20
ივლისიდღის ზოგადი ასტროლოგიური პროგნოზი
იტალიელი ნადია სანტინი მსოფლიოში მდედრობითი სქესის საუკეთესო შეფ-მზარეულად დაასახელეს.
ეს ტიტული მას ჟურნალმა Restaurant-მა მიანიჭა, რომელიც ყოველწლიურად საუკეთესო რესტორნებსა და მათ თანამშრომლებს ასახელებს. სანტინის სამუშაო რამდენიმე ასეულმა სპეციალისტმა შეაფასა.
სანტინი ამბობს, რომ საჭმლის კეთება ბებიამ და მეუღლის დედამ ასწავლეს. მისი თქმით, გათხოვებამდე კულინარიით გატაცებული არ იყო, მაგრამ მეუღლის ოჯახმა საჭმლის კეთება შეაყვარა. ამჟამად იგი ასი წლის ისტორიის მქონე რესტორანს ხელმძღვანელობს, რომელიც ქალაქებს - კრემონასა და მანტუას შორის, სოფელში მდებარეობს.
სანტინის რესტორანი, სადაც ამ დიდი ოჯახიდან რამდენიმე ადამიანი მუშაობს, ავთენტურ იტალიურ სამზარეულოზეა სპეციალიზირებული. დაწესებულების მენიუ ძირითადად სეზონზეა მორგებული, მაგრამ ზოგიერთი კერძის შეკვეთა მთელი სეზონის განმავლობაშია შესაძლებელი.
2012 წელს მდედრობითი სქესის საუკეთესო შეფ-მზარეული ესპანელი ელენა არსაკი გახდა.
მომზადებულია Del Sud-ის მიხედვით.
