16
ივლისიდღის ზოგადი ასტროლოგიური პროგნოზი
საქართველოში შესაძლოა კორეული ინვესტიცია შემოვიდეს. საქართველოს ეროვნული საინვესტიციო სააგენტო სამხრეთ კორეელ ბიზნესმენთა დელეგაციას უმასპინძლებს.
სააგენტოს ცნობით. დელეგაციის შემადგენლობაში შედიან ენერგეტიკის, სამშენებლო, წარმოებისა და ფინანსური სერვისების სექტორების წარმომადგენლები და ასევე ისეთი წარმატებული საერთაშორისო კომპანიების ხელმძღვანელები, როგორებიცაა Hyundai E&C და KDB Daewoo.
კომპანიების წარმომადგენლები საქართველოში ბიზნესის წარმოების შესაძლებლობებით არიან დაინტერესებული და მათი ვიზიტის მიზანია, საქართველოს საინვესტიციო გარემოს უკეთ გაეცნონ. ისინი საქართველოს ეროვნულ საინვესტიციო სააგენტოს საპარტნიორო ფონდთან ერთად კონკრეტულ საინვესტიციო პროექტებს განიხილავენ.
ვიზიტის ფარგლებში დელეგაციის შეხვედრები გაიმართება საქართველოს ენერგეტიკისა და ბუნებრივი რესურსების და ფინანსთა მინისტრებთან. ასევე კორეელი ინვესტორები კერძო სექტორის წარმომადგენლებს შეხვდებიან.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
