-ტაფეში ცხოვრობს. იგი ამერიკის ფანტასტიკისა და ფენტეზის ჟანრის მწერალთა ასოციაციის წევრია და ამერიკელი მწერლების გილდიაში შედის.
2011 წლის დასაწყისში, ერთობლივი ცხოვრების 30 წლის შემდეგ, ჯორჯ მარტინმა ცოლად მოიყვანა პერის მაკბრიჯი.
მარტინის ნაწარმოებები მთელ მსოფლიოში გამოქვეყნდა და მრავალ ენაზე ითარგმნება.
(გამოდის ორშაბათობით)
