რო­ლანდ ახა­ლა­ია ყვე­ლას აყა­ჩა­ღებ­და სა­მეგ­რე­ლო-ზემო სვა­ნე­თის რე­გი­ონ­ში, მათ შო­რის ვი­ყა­ვი მეც, - ამ­ბობს 80 წელს მი­ტა­ნე­ბუ­ლი ზუგ­დი­დე­ლი მე­წარ­მე ნა­პო­ლე­ონ გა­ბი­სო­ნია, რო­მე­ლიც 5 წელი და 11 თვე იხ­დი­და სას­ჯელს, რო­გორც თვი­თონ ამ­ბობს, შე­თი­თხნი­ლი ბრალ­დე­ბით. ახა­ლა­ი­ას­თან სა­მარ­თლებ­რივ ბრძო­ლას შე­ე­წი­რა გა­ბი­სო­ნი­ას ად­ვო­კა­ტი ჯონი ზა­რან­დი­აც, რო­მელ­მაც 4 წელი გა­ა­ტა­რა ცი­ხე­ში. ზუგ­დი­დის ცენ­ტრში მდე­ბა­რე, ერთ დროს მძლავ­რი სა­წარ­მო "ზუგ­დიდსოფლტექ­ნი­კა", რო­მე­ლიც ამ და­ვი­და­რა­ბის მი­ზე­ზი შე­იქ­ნა, დღეს გა­ძარ­ცუ­ლია და მის­გან ცა­რი­ე­ლი კედ­ლე­ბი­ღაა დარ­ჩე­ნი­ლი...

მებ­რძო­ლი ჭკა­დუა, ად­ვო­კა­ტი: - ზუგ­დი­დის რა­ი­ო­ნუ­ლი სა­სა­მარ­თლოს 2007 წლის 29 ოქ­ტომ­ბრის გან­ჩი­ნე­ბით, 72 წლის ნა­პო­ლე­ონ გა­ბი­სო­ნი­ას 19 წლით თა­ვი­სუფ­ლე­ბის აღ­კვე­თა და ჯა­რი­მა - 10 000 ლარი შე­ე­ფარ­და. სა­სა­მარ­თლოს გა­და­წყვე­ტი­ლე­ბა გა­სა­ჩივ­რდა ქუ­თა­ი­სის სა­ა­პე­ლა­ციო სა­სა­მარ­თლოს სს საქ­მე­თა პა­ლა­ტა­ში და ამ­ნის­ტი­ის შე­სა­ხებ კა­ნო­ნის გა­მო­ყე­ნე­ბით, მას სა­ბო­ლო­ოდ, სას­ჯე­ლის ზო­მად 15,6 წლით თა­ვი­სუფ­ლე­ბის აღ­კვე­თა და 10 ათა­სი ლა­რის გა­დახ­და გა­ნე­სა­ზღვრა. გა­ბი­სო­ნი­ას ბრა­ლი ყალ­ბი დო­კუ­მენ­ტე­ბის დამ­ზა­დე­ბა­ში, სამ­სა­ხუ­რებ­რი­ვი უფ­ლე­ბა­მო­სი­ლე­ბის გა­და­მე­ტე­ბა­ში, სხვი­სი ქო­ნე­ბის მით­ვი­სე­ბა­სა და გა­და­სა­ხა­დის გა­და­მალ­ვა­ში დას­დეს.

