გი­ორ­გი ვა­შა­ძე და გი­ორ­გი ცა­გა­რე­იშ­ვი­ლი ქვე­ყა­ნა­ში მიმ­დი­ნა­რე მოვ­ლე­ნებს სხვა­დას­ხვაგ­ვა­რად აფა­სე­ბენ. სომ­ხუ­რი ენის­თვის რე­გი­ო­ნუ­ლი ენის სტა­ტუ­სის მი­ნი­ჭე­ბის მო­თხოვ­ნა, სა­სა­მარ­თლო­ში მიმ­დი­ნა­რე რე­ფორ­მე­ბი, სა­კონ­სტი­ტუ­ციო ცვლი­ლე­ბე­ბი, ევ­რო­პე­ლე­ბის და­მო­კი­დე­ბუ­ლე­ბა "ნა­ცი­ო­ნა­ლე­ბი­სა" და "ქარ­თუ­ლი ოც­ნე­ბის" მი­მართ - ის სა­კი­თხე­ბია, რომ­ლებ­ზეც გი­ორ­გი ვა­შა­ძე და გი­ორ­გი ცა­გა­რე­იშ­ვი­ლი იმ­სჯე­ლე­ბენ და სა­კუ­თარ ვერ­სი­ებ­სა თუ პო­ზი­ცი­ებს შე­მოგ­ვთა­ვა­ზე­ბენ. ვისი არ­გუ­მენ­ტე­ბი უფრო მყა­რი და და­მა­ჯე­რე­ბე­ლია - თა­ვად მკი­თხვე­ლი გან­სჯის.

- "ქარ­თუ­ლი ოც­ნე­ბა" და "ნა­ცი­ო­ნა­ლე­ბი" ერ­თმა­ნეთს ადა­ნა­შა­უ­ლე­ბენ იმა­ში, რომ ახალ­ქა­ლა­ქის საკ­რე­ბუ­ლომ ეროვ­ნულ უმ­ცი­რე­სო­ბა­თა შე­სა­ხებ ევ­რო­პუ­ლი ქარ­ტი­ის რა­ტი­ფი­ცი­რე­ბა და სომ­ხუ­რი ენის­თვის რე­გი­ო­ნუ­ლი ენის სტა­ტუ­სის მი­ნი­ჭე­ბა მო­ი­თხო­ვა. თქვე­ნი აზ­რით, ვის ინ­ტე­რე­სებ­ში შე­დის ამ თე­მის წინ წა­მო­წე­ვა?

გი­ორ­გი ვა­შა­ძე:

- არის თე­მე­ბი, რა­ზეც პო­ლი­ტი­კურ პარ­ტი­ებს შო­რის აზ­რთა სხვა­დას­ხვა­ო­ბა გა­მო­რი­ცხუ­ლია. ეს სწო­რედ ასე­თი თე­მაა და ვფიქ­რობ, მნიშ­ვნე­ლო­ბა არა აქვს, ვინ რო­მელ პარ­ტი­ა­ში ვართ. სამ­წუ­ხა­როდ, ახალ­ქა­ლა­ქის საკ­რე­ბუ­ლო­ში სწო­რედ "ქარ­თუ­ლი ოც­ნე­ბის" წევ­რებ­მა და­ა­ყე­ნეს ეს სა­კი­თხი. მერ­წმუ­ნეთ, ეს პრობ­ლე­მა არ შე­იქ­მნე­ბო­და, ჩა­ხა­ლი­ა­ნი და მსგავ­სი პი­რე­ბი, ასე­ვე, რუ­სე­თის აგენ­ტე­ბი და ჯა­შუ­შე­ბი ცი­ხი­დან რომ არ გა­მო­ეშ­ვათ, მაგ­რამ რას ვი­ზამთ, შეც­დო­მა უკვე დაშ­ვე­ბუ­ლია, ქვე­ყა­ნა­ში სე­პა­რა­ტის­ტე­ბი და "მე­ხუ­თე კო­ლო­ნის" წარ­მო­მად­გენ­ლე­ბი თა­ვი­სუფ­ლად და­დი­ან და შე­დე­გიც სა­ხე­ზეა. ჯო­ბია, პარ­ტი­ულ გა­მოხ­დო­მებს თავი და­ვა­ნე­ბოთ და პრობ­ლე­მის აღ­მო­ფხვრა­ზე ვი­ფიქ­როთ. ჩვენს გუნდს სე­პა­რა­ტის­ტებ­თან მუ­შა­ო­ბის ძა­ლი­ან კარ­გი გა­მოც­დი­ლე­ბა აქვს და კარ­გი იქ­ნე­ბა, თუ ხე­ლი­სუფ­ლე­ბა ჩვენს გა­მოც­დი­ლე­ბას გა­ი­ზი­ა­რებს. ამა­ზე მე­ტყვე­ლებს ის ფაქ­ტი, რომ "ნა­ცი­ო­ნა­ლუ­რი" მოძ­რა­ო­ბის მმარ­თვე­ლო­ბის 9-წლი­ან პე­რი­ოდ­ში ერთი მსგავ­სი პრობ­ლე­მაც კი არ შეგვქმნია ახალ­ქა­ლაქ­ში. აბა, ჩა­დით და გა­არ­კვი­ეთ, რამ­დე­ნი ადა­მი­ა­ნი ლა­პა­რა­კობს ქარ­თუ­ლად ახალ­ქა­ლაქ­ში... არა­და, შე­ვარ­დნა­ძის მმარ­თვე­ლო­ბის დროს იქ ქარ­თუ­ლი ფუ­ლიც კი არ მოძ­რა­ობ­და.

