მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ევროპარკის" მფლობელს შვილისთვის ნაჩუქარ მანქანას სააღსრულებლო დააბრუნებინებს?
23:08 / 31-03-2013
საქართველოში მთავრობის შეცვლის შემდეგ ბევრმა ბიზნესმენმა ამოიღო ხმა და ჰყვება, როგორ ართმევდა წინა ხელისუფლება ფულს. ერთ-ერთი ასეთი "მსხვერპლი", "ევროპარკის" მფლობელი აკაკი სულხანიშვილი, იგივე ფეფე გახლავთ.
მისი განცხადებით, ადეიშვილი მას იბარებდა და ანაკლიაში "ევროპარკის" აშენებას აიძულებდა, ხოლო მას შემდეგ, რაც თბილისში საკუთარი სურვილით ააშენა, მთავრობამ "ევროპარკი" ბათუმში, ქუთაისსა და თელავში ზეწოლით ააშენებინა. სხვადასხვა ინტერვიუში ის ზაზა გოროზიასაც ახსენებს, რომელიც მასთან წასული მთავრობის სურვილებს ახმოვანებდა. როგორც ამბობენ, თბილისის გარდა, სხვა ქალაქში დამსვენებლების სიმცირის გამო აკვაპარკებს მოგება არ მოაქვთ.
აკაკი სულხანიშვილი რუსეთში ცხოვრობდა და საქართველოში ჩამოსვლამდე იქ ეწეოდა ბიზნესს. რამდენიმე წლის წინ ის პოლიციის შეურაცხყოფისთვის სასჯელსაც იხდიდა და 50 ათასი ლარიც გადაიხადა გირაოს სახით.
როგორც ამბობენ, ფეფემ გასული წლის შემოდგომაზე ერთადერთ ქალიშვილს, სალომეს, თბილისში სასტუმრო "რედისონის" დიდ დარბაზში გრანდიოზული დაბადების დღე გადაუხადა. "სალომე 20 წლის გახდა და მამამისმა გადაწყვიტა, მისთვის განსაკუთრებული საჩუქარი გაეკეთებინა. დაბადების დღეზე ცოცხალი ბენდი უკრავდა, მაგიდები "სვაროვსკის" თვლებით გააფორმეს და ძვირფასი საჭმელ-სასმელი იყო", - გვიყვება სალომეს ერთ-ერთი მეგობარი - "საღამოს განმავლობაში ფეფემ ყველა სტუმარი გარეთ გაგვიპატიჟა და სალომეს უზარმაზარ ბაფთებში გახვეული ჯიპი უსახსოვრა. მანქანის გასაღები შვილს ულამაზესი ფეიერვერკების ფონზე გადასცა. მამამ დაახლოებით 50-ათას დოლარიანი "ტოიოტა პრადოს" ახალთახალი, ვერცხლისფერი ჯიპი აჩუქა," - გვიყვება დაბადების დღის დამსწრე ერთ-ერთი სტუმარი.
როგორც ამბობენ, ფეფეს შვილისთვის დაბადების დღეზე გაკეთებული საჩუქრის ფული დღემდე არ გადაუხდია. კომპანიას კი, რომელსაც მანქანა ეკუთვნის, ფული დღემდე არ მიუღია. ბევრი მცდელობისა და ხვეწნის მიუხედავად, ფეფე მანქანის ფულს არ იხდის, "არ მაქვს, მაცალე, წინა მთავრობამ ძალიან ბევრი დამახარჯვინა და აღარ დამრჩა", - ეუბნება იმ ბიზნესმენს, რომელიც, როგორც ამბობენ, მერაბიშვილმა დაიჭირა და 6 მილიონი დოლარი და ერთი ქარხანა წაართვა.
როგორ დასრულდება წინა მთავრობისგან დაზარალებული ორი ბიზნესმენის ამბავი, ახლო მომავალში გაირკვევა. ავტომობილების კომპანიის პრეზიდენტ დიმიტრი კორთხონჯიას კი სააღსრულებლო ბიუროს იმედი აქვს, "ევროპარკის" მფლობელს კი - ზაფხულის. როგორც ამბობენ სეზონურად აკვაპარკს დღეში დაახლოებით ათასი კაცი სტუმრობს.
გიორგი მაისურაძე
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
