5
ივნისიდღის ზოგადი ასტროლოგიური პროგნოზი
ჟურნალ "ტაბულას" რედაქტორი თამარ ჩერგოლეიშვილი უფასო სახელმძღვანელოების თემას "ფეისბუქში" საკუთარ გვერდზე ეხმაურება.
"უპასუხისმგებლობა! გაიგეთ, საქართველოს მთლიანი შიდა პროდუქტი ერთ ადამიანზე სულ რაღაც 6000 დოლარია - საქართველო ღარიბი ქვეყანაა, სადაც ცხოვრობენ ადამიანები, რომელთაც უკიდურესად უჭირთ.
იმისთვის, რომ უკიდურესად გაჭირვებულებს ყოფა შევუმსუბუქოთ, გადასახადის გადამხდელის ფული, სადაც შესაძლებელია, ტარგეტირებულად მათ უნდა მოვახმაროთ და არა ყველას! არ არის საქართველოში იმდენი ფული, რომ განურჩევლად ყველას წიგნები ვუყიდოთ!
წინა მთავრობა ამ მხრივ მიქარავდა, აცხადებდა რა პენსიის საყოველთაო მატებას 10 ლარით ან ურიგებდა რა კომპუტერებს ყველა პირველკლასელს. მაგრამ, ესენი საერთოდ გაგიჟდნენ - მგონი მართლა უფასო ჰგონიათ, რასაც აკეთებენ", - წერს ჩერგოლეიშვილი.
მის პოსტს კომენტარებს განათლებისა და მეცნიერების მინისტრის მოადგილე დავით ზურაბიშვილი და განათლების ყოფილი მინისტრი ნიკა გვარამია უკეთებენ:
"David Zurabishvili გენიალური ლოგიკაა: ხალხს ფული არა აქვს და ამიტომ ძვირი სახელმძღვანელოები უნდა იყიდონ თვითონ!
ფული რომ არა აქვს ხალხს, იმიტომაცაა საჭირო სახელმწიფოდან სუბსიდირება. და ეს ეხება არა რაღაც პატარა ჯგუფს, არამედ ექვსას ათასზე მეტ ოჯახს. თან არ ჯდება ეს ლაზიკის იუსტიციის სახლზე უფრო ძვირი".
Nika Gvaramia და რაში ჭირდება განურჩევლად ყველას სახელმწიფოს მიერ ნაყიდი წიგნები? მაგალითად ჩემს და შენს შვილებს? და სახელმწიფოს მიერ სასკოლო სახელმძღვანელოების ბეჭდვას არა უშავს?
Nika Gvaramia სუფსიდირება ნამდვილად ჭირდება, ბატონო დავით, მაგრამ 600 ათასზე მეტს - არა. და ლაზიკის იუსტიციის სახლის არგუმენტით იმდენი სისულელის "გაპრავება" შეიძლება, ყველაფრის გაკეთებას, იმედია, არ გეგმავთ.
David Zurabishvili და რა პრინციპით უნდა გაარჩიო სოციალურად გაჭირვებული დალხენილისგან? ოფიციალურად დაუცველად ვინც ითვლება მარტო იმას უნდა ეხებოდეს? სამსულიან ოჯახს თუ თვეში ათას ლარზე მეტი აქვს, ღარიბად არ ითვლება არანაირად, მაგრამ სახელმძღვანელოების ყიდვა ასეთი ოჯახისთვისაც სერიოზული პრობლემა იყო. აღარაფერს ვამბობ სოფლის მოსახლეობაზე, სადაც უმეტესწილად პენსიონერია დღეს მთავარი შემომტანი ოჯახში. ასე რომ ძალიან სწორი გადაწყვეტილებაა.
ხოლო ვისაც ბევრი ფული აქვს, იმას შვილი როგორც წესი კერძო სკოლაში ჰყავს".
საუბარში კვლავ ჩერგოლეიშვილი ჩაერთო:
"Tamara Chergoleishvili რა კითხვებია დათო? რა პრინციპით უნდა გაარჩიო და შემოსავლით. დაიწყო იქიდან, ვისაც 200 ლარიც არ აქვს შემოსავალი და წახვიდე ზემოთ - იმის მიხედვით, რის შესაძლებლობასაც ეკონომიკა გაძლევს.
შენ ხარ მთავრობა - შემოიღე პრინციპი (თუ წინას შემოღებული არ მოგწონს) და მიყევი
შემოაკლდებათ კი არა, აკლიათ უკვე - გრანტების ფული ვერ გადაურიცხეს უნივერსიტეტებს მარტში.
"უფასო მანქანები" დაურიგეთ მოსახლეობას - ნახე როგორ მიესალმოს ყველა "მაგ ნოვაციას"
David Zurabishvili სკოლაში სახელმძღვანელო უფასო გაგიხდა? მოდი 19 აპრილს მიტინგზე! :)))
მთავრობაში ხარ და საკუთარ მოქმედებებზე პასუხისმგებლობას ვერ იღებ? იღლიცინე!
Tamara Chergoleishvili არ ვიცი რომელ ევროპაზე საუბრობთ ქ-ნო ლალი, მაგრამ ჩემი შვილი საფრანგეთში დადის სკოლაში, უკვე 10 წელია საფრანგეთი ცნობილია პარაზიტული სოციალური პროგრამებით - ძალიან უჭირთ (ყველაფერი შედარებითია), სწორედ ამის გამო. ამის მიუხედავად, საფრანგეთში სახელმძღვანელოები უფასო არ არის, ყიდულობ და ყიდი.
ყიდულობს როგორც ღარიბი, ისე მდიდარი! მითოლოგია სხვა კედლებზე - აქ არ გამოვა".
2013-2014 სასწავლო წლიდან სასკოლო სახელმძღვანელოები უფასო იქნება, - ამის შესახებ საქართველოს განათლებისა და მეცნიერების მინისტრმა, გიორგი მარგველაშვილმა 145-ე სკოლაში გამართულ პრესკონფერენციაზე განაცხადა.
მისივე თქმით, ამ გადაწყვეტილებით სახელმწიფო საკუთარ კონსტიტუციურ ვალდებულებას ასრულებს.
როგორც მინისტრმა აღნიშნა, უფასო სახელმძღვანელოები მშობლებს თანხის დაზოგვის და სხვა მიმართულებით გამოყენების საშუალებას მისცემს.
