21
ივნისიდღის ზოგადი ასტროლოგიური პროგნოზი
გოლფისტმა ტაიგერ ვუდსმა განაცხადა, რომ ოლიმპიურ ჩემპიონთან სამთო სათხილამურო სპორტში, ლინდსი ვონთან რომანი აქვს. განცხადება ამის შესახებ სპორტსმენის ოფიციალურ საიტზე 18 მარტს განთავსდა. ვუდსის თქმით, მისი და ვონის ურთიერთობა უკვე რამდენიმე თვეა გრძელდება.
ვუდსის საიტზე წყვილის რამდენიმე საერთო ფოტოც გამოქვეყნდა. ვუდსმა ჟურნალისტებსა და გულშემატკიერებს სთხოვა, რომ მის პირად ცხოვრებას პატივი სცენ.
პრესაში პირველი ჭორები იმის შესახებ, რომ 37 წლის ვუდსი და 28 წლის ვონი ერთმანეთს ხვდებიან, ნოემბერში გაჩნდა. მაშინ მედია წერდა, რომ წყვილი ავსტრიის სათხილამურო კურორტზე შეამჩნიეს. მაგრამ ორივე სპორტსმენის წარმომადგენელმა მათ შესაძლო კავშირზე ინფორმაცია უარყო.
ტაიგერ ვუდსის პირად ცხოვრებას საჯაროდ განიხილავდნენ, როცა ის მოდელ ელინ ნორდეგრენს ღალატობდა. 2010 წლის აგვისტოში წყვილი, რომელთაც ორი ქალიშვილი ჰყავთ, განქორწინდა. ბავშვებს ორივე მშობელი ზრდის.
ლინდსი ვონმა ვანკუვერში 2010 წლის ზამთრის ოლიმპიადაზე ოქროს და ბრინჯაოს მედალი მოიპოვა. სპორტსმენი მეუღლეს 2011 წლის ბოლოს დაშორდა.
მომზადებულია lenta.ru-ს მიხედვით.