გი­ორ­გი ცა­გა­რე­იშ­ვი­ლი:

- ეს ძა­ლი­ან სენ­სი­ტი­უ­რი თე­მაა. ჩვენ ვი­ცით, რომ რე­გი­ო­ნუ­ლი და უმ­ცი­რე­სო­ბა­თა ენე­ბის შე­სა­ხებ ევ­რო­პუ­ლი ქარ­ტი­ის რა­ტი­ფი­ცი­რე­ბის ვალ­დე­ბუ­ლე­ბა სა­ქარ­თვე­ლომ წლე­ბის წინ აიღო. ეს არის თემა, რო­მელ­ზეც ერთი, ორი, თუნ­დაც ათი წლის მუ­შა­ო­ბა საკ­მა­რი­სი არ არის. რე­გი­ო­ნუ­ლი ენე­ბის აღი­ა­რე­ბა ძა­ლი­ან ხან­გრძლი­ვი პრო­ცე­სია და ამა­ზე ლა­პა­რა­კი ჯერ ძა­ლი­ან ნა­ად­რე­ვია. პირ­და­პირ გე­ტყვით, რომ ყვე­ლა­ფერს, რა­საც ევ­რო­პე­ლე­ბი შე­მოგ­ვთა­ვა­ზე­ბენ, უპი­რო­ბოდ ვერ დავ­ნერ­გავთ. ჩვენ გვაქვს უძ­ვე­ლე­სი ის­ტო­რია, რო­მე­ლიც ჩვე­ნი წი­ნაპ­რე­ბის სის­ხლით არის და­წე­რი­ლი; ასე­ვე გვაქვს ტრა­დი­ცი­ე­ბი, რო­მე­ლიც სა­ერ­თოდ არ შე­ე­სა­ბა­მე­ბა იტა­ლი­ურ­სა და ეს­პა­ნურს... ბოლო დროს რა­ტომ­ღაც, არ­ცთუ სა­ხარ­ბი­ე­ლო აზ­რე­ბი მომ­წიფ­და. მა­ვანს ჰგო­ნია, ამ­ღვრე­ულ წყალ­ში თევზს და­ი­ჭერს. მინ­და, ყვე­ლამ გა­ი­გოს, რომ სა­ქარ­თვე­ლო­ში სა­ხელ­მწი­ფო ენა არის ქარ­თუ­ლი, აგ­რეთ­ვე - აფხა­ზუ­რი. ჩვენს კონ­სტი­ტუ­ცი­ა­ში სხვა­ნა­ი­რი ჩა­ნა­წე­რი არც გა­კე­თე­ბუ­ლა და უახ­ლო­ეს მო­მა­ვალ­ში არც გა­კეთ­დე­ბა. ის, რაც მოხ­და ახალ­ქა­ლა­ქის საკ­რე­ბუ­ლო­ში, არ უნდა მომ­ხდა­რი­ყო. ახლა ყვე­ლა­ფე­რი უნდა გა­ვა­კე­თოთ იმი­სათ­ვის, რომ პრობ­ლე­მა ჩვენს სო­მეხ ძმებ­თან დი­ა­ლო­გით მო­ვაგ­ვა­როთ. თბი­ლი­სი­დან მუშ­ტე­ბის ქნე­ვა სა­ჭი­რო არ არის.