ნა­პო­ლე­ონ გა­ბი­სო­ნი­ამ 1996 წელს მურ­თაზ ფა­ცა­ცი­ა­სა და სხვა აქ­ცი­ო­ნე­რებ­თან ერ­თად ზუგ­დიდ­ში შე­ის­ყი­და სა­აქ­ციო სა­ზო­გა­დო­ე­ბა "სოფლტექ­ნი­კა" (თან­ხა აღე­ბუ­ლი ჰქონ­და კრე­დი­ტი­სა და სეს­ხის სა­ხით), რო­მე­ლიც, უმძლავ­რე­სი სა­წარ­მო იყო და­სავ­ლეთ სა­ქარ­თვე­ლო­ში. ის ძი­რი­თა­დად აწარ­მო­ებ­და სა­ნერ­გე, სა­ტყეო და სხვა მე­ურ­ნე­ო­ბე­ბი­დან ხე­ტყის შეს­ყიდ­ვას, მის და­მუ­შა­ვე­ბა­სა და რე­ა­ლი­ზა­ცი­ას რო­გორც ად­გი­ლობ­რივ, ისე უცხო­ე­თის ბა­ზარ­ზე. სა­წარ­მოს წარ­მა­ტე­ბუ­ლი საქ­მი­ა­ნო­ბა თვალ­ში არ მოს­დი­ო­და ხე­ლი­სუფ­ლე­ბის წარ­მო­მად­გე­ნელ რო­ლანდ ახა­ლა­ი­ას და მისი ხელ­ში ჩაგ­დე­ბა გა­ნიზ­რა­ხა. სა­მეგ­რე­ლო-ზემო სვა­ნე­თის სა­ოლ­ქო პრო­კუ­რორ­მა ჩა­ნა­ფიქ­რის სის­რუ­ლე­ში მოყ­ვა­ნა ზუგ­დი­დის რა­ი­ო­ნუ­ლი და ქუ­თა­ი­სის სა­ა­პე­ლა­ციო სა­სა­მარ­თლო­ე­ბის ხელ­შე­წყო­ბით მო­ა­ხერ­ხა. ფა­ცა­ცი­ა­სა და გა­ბი­სო­ნი­ას მი­მართ საქ­მე არა­ო­ბი­ექ­ტუ­რად და კა­ნონ­დარ­ღვე­ვე­ბით მიმ­დი­ნა­რე­ობ­და, რა­დაც უნდა დასჯ­დო­მო­დათ, ისი­ნი თა­ვი­დან უნდა მო­ე­შო­რე­ბი­ნათ. ამის ერთ-ერთი სა­შუ­ა­ლე­ბა მისი და­პა­ტიმ­რე­ბა იყო, რაც შეს­რულ­და კი­დეც შე­თი­თხნი­ლი ბრალ­დე­ბე­ბით - თით­ქოს­და, სა­წარ­მო­ში იქ­მნე­ბო­და ყალ­ბი შე­მო­სა­ვალ-გა­სავ­ლის ფაქ­ტუ­რე­ბი. პრო­კუ­რა­ტუ­რამ გა­და­ი­ბი­რა მთა­ვა­რი ბუ­ღალ­ტე­რი თე­მურ ხა­ზა­ლია, რო­მელ­მაც გა­და­მა­ლა დო­კუ­მენ­ტე­ბი, შე­ად­გი­ნეს ექ­სპერ­ტი­ზის ყალ­ბი დას­კვნე­ბი, შე­მოწ­მე­ბის ყალ­ბი აქ­ტე­ბი, არ ჩა­ა­ტა­რეს ინ­ვენ­ტა­რი­ზა­ცია, ხე­ლოვ­ნუ­რად გა­ზარ­დეს მზა პრო­დუქ­ცი­ის სა­რე­ა­ლი­ზა­ციო ფა­სე­ბი და ა.შ. ხა­ზა­ლია ჯერ და­ა­კა­ვეს, შემ­დეგ მას­თან გა­ა­ფორ­მეს საპ­რო­ცე­სო გა­რი­გე­ბა, შე­უ­ფარ­დეს 2 წელი და 5 000 ლარი ჯა­რი­მა, არა­და, მის მი­მართ წა­ყე­ნე­ბუ­ლი ბრალ­დე­ბა 22 წლამ­დე პა­ტიმ­რო­ბას ით­ვა­ლის­წი­ნებ­და. გა­ბი­სო­ნი­ა­სა და ფა­ცა­ცი­ას და­პა­ტიმ­რე­ბის­თა­ნა­ვე და­ა­ყა­და­ღეს სა­აქ­ციო სა­ზო­გა­დო­ე­ბის ქო­ნე­ბა. ქო­ნე­ბის მა­ტე­რი­ა­ლურ ფა­სე­უ­ლო­ბა­თა რე­ა­ლი­ზა­ცი­ის შე­დე­გად, პირ­ველ რიგ­ში, უნდა გას­ტუმ­რე­ბუ­ლი­ყო სა­ბან­კო და­ვა­ლი­ა­ნე­ბე­ბი, სეს­ხე­ბი, მაგ­რამ მი­უ­ხე­და­ვად ამი­სა, ერთი წლის გან­მავ­ლო­ბა­ში, სა­ზო­გა­დო­ე­ბის კუთ­ვნი­ლი ქო­ნე­ბა - ტექ­ნი­კუ­რი სა­შუ­ა­ლე­ბე­ბი, ინ­ვენ­ტა­რი, მზა სამ­შე­ნებ­ლო მა­სა­ლა და და­ნად­გა­რე­ბი - და­ი­ტა­ცეს და გა­ყი­დეს.

