18
ივნისიდღის ზოგადი ასტროლოგიური პროგნოზი
თბილისის სპორტის სასახლეში ჭიდაობაში ევროპის ჩემპიონატი გაიხსნა. ცერემონია ეროვნული ჰიმნის შესრულებით და მონაწილე დელეგაციების წარდგენით დაიწყო. ევროპის ჩემპიონატში, რომელსაც თბილისი დღეიდან 24 მარტის ჩათვლით უმასპინძლებს, 47 ქვეყნის 500 სპორტსმენი მონაწილეობს, მათ შორის იქნებიან ბერძნულ-რომაული და თავისუფალი სტილით მოჭიდავე როგორც ვაჟი სპორტსმენები, ასევე ქალთა ნაკრები გუნდები.
გახსნის ცერემონიაზე შეკრებილ გულშემატკივრებს და დელეგაციის წარმომადგენლებს სიტყვით მიმართა საქართველოს ჭიდაობის ფედერაციის პრეზიდენტმა ლუკა კურტანიძემ. მან მადლობა გადაუხადა ბიძინა ივანიშვილს იმ "იმედისთვის, რომელმაც ბრძოლის მაგალითი მისცა". ამასთან ჭიდაობის ფედერაციის პრეზიდენტმა, ბოდიში მოიხადა ყველას მიმართ, ვისაც მისივე სიტყვებით "უნებლიედ შესცოდა". ამ სიტყვებზე კურტანიძემ დაიჩოქა, რასაც დარბაზში შეძახილები და აპლოდისმენტები მოჰყვა.
იხილეთ ვიდეო: საჯარო ბოდიში "ცრემლიანი გულით" და დაჩოქილი ლუკა კურტანიძე