- რა­ტომ არის ევ­რო­პა "ქარ­თუ­ლი ოც­ნე­ბის" მი­მართ გა­ცი­ლე­ბით კრი­ტი­კუ­ლი, ვიდ­რე "ნა­ცი­ო­ნა­ლე­ბის" მი­მართ იყო?

გი­ორ­გი ვა­შა­ძე:

- ასე სუ­ლაც არ არის. ევ­რო­პა "ნა­ცი­ო­ნა­ლე­ბის" მი­მარ­თაც კრი­ტი­კუ­ლი იყო და შე­ნიშ­ვნებ­სა თუ რე­კო­მენ­და­ცი­ებ­საც ხში­რად გვაძ­ლევ­და. უბ­რა­ლოდ, "ქარ­თუ­ლი ოც­ნე­ბის­გან" გან­სხვა­ვე­ბით, ჩვენ მათ ამის გამო უაზ­რო წე­რი­ლე­ბით არ ვუ­პი­რის­პირ­დე­ბო­დით და რუ­სეთს ტაშს არ ვუკ­რავ­დით. თუ მარ­თლა გინ­და, რომ ევ­რო­პუ­ლი ოჯა­ხის წევ­რი გახ­დე, კრი­ტი­კაც უნდა მი­ი­ღო და რე­კო­მენ­და­ცი­აც გა­ით­ვა­ლის­წი­ნო. სწო­რედ ასე­თი მიდ­გო­მის შე­დე­გი იყო, რომ "ნა­ცი­ო­ნა­ლებ­მა" პირ­ვე­ლად სა­ქარ­თვე­ლოს ის­ტო­რი­ა­ში, დე­მოკ­რა­ტი­უ­ლი არ­ჩევ­ნე­ბი ჩა­ვა­ტა­რეთ. გა­აკ­რი­ტი­კებს ევ­რო­პა "ქარ­თულ ოც­ნე­ბას", აბა, რა იქ­ნე­ბა? და­აკ­ვირ­დით, ხალხნო, რა ქვე­ყა­ნა­ში ვცხოვ­რობთ. მეს­მის, რომ ახა­ლი ხე­ლი­სუფ­ლე­ბის­გან ხალ­ხი პო­ზი­ტი­ურ ნა­ბი­ჯებს ელო­დე­ბა, მაგ­რამ რო­დემ­დე უნდა გაგ­რძელ­დეს ეს ლო­დი­ნი?! და­მი­სა­ხე­ლონ ერთი პრო­ექ­ტი, რო­მე­ლიც "ქარ­თულ­მა ოც­ნე­ბამ" და­ი­წყო. ძა­ლი­ან მა­ინ­ტე­რე­სებს, რას აკე­თებს ამ­დე­ნი სა­მი­ნის­ტრო? რა­ტომ არა­ფე­რი კეთ­დე­ბა ჯან­დაც­ვის სის­ტე­მის გა­უმ­ჯო­ბე­სე­ბის­თვის, სო­ცი­ა­ლუ­რი პრობ­ლე­მე­ბის მოგ­ვა­რე­ბის­თვის; რა­ტომ არის ნე­პო­ტიზ­მი სა­ჯა­რო სექ­ტორ­ში, რას აკე­თებს სა­და­ზღვე­ვო ფონ­დი, გარ­და იმი­სა, რომ კო­რუფ­ცი­ას აყ­ვა­ვებს? ხე­ლი­სუფ­ლე­ბა წუ­წუ­ნის გარ­და, არა­ფერს აკე­თებს. სა­კონ­სტი­ტუ­ციო ცვლი­ლე­ბებ­ზე სულ ტყუ­ი­ლად ლა­პა­რა­კო­ბენ, ყუ­რით მოთ­რე­უ­ლი თე­მაა: ეს იმის გა­და­სა­ფა­რა­ვად სჭირ­დე­ბათ, რომ თა­ვი­ან­თი უსაქ­მუ­რო­ბა და­ფა­რონ და ჩვენ დაგ­ვაბ­რა­ლონ, რომ ვე­რა­ფერს აკე­თე­ბენ. მათ მიერ და­ქო­ქი­ლი სიც­რუ­ის მან­ქა­ნა ძა­ლი­ან კარ­გად მუ­შა­ობს. ახ­ლა­ხან "აი­რა­ის" კვლე­ვე­ბი ვნა­ხე და გა­ვოც­დი - 50%-ზე მეტს ჰგო­ნია, რომ საწ­ვა­ვი გა­ი­აფ­და, არა­და, სი­ნამ­დვი­ლე­ში - გაძ­ვირ­და. "თაფ­ლო­ბის თვეს" "ქარ­თუ­ლი ოც­ნე­ბა" მხო­ლოდ ევ­რო­პე­ლებ­თან ჭი­დილ­სა და რუ­სე­თის­თვის ტა­შის­კვრა­ში ატა­რებს. ამ ყვე­ლაფ­რის­თვის პა­სუხს 19 აპ­რილს მი­ი­ღებს.