ყვე­ლა­ფე­რი რო­ლანდ ახა­ლა­ი­ას და მისი ნა­თე­სა­ვე­ბის ხელ­დას­ხმით მოხ­და. სა­წარ­მოს ქო­ნე­ბა კი და­ახ­ლო­ე­ბით, მი­ლი­ონ დო­ლა­რი იყო. გა­ბი­სო­ნი­ას საქ­მეს შე­ე­წი­რა მი­სი­ვე ად­ვო­კა­ტი ჯონი ზა­რან­დი­აც, რო­მელ­მაც ამ­ხი­ლა რო­ლანდ ახა­ლა­ია. ზა­რან­დია გა­ბი­სო­ნი­ას და­კა­ვე­ბი­დან 3 წლის შემ­დეგ და­ა­პა­ტიმ­რეს, 210-ე მუხ­ლით გა­ა­სა­მარ­თლეს და 4 წელი მი­უ­სა­ჯეს. ახა­ლა­ი­ამ ღიად ვე­ღარ მო­ა­ხერ­ხა სა­წარ­მოს და­სა­კუთ­რე­ბა, რად­გან ეს ამ­ბა­ვი გახ­მა­ურ­და, ამი­ტო­მაც მან და მის­მა ნა­თე­სა­ვებ­მა აა­ოხ­რეს იქა­უ­რო­ბა.

ნა­პო­ლე­ონ გა­ბი­სო­ნია ამა­სო­ბა­ში მი­მარ­თავ­და სხვა­დას­ხვა ინ­სტან­ცი­ას, თუმ­ცა ამ ხნის კაცს შე­წყა­ლე­ბა არას­დროს მო­უ­თხო­ვია. იგი პა­ტიმ­რო­ბი­დან 2013 წლის 1 მარტს პი­რო­ბით გა­ა­თა­ვი­სუფ­ლეს.

ნა­პო­ლე­ონ გა­ბი­სო­ნია: - თით­ქმის 6 წელი გა­ვა­ტა­რე უკა­ნო­ნო პა­ტიმ­რო­ბა­ში. ბოლო 4 წელი რუს­თა­ვის #17 და­წე­სე­ბუ­ლე­ბა­ში ვიხ­დი­დი სას­ჯელს. ჩემი ასა­კი­სა ცი­ხე­ში არა­ვინ იყო, ყვე­ლა პა­ტივს მცემ­და, თუმ­ცა აუ­ტა­ნე­ლი პი­რო­ბე­ბი და ჯო­ჯო­ხე­თი ვნა­ხე. 28 კაცი ვი­ყა­ვით 40 კვმ ფარ­თო­ბის სა­კან­ში. სრუ­ლი­ად უდა­ნა­შა­უ­ლო ვარ. სა­მარ­თა­ლი რომ ყო­ფი­ლი­ყო, მე პა­ტიმ­რო­ბა კი არა, გმი­რო­ბა მე­კუთ­ვნო­და. იმ ურ­თუ­ლეს პე­რი­ოდ­ში, რო­დე­საც ქვე­ყა­ნა­ში კრი­მი­ნო­გე­ნუ­რი სი­ტუ­ა­ცია იყო, რო­დე­საც არც ერთი სა­წარ­მო არ მუ­შა­ობ­და, მო­ვიყ­ვა­ნე ინ­ვეს­ტო­რე­ბი, ავა­მუ­შა­ვე ხე­ტყის გა­დამ­მუ­შა­ვე­ბე­ლი ქარ­ხა­ნა, და­ვა­საქ­მე 160 კაცი, 1997 წლი­დან სა­ა­თი­ვით მქონ­და ბიზ­ნე­სი აწყო­ბი­ლი... ჩემი და­კა­ვე­ბის დღი­დან კი სა­წარ­მოს აღარ უმუ­შა­ვია, ყვე­ლა­ფე­რი გა­ნად­გუ­რე­ბუ­ლია. ასე­თი ვან­და­ლო­ბა ფა­შის­ტებს არ ჩა­უ­დე­ნი­ათ. ეს ყვე­ლა­ფე­რი რო­ლანდ ახა­ლა­ი­ას ხელ­მძღვა­ნე­ლო­ბით ხდე­ბო­და. მე მისი პი­რა­დი პა­ტი­მა­რი ვი­ყა­ვი.

