3
ივლისიდღის ზოგადი ასტროლოგიური პროგნოზი
ნინო ანანიაშვილი და უკრაინის ნაციონალური ოპერისა და ბალეტის სოლისტი დენის მატვიენკო "გედების ტბაში" იცეკვებენ.
როგორც "ინტერპრესნიუსს" თბილისის მერიის კულტურული ღონისძიებების ცენტრიდან აცნობეს, 13 აპრილს, თბილისის დიდ საკონცერტო დარბაზში, ზ. ფალიაშვილის სახელობის ოპერისა და ბალეტის თეატრის საბალეტო დასი პეტრე ჩაიკოვსკის ბალეტს "გედების ტბას" წარმოადგენს, რომელშიც მსოფლიო ბალეტის ვარსკვლავები, ნინო ანანიაშვილი და დენის მატვიენკო მონაწილეობენ.
დენის მატვიენკოსა და ნინო ანანიაშვილის შემოქმედებითი ურთიერთობა 2012 წელს დაიწყო. დენის მატვიენკო ნინო ანანიაშვილის სასცენო მოღვაწეობის 30 წლისთავისადმი მიძღვნილ საიუბილეო გალა-კონცერტში მონაწილეობდა, პრიმა-ბალერინასთან და ვასილ ახმეტელთან ერთად მან იცეკვა პა დე ტრუა ადანის ბალეტიდან "კორსარი".
ამავე წლის ივლისში მატვიენკო მონაწილეობდა საქართველოს სახელმწიფო ბალეტის გასტროლში იაპონიაში, სადაც ჩაიკოვსკის "გედების ტბა" იცეკვა.
2013 წლის მარტში მატვიენკომ პრიმა-ბალერინა ნინო ანანიაშვილი კიევში მიიწვია, სადაც ერთად შეასრულეს მთავარი პარტიები "ბაიადერაში".
წარმოდგენა ნინო ანანიაშილის 50 წლის საიუბილეო თარიღს ეძღვნება.
