მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ოთარ ქირია - "ქართულ ოცნებაში" გაწევრებას არ დავთანხმდებოდი, რადგან ხვალ იქნება თუ არა, არ ვიცი
23:10 / 20-03-2013
ოთარ ქირია თავისი ენამახვილობით ყოველ დილას ართობს "რუსთავი 2"-ის მაყურებელს, ამჯერად კი ბუკლიკომ შეუტია თავისი სახალისო შეკითხვებით და ოთარმა, ტოლი არ დამიდო. ერთ-ერთი ყველაზე კარგი რესპონდენტი აღმოჩნდა ჩემს რუბრიკაში.
- წარმოიდგინე, რომ გაიღვიძე აფრიკული ტომის გარემოცვაში და ბელადის ქალიშვილის ცოლად შეთვას გაიძულებენ.
- ვემორჩილები!..
- არ შეხედავ, როგორი გოგოა?
- აქ მთავარი ის კი არ არის, როგორი გოგონაა, არამედ ის, რომ ბელადის ქალიშვილია. პირველი პირის სიძე გავხდები (იღიმება).
- ნინო არაზაშვილი გთხოვს, ერთი დღით ძიძობა გაუწიო მის შვილებს.
- ყბა ჩამომივარდება, მაგრამ იძულებული ვიქნები დავემორჩილო მის თხოვნას კი არა, მოთხოვნას. ამას შევაფასებ, როგორც თანამდებობრივი უფლებამოსილების გადაჭარბებას, ეს იქნება იძულებით დათანხმება. სერიოზულად რომ გიპასუხო, ნინოს შვილები, გიორგი და ნატაშკა, იმდენად კარგი ბავშვები არიან, რომ მათთან, როგორც ტოლებთან, ისე ვურთიერთობ და მათი დატოვება არ გამიჭირდებოდა.
- შორენა ბეგაშვილთან ერთად ქართველი მომღერლის კლიპში გულახდილ სცენებში გიღებენ.
- ვაი, დამცხა (იცინის)!.. ძალიან დამცხა! უხერხულ მდგომარეობაში ჩავვარდები ბევრი მიზეზის გამო.
- კარგი რა, ოთარ...
- მთავარ მიზეზს გეტყვი, დაოჯახებული ვარ.
- ეგ რა შუაშია, მსახიობები ხომ თამაშობენ ამგვარ სცენებში?
- მე სრულიად უნიჭო მსახიობი ვარ, ამიტომ სადაც არა სჯობს, გაცლა სჯობსო, ხომ გაგიგონია. უარს ვიტყოდი.
- "საქართველოს ვარსკვლავში" მონაწილეობას გთავაზობენ და ტელეკომპანია "რუსთავი 2" გეუბნება, რომ ეს არხის რეიტინგს სჭირდება. უნდა გამოხვიდე და იმღერო.
- დავთანხმდები, გამოვალ და ისე დავაყრუებ ყველას, რომ მიხვდებიან, ეს არასწორი გადაწყვეტილება იყო (იცინის). ისე, ნორმალური სმენა მაქვს, მაგრამ მაინც დავაყრუებდი. შევასრულებდი "დილით შენს ბაღში ვღიღინებ", ასევე სტინგის shape of my heart.
- ოჰ, პირდაპირ სტინგზე გადაინაცვლა. გირეკავს თინა ხიდაშელი და "ქართულ ოცნებაში" გაწევრებას გთავაზობს.
- ვაიმე, რა დავაშავე (იცინის)?!.. "რესპუბლიკური პარტია" მაინც შემომთავაზოს, დავფიქრდებოდი, რადგან მრავალწლიანი ისტორია აქვს და პატივსაცემი პარტიაა. "ქართულ ოცნებაში" გაწევრებას არ დავთანხმდებოდი, რადგან ხვალ იქნება თუ არა, არ ვიცი. პარტიას 1 და 2-წლიანი ისტორია რომ აქვს, იქ ვერ გავწევრდები.
- გვანცა დარასელია ვალად გართმევს ფულს და როცა დათქმულ ვადაში მიაკითხავ, იკვირვებს, რა ფული, რის ფულიო.
- დაგირეკავ შენ, მოგცემ ინტერვიუს და როცა "რეიტინგში" გამოქვეყნდება, მერე მე თვითონვე მიმოვიხილავ. მთელ ქვეყანას გავაგებინებ, რომ გვანცა დარასელია არის "კიდალა", ასე დაწერე, გადამგდები (იცინის).
- დილას აღებ კარს და დგას ბედუინის სამოსში გამოწყობილი კობა დავითაშვილი, ხელს გიქნევს და გიღიმის, მის ზურგს უკან კი აქლემი დგას.
- (იცინის) ეს რა მოგიფიქრებია!.. წრუწუნად გადავიქცევი, შემეშინდება. კობა ისედაც დიდია და ბედუინის სამოსში ორმაგად დიდი გამოჩნდებოდა. რადგან აქლემიც მოუყვანია, ჩავთვლი, რომ ჩემს გატაცებას აპირებს. ისე, გატაცების გამოცდილება კი აქვს, ოღონდ საპირისპირო მიმართულებით, ანუ თვითონ იყო გატაცებული.