- ახლა რა მდგო­მა­რე­ო­ბა­შია სა­წარ­მო და თუ არ­სე­ბობს მისი ფეხ­ზე და­ყე­ნე­ბის შან­სი?

- ყვე­ლა­ფე­რი გა­ჩა­ნა­გე­ბუ­ლია. ახა­ლა­ი­ას ნა­თე­სა­ვებ­მა და მე­გო­ბარ­მა ყვე­ლა­ფე­რი გა­ყი­დეს. ვა­პი­რებ სა­ჩივ­რის შე­ტა­ნას რო­ლანდ ახა­ლა­ი­ას წი­ნა­აღ­მდეგ. სა­წარ­მოს გი­რა­ოდ სახ­ლი ჩავ­დე, ახა­ლა­ი­ამ კი სა­წარ­მო­ში ბან­კი არ შე­უშ­ვა, გი­რა­ო­ში ჩა­დე­ბუ­ლი სა­ქო­ნე­ლი რომ გა­ე­ყი­დათ. ორი წე­ლია, ბან­კმა სახ­ლი ჩა­მო­არ­თვა ჩემს ოჯახს. სა­წარ­მოს მთლი­ა­ნი ზა­რა­ლი, სულ მცი­რე, 800 000 დო­ლა­რია. მო­ვი­თხოვ მა­ტე­რი­ა­ლუ­რი ზა­რა­ლის ანა­ზღა­უ­რე­ბას, არა­ფერს შე­ვარ­ჩენ რო­ლანდ ახა­ლა­ი­ას!

