სკარლეტ იოჰანსონი - "არ მესმის ეს მოთხოვნილება - ყველასთან ყველაფრის გაზიარება"
ცნობილი მსახიობი სკარლეტ იოჰანსონი ჟურნალ Marie Claire-ს ახალი ნომრის მთავარი გმირი გახდა. მსახიობმა გამოცემას ინტერვიუ მისცა და ფოტოსესიაშიც მიიღო მონაწილეობა. ინტერვიუში სკარლეტმა მამაკაცებზე და ყოფილ მეუღლეზე ისაუბრა.
"არ მომწონს ეჭვიანი ადამიანების ქცევა. არ ვარ უცაბედი ნაპერწკლების წინააღმდეგი, მაგრამ როდესაც ის პასიურ-აგრესიულ ეჭვიანად იქცევა, ეს აღარაა ლამაზი. ეჭვიანობა იმაზე მეტყველებს, რომ ადამიანი არ არის თავის თავში დარწმუნებული. მუდმივი კონტროლი საშინელებაა. ეს არავის მოეწონება", - აღნიშნა მსახიობმა.
ვარსკვლავმა ყოფილ მეუღლესთან, რაიან რეინოლდსთან განქორწინებაზეც ისაუბრა. აღსანიშნავია, რომ წყვილი ერთმანეთს ახლახან დაშორდა, თუმცა რაიანმა უკვე იპოვა ცხოვრების ახალი თანამგზავრი და ცოლად ახალგაზრდა მსაიხობი ბლეიკ ლაივლი მოიყვანა.
"ეს არც ისე დიდი ხნის წინ იყო, მაგრამ მქონდა საკმარისი დრო იმისთვის, რომ გამეაზრებინა ეს გამოცდილება და გამეგრძელებინა წინსვლა. წლებთან ერთად საკუთარ თავს უკეთ ვეცნობი და ეს მეხმარება ურთიერთობებში", - აღნიშნა სკარლეტმა.
ვარსკვლავი სოციალური ქსელების თემასაც შეეხო: "ეს მაგიჟებს. არ მესმის ეს მოთხოვნილება - ყველასთან ყველაფრის გაზიარება. შეიძლება ითქვას, ჩვენს სოციალურ ქსელს ვიყენებთ იმისთვის, რომ შეგვამჩნიონ", - აღნიშნა მსახიობმა.
მომზადებულია popcornnews.ru-ს მიხედვით.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