გი­ორ­გი ცა­გა­რე­იშ­ვი­ლი:

- "ქარ­თულ ოც­ნე­ბას" ქვეყ­ნის შიგ­ნი­თაც და ქვეყ­ნის გა­რე­თაც "ნა­ცი­ო­ნა­ლე­ბი" უთხრი­ან ძირს - სწო­რედ ისი­ნი ქმნი­ან ცრუ­წარ­მოდ­გე­ნას, თით­ქოს მთე­ლი ევ­რო­პა ჩვენ წი­ნა­აღ­მდეგ არის და­რაზ­მუ­ლი. ჩვენ ევ­რო­კავ­ში­რი კი არა, მხო­ლოდ ერთი ევ­რო­პუ­ლი პარ­ტია ანუ "სა­ხალ­ხო პარ­ტია" გვაკ­რი­ტი­კებს, რომ­ლის ალი­ან­სშიც "ნა­ცი­ო­ნა­ლუ­რი მოძ­რა­ო­ბა" შე­დის. "ნა­ცი­ო­ნა­ლებს" უფ­ლე­ბა აქვთ, მჭიდ­რო ურ­თი­ერ­თო­ბე­ბი ჰქონ­დეთ თა­ვი­ანთ უფ­როს პარტნი­ო­რებ­თან, მაგ­რამ ცუ­დია, რომ ამ ურ­თი­ერ­თო­ბას უმ­სგავ­სი საქ­მე­ე­ბის­თვის იყე­ნე­ბენ. ცდი­ლო­ბენ, ზე­წო­ლა მო­ახ­დი­ნონ სა­ქარ­თვე­ლო­ზე და რო­გორ­მე ქვეყ­ნის შიგ­ნით არ­სე­ბუ­ლი სი­ტუ­ა­ცია შეც­ვა­ლონ. რა­ტომ­ღაც ვერ ით­ვა­ლის­წი­ნე­ბენ იმას, რომ შუა სა­უ­კუ­ნე­ებ­ში არ ვცხოვ­რობთ, ინ­ფორ­მა­ცი­ას ვფლობთ და ვი­ცით, რომ სწო­რედ სა­ა­კაშ­ვი­ლის ევ­რო­პა­ში ვი­ზი­ტის შემ­დეგ გა­მოგ­ვიგ­ზავ­ნა "სა­ხალ­ხო პარ­ტი­ამ" ის ცნო­ბი­ლი რე­ზო­ლუ­ცია, სა­დაც ასე მწა­რედ გვაკ­რი­ტი­კე­ბენ. უფრო მეტ­საც გე­ტყვით: სა­ა­კაშ­ვილ­მა ამ რე­ზო­ლუ­ცი­ის პრო­ექ­ტი სწო­რედ აქე­დან ჩა­ი­ტა­ნა და მერე ევ­რო­პე­ლებ­მა შე­ფუ­თუ­ლი და შე­ლა­მა­ზე­ბუ­ლი გა­მოგ­ვიგ­ზავ­ნეს უკან. ჩვენ იძუ­ლე­ბულ­ნი გავ­ხდით, "სა­ხალ­ხო პარ­ტი­ის" უსა­ფუძ­ვლო ბრალ­დე­ბე­ბის­თვის პა­სუ­ხი გაგ­ვე­ცა. შო­რი­დან რომ გვაკ­რი­ტი­კე­ბენ, ჩა­მობ­რძან­დნენ აქ და ნა­ხონ ჩვენს ქვე­ყა­ნა­ში გან­ხორ­ცი­ე­ლე­ბუ­ლი ცვლი­ლე­ბე­ბი. 18 მარტს სა­ქარ­თვე­ლოს პარ­ლა­მენ­ტში ში­ნა­გან საქ­მე­თა მი­ნის­ტრი 2 სა­ა­თის გან­მავ­ლო­ბა­ში ესა­უბ­რე­ბო­და სა­პარ­ლა­მენ­ტო უმ­ცი­რე­სო­ბის წევ­რებს. მე­ა­თე წე­ლია, რაც სა­ქარ­თვე­ლოს პარ­ლა­მენ­ტში ვმუ­შა­ობ და არ მახ­სოვს, ვანო მე­რა­ბიშ­ვილს "გავ­ლით მა­ინც შე­მო­ე­ხე­დოს" სა­კა­ნონ­მდებ­ლო ორ­გა­ნო­ში. პი­რა­დად მე ასზე მეტი წე­რი­ლი მაქვს გაგ­ზავ­ნი­ლი მის­თვის, მხო­ლოდ იმის თხოვ­ნით, რომ ოპო­ზი­ცი­ის­თვის ან­გა­რი­ში ჩა­ე­ბა­რე­ბი­ნა, მაგ­რამ - შენც არ მო­მიკ­ვდე.

