მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აგუტინი და ვარუმი ქართველი მსმენელის მუსიკალურობამ მოხიბლა
06:05 / 05-04-2013
რუსული ესტრადის მიმართ სკეპტიკურად განწყობილებს იმედები გაუცრუვდათ - გუშინ თბილისის საკონცერტო დარბაზში ანჟელიკა ვარუმისა და ლეონიდ აგუტინის კონცერტი ანშლაგით ჩატარდა.
კონცერტზე დასწრების მსურველთა რაოდენობა იმდენად დიდი იყო, მაყურებლისთვის სკამები ორკესტრის ორმოშიც კი ჩაიდგა. კონცეტრს ახალაგაზრდებიც არ აკლდა.
ვარსკვლავურმა წყვილმა ცნობილი ჰიტები შეასრულა და მაყურებელიც ააცეკვა.
კონცერტი 21.00 სათზე დაიწყო და 2 საათში უნდა დასრულებულიყო. თუმცა, მაყურებელი მომღერლებს სცენიდან არ უშვებდა და ვარუმმა და აგუტინმა დამატებით 5 სიმღერა შეასრულეს.
მომღერლებმა სიმღერები ჯაზ-ბენდთან ერთად შეასრულეს. მაყურებლის აპლოდისმენტები ქორეოგრაფიულმა ჯგუფმაც დაიმსახურა, რომელმაც დარბაზიც აიყოლია.
როგორც კონცერტის დასრულების შემდეგ, "ამბები.გე"-სთან ლეონიდ აგუტინმა აღნიშნა, ქართველი ერი მუსიკალურია, რამაც დამატებითი მუხტი მისცა, კონცერტზე მაქსიმალური ემოცია გაეცა.
"ქართველი ხალხი მუსიკალურია, რაც ჩვენთვის მნიშვნელოვანი და სასიხარულოა. მაყურებელი დარბაზში მღეროდა და არც ერთი სიტყვა არ შეშლიათ. ბედნიერები ვართ. დიდი სურვილია, ისევ დავბრუნდეთ თბილისში. უამრავი აპლოდისმენტი დავიმსახურეთ. აპლოდისმენტები მათაც ეკუთვნის ჩვენგან ასეთი სიყვარულისთვის, - განაცხადა აგუტინმა.
ანჟელიკა ვარუმი ქართველი მსმენელის წინაშე ნაცნობი რეპერტუარით და მრავალფეროვანი სასცენო კოსტუმებით წარსდგა. "ამბები.გე"-სთან საუბრისას მან საქართველოში დაბრუნების სურვილი გამოთქვა.
"აღფრთოვანებული ვარ. გვენატრებოდა ქართველი პუბლიკა. ჩვენ ზაფხულში საქართველოში დავბრუნდებით და ბათუმში საცეკვაო მუსიკის მოტივებზე შექმნილი სიმღერების კონცერტს გავმართავთ", - განაცხადა ანჟელიკა ვარუმმა.
კონცერტს როგორც სამთავრობო, კულტურის სფეროსა და საზოგადოებისთვის ცნობადი სახეები ესწრებოდნენ. თანამდებობრივი სტატუსის მიუხედავად, ყველა მათგანი ფეხზე იდგა, ადგილზე ცეკვავდნენ, მღეროდნენ და ნაცნობ მელოდიებს რიტმულად მიჰყვებოდნენ.
როგორც კონცერტის ორგანიზატორმა, დათო ოქიტაშვილმა განაცხადა, ის კონცერტის დაწყებამდე შიშობდა, ვინაიდან ჩვენში რუსული ესტრადის მომღერლების კონცერტს სკეპტიკურად უყურებენ, თუმცა ვარუმისა და აგუტინის კონცერტმა ორგანიზატორების ეჭვები გაფანტა და მომავალი კონცერტიც დაიგეგმა. კერძოდ, 4 ივნისს საქართველოში ლაიმა ვაიკულე ჩამოვა.
გიორგი ბერიძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