- ეზოში დადის მაწვნის გამყიდველი, რომელშიც ჩიორა თაქთაქიშვილს ამოიცნობ.
- (ხარხარებს) ვაიმე!.. ვეტყვი, რომ ჩემს ეზოს გაეცალოს. არ მინდა არც მაგისი მაწონი და არც არაფერი.
- რატომ, იქნებ, კარგი და სუფთა მაწონი აქვს?
- ლაბორატორიულად შემოწმებული ექნება? შემეშინდება, მაწონში რაიმე არ იყოს (იცინის).
- მარიამ საჯაია "პროფილში" ამბობს, რომ დილის ეთერს შენ გამო უყურებს და აღფრთოვანებულია შენი პრესის მიმოხილვით.
- დავდნები ღორის ქონივით.
- ისე, ცნობილი ადამიანებისგან გსმენია კომპლიმენტები?
- როგორ არა, ახლაც ხშირად მესმის. ყველაზე კარგი კომპლიმენტი ის კი არ არის, რომ მეუბნებიან, დღეს გიყურეთო. თუ შინაარსზე გამიმახვილებენ ყურადღებას, მაშინ ვხვდები, რომ ნამდვილად ნანახი აქვთ და ეს არის საუკეთესო კომპლიმენტი.
- ანრი ჯოხაძე გთხოვს, პრესის მიმოხილვაში ყოველდღიურად ახსენო მისი სახელი და გვარი, პიარში დახმარებას გთხოვს ამ გზით.
- გადავამისამართებ პროდიუსერთან და მას უთხრას.
- ირაკლი ღარიბაშვილი ერთ-ერთ შეხვედრაზე ყავას გადაგასხამს.
- დავჩმორდები (იცინის)!.. შემეშინდება, მაგრამ რაღაც წუნკლურ ფრაზას მაინც ვეტყვი. მაგალითად ასეთს, ხელი რატომ გიკანკალებს, თანამდებობაზე რომ ხარ, იმიტომ (იღიმება)?
- ხარ განათლების მინისტრი და ბენდუქიძე გიზის კაბინეტში, დაჟინებით გეკითხება, რატომ შეუჩერე მის უნივერსიტეტს ავტორიზაცია.
- ამოვიღებ დასკვნას და დავუდებ, წაიკითხოს. აბა, მერამდენედ უნდა ავხსნა ერთი და იგივე? ახლა მაგაზე ვხარჯო კიდევ დრო. მგონი, უკვე ახსნეს ავტორიზაციის შეჩერების მიზეზი პირდაპირ ეთერშიც, არაპირდაპირშიც, კადრის წინაც, უკანაც, 6000-ჯერ.
- ეთერის წინ ყავაში ჩუმად ალკოჰოლი ჩაგისხეს და ეთერის მსვლელობისას ხვდები, რომ შექეიფიანებული ხარ.
- ეთერი გადაიზრდება დიმპიტაური-დამპიტაურის რეჟიმში. ყოფილა ასეთი შემთხვევა. კონიაკი ჩამისხამს ყავაში, წასახალისებლად. მერე თავად გავახალისე ყველა. 90%-იანი ეჭვი მაქვს, რომ ყველა მიხვდა, შეზარხოშებული რომ გახლდით. ნინო არაზაშვილმა ვერ მოითმინა და ეთერის ბოლოს წამკბინა, შენ დილიდან დაგიწყიაო. ძველით ახალი წელი იყო და ყველა მიხვდებოდა, რატომაც მითხრა.
- პრესის მიმოხილვისას, შლი ჟურნალს და აღმოაჩენ, რომ იქ შენზე რაღაც ჭორი წერია ან პაპარაცული ფოტოა, სადაც შიშვლად ხარ გამოსახული.
- საიდან გადამიღებენ შიშველ ფოტოს? არ ვიცი, რა ჭორი და ფოტოც უნდა იყოს, ჯერ შევხედავ, პირველ რიგში, მაინც გამეცინება, მერე კი შეიძლება გავბრაზდე, შეიძლება - არა. საერთოდ, ჭორები არ მაღიზიანებს, თუკი ბოროტული არ არის. ისიც არ მესმის, რატომ არ მოსწონთ ცნობილ ადამიანებს ყვითელი პრესა. სულ ვცდილობ ავუხსნა მათ, თუკი ამის შესაძლებლობა მაქვს, რომ ყვითელი პრესა კარგია და მის გარეშე ზოგადად პრესა არ იარსებებდა. ყვითელი პრესა საქართველოდან არ მოდის, მისი სამშობლო დიდი ბრიტანეთია. რატომ მიაჩნიათ ყვითელი პრესა ცუდად, ვერაფრით ვერ ვიგებ.
DJბუკლე
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