- ხე­ლი­სუფ­ლე­ბა და ოპო­ზი­ცია ერ­თმა­ნეთს აბ­რა­ლე­ბენ, რომ სა­კონ­სტი­ტუ­ციო ცვლი­ლე­ბებ­ზე ვერ თან­ხმდე­ბი­ან. თქვენ რას მი­იჩ­ნევთ უმ­თავ­რეს პრობ­ლე­მად, რის გა­მოც შე­თან­ხმე­ბა ვერ ხერ­ხდე­ბა?

გი­ორ­გი ვა­შა­ძე:

- ხე­ლი­სუფ­ლე­ბა ვი­თომ ში­შობს, რომ პრე­ზი­დენ­ტი თა­ვის უფ­ლე­ბას გა­მო­ი­ყე­ნებს და მთავ­რო­ბას გა­და­ა­ყე­ნებს. არც ერთი ჭკუ­ა­თამ­ყო­ფე­ლი ადა­მი­ა­ნი არ იფიქ­რებს, რომ ეს მარ­თლაც შე­საძ­ლე­ბე­ლია, რად­გან პრე­ზი­დენ­ტის მხრი­დან ამ ნა­ბი­ჯის გა­დად­გმა ჩვენ­თვის ერ­თმნიშ­ვნე­ლოვ­ნად წამ­გე­ბი­ა­ნია და პირ­და­პირ ჩვე­ნი პო­ლი­ტი­კუ­რი მოღ­ვა­წე­ო­ბის და­სა­მა­რე­ბას ნიშ­ნავს. სა­ა­კაშ­ვილ­მა ამის შე­სა­ხებ არა­ერ­თი გან­ცხა­დე­ბა გა­ა­კე­თა და თქვა, რომ ჩა­ნა­წე­რი, რო­მე­ლიც ვი­თომ­და ასე აფრ­თხობს ხე­ლი­სუფ­ლე­ბას, უმოქ­მე­დოა. ეს "ქარ­თულ­მა ოც­ნე­ბა­მაც" შე­სა­ნიშ­ნა­ვად იცის, უბ­რა­ლოდ, სა­ბა­ბად იყე­ნე­ბენ, რომ თა­ვი­ან­თი უსაქ­მუ­რო­ბა გა­ა­მარ­თლონ.

გი­ორ­გი ცა­გა­რე­იშ­ვი­ლი:

- პრობ­ლე­მა ის არის, რომ პრე­ზი­დენტს არ სურს თა­ვი­სი უფ­ლე­ბა­მო­სი­ლე­ბის შე­ზღუდ­ვა და ამ­ბობს, რომ ის არც ისე აპი­რებს მთავ­რო­ბის და­თხოვ­ნას. კი, მაგ­რამ რო­გორ ვენ­დოთ სი­ტყვა­ზე ადა­მი­ანს, რო­მელ­მაც სა­კუ­თარ ხალ­ხს 7 ნო­ემ­ბე­რი მო­უ­წყო, 2008 წლის აგ­ვის­ტო­ში კი პირ­ტიტ­ვე­ლა ახალ­გაზ­რდე­ბი შე­ა­ტო­ვა რუს ოკუ­პან­ტებს?! ნე­ტავ რო­მელ ჭკუ­ა­თამ­ყო­ფელ კაცს სჯე­რა სა­ა­კაშ­ვი­ლის?! ამ ადა­მი­ანს თავ­ში რა უქ­რის, კაც­მა არ იცის. ჯერ ერთი და­ნა­პი­რე­ბიც კი არა აქვს შეს­რუ­ლე­ბუ­ლი. სულ იმას ფიქ­რობს, რო­გორ რა მო­გა­ტყუ­ოს. "აი­რა­ის" კვლე­ვე­ბის მი­ხედ­ვით, სა­ა­კაშ­ვი­ლის მი­მართ ნდო­ბა ნუ­ლის ტო­ლია. ხალ­ხი არ ენ­დო­ბა და ხე­ლი­სუფ­ლე­ბა რა­ტომ უნდა ენ­დოს სი­ტყვა­ზე?!

- კოტე კუბ­ლაშ­ვილ­მა გა­ნა­ცხა­და, რომ პრე­მი­ე­რი შეც­და, რო­დე­საც თქვა, რომ ის სა­ა­კაშ­ვი­ლის რე­ჟი­მის ტყვე იყო, და სი­ა­მა­ყით ისა­უბ­რა მის მიერ სა­სა­მარ­თლო­ში 8-წლი­ა­ნი მუ­შა­ო­ბის შე­დე­გებ­ზე. თქვენ რო­გორ შე­ა­ფა­სებთ მის მოღ­ვა­წე­ო­ბას სა­სა­მარ­თლო­ში?

გი­ორ­გი ვა­შა­ძე:

- "აი­რა­ის" კვლე­ვე­ბი გვიჩ­ვე­ნებს, რომ სა­სა­მარ­თლოს მი­მართ ნდო­ბა წლი­დან წლამ­დე იზ­რდე­ბა. დღეს სა­სა­მარ­თლოს სა­მარ­თლი­ა­ნო­ბის 63%-ს სჯე­რა. ასე­თი მაჩ­ვე­ნე­ბე­ლი სა­ქარ­თვე­ლო­ში ჯერ არას­დროს ყო­ფი­ლა. ამის ნა­ხე­ვა­რი ნდო­ბაც არა აქვთ სა­სა­მარ­თლო­ებს პოსტსაბ­ჭო­თა ქვეყ­ნებ­ში (თუ ბალ­ტი­ის­პი­რეთს არ ჩავ­თვლით). ჩემი აზ­რით, მთე­ლი 9 წლის გან­მავ­ლო­ბა­ში ძა­ლი­ან კარ­გი ნა­ბი­ჯე­ბი იდ­გმე­ბო­და იმის­თვის, რომ სა­სა­მარ­თლო ხე­ლი­სუფ­ლე­ბა გაძ­ლი­ე­რე­ბუ­ლი­ყო. ძა­ლი­ან კარ­გი იქ­ნე­ბა და ქვე­ყა­ნას სა­სი­კე­თოდ წა­ად­გე­ბა, თუ ახა­ლი ხე­ლი­სუფ­ლე­ბა სა­სა­მარ­თლოს და­მო­უ­კი­დებ­ლო­ბას შე­უ­ნარ­ჩუ­ნებს. არ მინ­და, მქონ­დეს იმის გან­ცდა, რომ სა­მარ­თლი­ა­ნო­ბის აღ­დგე­ნის სა­ფარ­ქვეშ მა­ვა­ნი უსა­მარ­თლო­ბის ზე­იმს აწყობს. სამ­წუ­ხა­როდ, ამის ნიშ­ნე­ბი უკვე არის - სა­ხე­ზე გვაქვს შერ­ჩე­ვი­თი სა­მარ­თა­ლი და ზე­წო­ლა პო­ლი­ტი­კურ ოპო­ნენ­ტებ­ზე.