მურ­თაზ ფა­ცა­ცია, "ზუგ­დიდსოფლტექ­ნი­კის" დი­რექ­ტო­რი: - სამი წელი მო­ვი­ხა­დე. მი­ვი­ღე ინ­სულ­ტი და 2010 წლის და­სა­წყის­ში, რო­გორც კი გა­მო­ვე­დი ცი­ხი­დან, ინ­ფარ­ქტი და­მე­მარ­თა. იქ რომ ვყო­ფი­ლი­ყა­ვი, ნამ­დვი­ლად მოვ­კვდე­ბო­დი. ნერ­ვი­უ­ლო­ბის გამო უკი­დუ­რე­სად შე­მერ­ყა ჯან­მრთე­ლო­ბა და დღე­საც ექი­მე­ბის მეთ­ვალ­ყუ­რე­ო­ბის ქვეშ ვარ. იმ­ხა­ნად, როცა სა­აქ­ციო სა­ზო­გა­დო­ე­ბა "ზუგ­დიდსოფლტექ­ნი­კა" ჩა­მო­ვა­ყა­ლი­ბეთ, დიდი რა­ო­დე­ნო­ბით ნედ­ლე­უ­ლი გა­დი­ო­და სა­ქარ­თვე­ლო­დან. ჩვენ მო­ვი­ზი­დეთ თურ­ქე­თი­დან ინ­ვეს­ტი­ცი­ე­ბი, ად­გილ­ზე და­ვი­წყეთ მო­რე­ბის და­მუ­შა­ვე­ბა, შე­ვი­ძი­ნეთ უცხო­უ­რი წარ­მო­ე­ბის მან­ქა­ნა-და­ნად­გა­რე­ბი... აი, ამის შემ­დეგ და­ად­გეს თვა­ლი ორ­გა­ნი­ზა­ცი­ას, რად­გან მას ზუგ­დი­დის ცენ­ტრში 4 ჰა მიწა ჰქონ­და. ყო­ველ­წლი­უ­რად 200 - 300 ათა­სი ლა­რით ვავ­სებ­დით სა­ხელ­მწი­ფო ბი­უ­ჯეტს. ახა­ლა­ი­ას ხელ­წე­რა იყო ასე­თი - მოშ­ლი­და, გა­ა­ნად­გუ­რებ­და სა­წარ­მოს, ჩა­ლის ფასი რომ დას­დე­ბო­და და შემ­დეგ ჩა­ეგ­დო ხელ­ში, რა­საც იგი მთე­ლი სა­მეგ­რე­ლო-ზემო სვა­ნე­თის მას­შტა­ბით ახორ­ცი­ე­ლებ­და. სა­წარ­მოს­გან, სა­დაც 27 წელი ვი­მუ­შა­ვე, დღეს აღა­რა­ფე­რია დარ­ჩე­ნი­ლი, სამი შე­ნო­ბა მთლად გა­ძარ­ცუ­ლია, მი­წაც კი გა­ას­ხვი­სეს. ჩვე­ნი და­პა­ტიმ­რე­ბის შემ­დეგ სა­წარ­მო და­ა­ყა­და­ღეს და იქი­დან კენ­ჭის აღე­ბის უფ­ლე­ბა არა­ვის ჰქონ­და, მაგ­რამ ახა­ლა­ი­ას პრო­კუ­რა­ტუ­რა კა­ნონს და სა­მარ­თალს და­გი­დევ­და? სა­წარ­მო ერ­თი­ა­ნად გა­ძარ­ცვეს, 80 აქ­ცი­ო­ნე­რის ინ­ტე­რე­სე­ბი და უფ­ლე­ბე­ბი ფეხ­ქვეშ გა­თე­ლეს. და­ვუშ­ვათ, ჩვენ მარ­თლა მიგ­ვი­ძღო­და ბრა­ლი, რა და­ა­შა­ვა 80-მა აქ­ცი­ო­ნერ­მა და ორ­გა­ნი­ზა­ცი­ამ? რად­გან სა­კონ­ტრო­ლო პა­კე­ტის მფლო­ბე­ლე­ბი ჩვენ ვი­ყა­ვით, მოგ­ვი­შო­რეს და ხელ-ფე­ხიც გა­ეხ­სნათ. როცა აქ­ცი­ო­ნე­რებს ვუ­საყ­ვე­დუ­რე, სად იყა­ვით, რა­ტომ გა­ა­ჩა­ნა­გე­ბი­ნეთ ორ­გა­ნი­ზა­ცია-მეთ­ქი, მი­თხრეს, რამ­დენ­ჯე­რაც ხმა ამო­ვი­ღეთ, ახა­ლა­ია ოჯა­ხის წევ­რე­ბის გა­ნად­გუ­რე­ბით გვე­მუქ­რე­ბო­დაო. სა­მეგ­რე­ლო­ში ახა­ლა­ი­ას ში­შით ვინ გა­ბე­დავ­და რა­მეს? მე და ნა­პო­ლე­ო­ნი 60%-ის მე­სა­კუთ­რე­ნი ვართ, და­ნარ­ჩე­ნი 40-ის კი - 80 აქ­ცი­ო­ნე­რი. რა­ტომ, რისი გუ­ლის­თვის გაგ­ვა­ნად­გუ­რეს და გა­მოგ­ვამ­წყვდი­ეს სა­პა­ტიმ­რო­ში? ახა­ლა­ი­ას თა­ვი­სი ნა­თე­სა­ვე­ბის­თვის უთ­ქვამს, ისი­ნი ცი­ხი­დან ცო­ცხლე­ბი ვერ გა­მოვ­ლენ, თქვენ რაც გინ­დათ, ის ქე­ნი­თო. რო­ლანდ ახა­ლა­ი­ამ და მის­მა დამ­ქა­შებ­მა ჩვე­ნი გა­ნად­გუ­რე­ბის­თვის პა­სუ­ხი უნდა აგონ!

ნანა ფი­ცხე­ლა­უ­რი

ყო­ველკ­ვი­რე­უ­ლი გა­ზე­თი "ყვე­ლა სი­ახ­ლე"

(გა­მო­დის ოთხშა­ბა­თო­ბით)