მნიშვნელოვანი ინფორმაცია
12
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გუფი და ლიდია ხომენკო მალე გოგოს მშობლები გახდებიან
23:15 / 18-03-2013
მუსიკოს გურამ მაკალათიას, ანუ გუფისა და მისი მეუღლის, ლიდია ხომენკოს ცხოვრებაში მალე ძალიან კარგი რამ მოხდება. წყვილი შვილს ელოდება. მათი უთანხმოების მიზეზი მხოლოდ ბავშვის სახელია. წყვილმა მომავალი შვილის სახელი ჯერჯერობით ვერაფრით შეარჩია.
გუფი:
- ჩვენი შვილი უკვე ძალიან მალე გაჩნდება. აპრილის ბოლოს გოგონას ველოდებით.
- ბავშვის სახელი უკვე მოიფიქრეთ?
ლიდია:
- ჯერ ფიქრის პროცესში ვართ. ყველა სახელთან რაღაც ასოციაციები მიჩნდება.
გუფი:
- ამ პროცესს მე უკვე ჩამოვშორდი. სახელის შერჩევის ნერვები აღარ მაქვს. რასაც ვეტყვი, ყველაფერს მიწუნებს. ისეთ სახელზე საერთოდ არ ვფიქრობთ, რომ დაიძახებ და ნახევარი ქალაქი მოიხედავს.
- ლიდია, ორსულობის დროს პრეტენზიული გახდი?
- ორსულობა ნორმალურად მიდის. ვცდილობ, ყველაფერს მშვიდად შევხედო. შოკოლადი მიყვარს, მაგრამ არ ვჭამ. ყველა გაფრთხილებული მყავს, რომ არ მომიტანონ.
- გუფი, აპირებ, მშობიარობას დაესწრო?
- თუ ბუნებრივად იმშობიარა, დავესწრები და თუ საკეისროს გაიკეთებს, მე იქ რა მინდა.
ლიდია:
- ძალიან მინდა, ბუნებრივად ვიმშობიარო.
გუფი:
- ასე თუ მოხდება, ძალიან კარგი იქნება. თან ექიმი გვყავს ძალიან კარგი. მას შეკითხვებით სისხლი გავუშრეთ.
ლიდია:
- ექიმთან ჩაწერილები ვართ და ისე მივდივართ ხოლმე, მაგრამ ძალიან ბევრი ხალხი ელოდება და ყველას ჰგონია, რადგან გუფი ტელევიზიაში მუშაობს, ურიგოდ შევდივართ, ამრეზით გვიყურებენ.
- გუფი, ძალიან მზრუნველი მეუღლის შთაბეჭდილებას ტოვებ. მახსოვს, პირველი მეუღლე, თამუნა მუსერიძე ამბობდა, რომ უყურადღებო იყავი.
- მე და თამუნა ერთად რომ ვცხოვრობდით, პირველი ერთი თვე ორსულად იყო. მერე წავიდა, სამი თვის მერე ვითომ შევრიგდით და მერე კიდევ წავიდა. ფეხმძიმედ რომ იყო, ერთად მაქსიმუმ ორი თვე ვცხოვრობდით. ჩემს შეცვლაში დიდი წვლილი ალბათ ლიდიასაც აქვს, მაგრამ აქ პრობლემა სხვა რამეშია. ახლა სხვა გარემოში ვცხოვრობ. ერთი ოჯახი ვართ და ჩემს მზრუნველობაში განსაკუთრებული არაფერია. ალექსანდრეს შემთხვევაშიც ასე იქნებოდა, უბრალოდ, ამის საშუალება არ იყო.
- ამ საკითხთან დაკავშირებით თამუნა ყოველთვის გულახდილი იყო.
- გულახდილობასაც თავისი განმარტებები აქვს. როცა ის ადამიანი ჩემი შვილის დედაა, არანაირი სურვილი არ მაქვს, მასზე ხმამაღლა რამე ცუდი ვილაპარაკო.