გი­ორ­გი ცა­გა­რე­იშ­ვი­ლი:

- კუბ­ლაშ­ვი­ლის საქ­მი­ა­ნო­ბა სა­ზო­გა­დო­ე­ბამ უკვე კარ­გად შე­ა­ფა­სა. 2012 წლის პირ­ველ ოქ­ტომ­ბრამ­დე გა­მამ­ტყუ­ნე­ბე­ლი გა­ნა­ჩე­ნე­ბი 99%-ს შე­ად­გენ­და, დღეს ეს მაჩ­ვე­ნე­ბე­ლი 78%-ით შე­იც­ვა­ლა. პირ­ველ ოქ­ტომ­ბრამ­დე სა­მო­სა­მარ­თლო კორ­პუ­სი ნამ­დვი­ლად არ იყო თა­ვი­სუ­ფა­ლი, ეს უწყე­ბა უზარ­მა­ზარ წნეხს გა­ნიც­დი­და, რო­გორც ხე­ლი­სუფ­ლე­ბის, ისე პრო­კუ­რა­ტუ­რი­სა და იუს­ტი­ცი­ის სა­მი­ნის­ტროს მხრი­დან. თუ კუბ­ლაშ­ვილს ჰგო­ნია, რომ მა­ღა­ლი ხელ­ფა­სი, პერ­სო­ნა­ლუ­რი ავ­ტო­მო­ბი­ლი, კარ­გი სა­მუ­შაო პი­რო­ბე­ბი და მდიდ­რუ­ლი კა­ბი­ნე­ტი და­მო­უ­კი­დებ­ლო­ბას ნიშ­ნავს, ძა­ლი­ან ცდე­ბა. ჩვენ ყვე­ლა­ფერს გა­ვა­კე­თებთ იმის­თვის, რომ მო­სა­მარ­თლე­ე­ბი თა­ვი­სუფ­ლე­ბი იყ­ვნენ. ვცდი­ლობთ, იუს­ტი­ცი­ის საბ­ჭო­ში და­წყე­ბუ­ლი რე­ფორ­მე­ბი ბო­ლომ­დე მი­ვიყ­ვა­ნოთ და საბ­ჭოს თავ­მჯდო­მა­რეს მო­სა­მარ­თლე­ე­ბის დევ­ნი­სა და მათ­ზე ზე­წო­ლის სა­შუ­ა­ლე­ბა მო­ვუს­პოთ. ამ მი­მარ­თუ­ლე­ბით დიდი ძვრე­ბი და­ი­წყო, რაც ძა­ლი­ან მა­ხა­რებს. კუბ­ლაშ­ვილს თუ და­ა­ვი­წყდა, ჩვენ კარ­გად გვახ­სოვს, რომ სა­სა­მარ­თლოს მთა­ვა­რი ამო­ცა­ნა სა­ა­კაშ­ვი­ლის პო­ლი­ტი­კუ­რი ოპო­ნენ­ტე­ბის ცხრაკ­ლი­ტულ­ში გა­მომ­წყვდე­ვა იყო.

- და­ბო­ლოს, რო­გორ გგო­ნი­ათ, უნდა წა­სუ­ლი­ყო თუ არა "ერი­სი­ო­ნი" მოს­კოვ­ში?

გი­ორ­გი ვა­შა­ძე:

- ჩემი აზ­რით არ უნდა წა­სუ­ლი­ყო, თუ არა და, რო­გორც ერ­თმა ჭკვი­ან­მა ადა­მი­ან­მა თქვა, მკერ­დზე უნდა და­ე­წე­რათ - "არა ოკუ­პა­ცი­ას". აი, ეს იქ­ნე­ბო­და გა­მარ­თლე­ბუ­ლი ნა­ბი­ჯი. მე მა­ინც მგო­ნია, რომ ის­ტო­რია გან­სჯის, სწო­რად მო­იქ­ცა თუ არა "ერი­სი­ო­ნი".

გი­ორ­გი ცა­გა­რე­იშ­ვი­ლი:

- უნდა წა­სუ­ლი­ყო. მე ვფიქ­რობ, სხვა ან­სამ­ბლე­ბიც უნდა წა­ვიდ­ნენ და რუ­სებს ქარ­თუ­ლი ღი­რე­ბუ­ლე­ბე­ბი კარ­გად და­ა­ნახ­ვონ. ჩვენ უკვე ვნა­ხეთ, რომ რუ­სეთ­თან გა­უ­ცხო­ე­ბამ და კარ­ჩა­კე­ტი­ლო­ბამ კარ­გი არა­ფე­რი მოგ­ვი­ტა­ნა.

ხა­თუ­ნა ბახ­ტუ­რი­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)