მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პუგაჩოვამ გალკინს ღამის კლუბი აჩუქა
23:10 / 26-03-2013
ყოველწლიურად, უკვე 45-ე წელია, რუსული ესტრადის პრიმადონა გაზაფხულის მოსვლას აღნიშნავს. გასულ წლებში, ჩვეულებისამებრ, ალა პუგაჩოვა მოსკოვის ცენტრში სეირნობდა და ყველა გამვლელს ყვითელ ტიტას ჩუქნიდა.
მაგრამ წელს ტრადიცია შეცვალა - სეირნობას შინ ჯდომა ამჯობინა, ახლო მეგობრებსა და ახალგაზრდა ქმარ მაქსიმ გალკინთან. საოჯახო წვეულებაზე დაპატიჟებულთა შორის იყვნენ ფილიპ კირკოროვი, ბუინოვები, ანდრეი მალახოვი და სხვები.
ალა სტუმრებთან ვარდისფერი, ტანზე მომდგარი კაბით წარდგა, ზურმუხტისა და ბრილიანტის ყელსაბამით შემკული. როგორც კი სტუმრები სუფრას მიუსხდნენ, ალამ სამჯერ წარმოთქვა უკვე ტრადიციად ქცეული ფრაზა: "გაზაფხულს მოსვლის ნებას ვრთავ!"
ოჯახურ წვეულებაზე ალას ყოფილმა ქმარმა ფილიპ კირკოროვმა მასთან ცხოვრების ერთი სასიამოვნო ეპიზოდიც გაიხსენა: "ერთხელ გადავწყვიტე, ალასთვის სიურპრიზი გამეკეთებინა. სანამ ეძინა, უახლოეს ბაზარში წავედი, ათი ათასი ყვითელი ვარდი ვიყიდე და ჩვენი მოახლის დახმარებით მისი საწოლი აყვავებულ თაიგულად ვაქციე. დავტკბი ამ სურათით და ფრთხილად დავკეტე კარი. მაგრამ ნაბიჯიც არ მქონდა გადადგმული, საშინელი ყვირილი შემომესმა. თურმე, ალას დაესიზმრა, რომ მოკვდა. შეშინებულს თვალი რომ გაუხელია, შვებით სურდა ამოესუნთქა, რომ გარშემო ყვითელი ვარდების გორები დახვდა".
ალამ სტუმრებს ერთი კარგი ამბავიც ამცნო - მაქსიმ გალკინს, არც მეტი, არც ნაკლები, ღამის კლუბი აჩუქა, რომელიც პირდაპირ მათი უშველებელი სახლის სარდაფში განთავსდება. პუგაჩოვამ კლუბის მზადების პროცესი სასტიკად გაასაიდუმლოა, მათ შორის გალკინმაც კი არ იცოდა. მერე კი ასეთი არც ისე მოკრძალებული საჩუქარი საჯაროდ მიართვა.
წვეულებაზე ისიც გაირკვა, რომ ალას უფროს შვილიშვილს, ნიკიტა პრესნიაკოვს, ცნობილმა ბებიამ დაცვა აუყვანა, რომელიც მას გამუდმებით დაჰყვება. ეს კი მას მერე მოხდა, რაც ნიკიტას, რომელიც უბრალო ბიჭი ყოფილა და ყველგან მეტროთი დადიოდა, მიწისქვეშა ტრანსპორტში მაწანწალების ბრბო დაესხა თავს. არაფერი წაურთმევიათ და არც დაუზიანებიათ, თუმცა გვარიანად შეაშინეს.
Экспресс газета
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