- ალექსანდრესთან ახლა გაქვს ურთიერთობა?
ლიდია:
- სამწუხაროდ, ხშირად ვერ ახერხებს ალექსანდრეს ნახვას. ხშირად დაუგეგმავს, რომ წამოეყვანა და ჩვენთან ყოფილიყო, მაგრამ დაურეკავთ და უთქვამთ, რომ რეპეტიციაზე იყო წასასვლელი.
გუფი:
- ლიდიასთანაც ვერ ვატარებ ნორმალურად დროს. ალექსანდრეს ბაღში რომ შევუარო, ერთი საათით ვეთამაშო და წამოვიდე, ეს არ არსებობს. დიდი იმედი მაქვს, ალექსანდრე ცოტა რომ წამოიზრდება და თავისით შეძლებს ტრანსპორტით გადაადგილებას, ყველაფერი გამარტივდება.
- ლიდია, თამუნას შეხვედრიხარ როდისმე?
- არა. მიმაჩნია, რომ თამუნას და გუფის ძველი ურთიერთობა მე საერთოდ არ მეხება, ვიცი მხოლოდ ის, რომ ალექსანდრე არის ჩვენს ცხოვრებაში და ჩვენი ოჯახის წევრია. მუცელში ჩემს შვილს რომ ველაპარაკები, ვეუბნები, უფროსი ძმა გყავს-მეთქი. გული მწყდება, როდესაც ლაპარაკობენ, გუფის თავისი შვილი არ აინტერესებსო. ასე ნამდვილად არაა. ძალიან უყვარს და ძალიან განიცდის, ხშირად რომ ვერ ნახულობს.
- გუფი, ჭორებს თუ დავუჯერებთ, ახლა მესამე შვილს ელოდები.
- ჭორები ნამდვილად გვიყვარს ქართველებს. ამ ჭორებს თუ დავუჯერებთ, კიდევ ერთ ბავშვს აქვს ჩემი გვარი.
- როგორც ვიცი, გოგონა გყავს.
- კი ბატონო, ასეთი ჭორია, მაგრამ ეს ძალიან რთული თემაა, რომელსაც ღრმად რომ შევყვეთ, არაფერთან არ მიგვიყვანს.
- იმ შვილთან გაქვს ურთიერთობა?
- არა. სულ სამჯერ მყავს ნანახი. ეს ისეთი თემაა, რომელზეც არც კის ვიტყვი და არც არას. პასუხისმგებლობას თავიდან არ ვირიდებ. ძალიან ჩახლართული ამბავია, რომელიც რომ გაირკვეს, გამოძიებამდე და ექსპერტიზამდე უნდა მივიდეს და გამოძიების ნერვები არ მაქვს. ახლა ველოდები, შეიძლება, სხვა ქვეყანაშიც მყავს რამდენიმე შვილი. მერე გავხსნი ბაგა-ბაღს (იცინიან).
- კარგია, რომ ლიდია ამ ხუმრობას ღიმილით ხვდება.
- წარსულ ცხოვრებაზე ჩვენც ბევრი გვილაპარაკია. მგონია, რომ ის, რაც ჩემს ცხოვრებაში ახლა ხდება, ყველაზე მნიშვნელოვანია. მნიშვნელობა არ აქვს, ადრე მე ან ლიდია რას ვაკეთებდით. წარსული ის ეტაპია, რომელმაც ჩაიარა და დღეს ჩემს ცხოვრებაში ლიდიაა, რომელთანაც ვცხოვრობ და რომელთან ერთადაც გეგმები მაქვს.
ლიდია:
- ყველას ჰქონია პირადი ცხოვრება. მთელი ცხოვრება ის რომ არკვიო, რა და როგორ იყო, სისულელეა. გუფის განვლილი ცხოვრებიდან ყველაზე მნიშვნელოვანი ისაა, რომ მას ჰყავს ალექსანდრე. სხვა არავინ და არაფერი არ მაინტერესებს.
მერი კობიაშვილი
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
