6
ივნისიდღის ზოგადი ასტროლოგიური პროგნოზი
აგრარული უნივერსიტეტის მხრიდან მიწოდებული დოკუმენტაციის მიხედვით წესდება გასწორებულია, - ამის შესახებ განათლების მინისტრმა გიორგი მარგველაშვილმა დღეს საღამოს გამართულ საგანგებო ბრიფინგზე განაცხადა.
"მე მინდა მივულოცო ქართველ სტუდენტობას და განსაკუთრებით იმ სოციალურად დაუცველ სტუდენტობას, რომელთა უფლებებიც აქამდე შელახული იყო. ის საბუთები, რომლებიც ახლა შემოვიდა სამინისტროში, ადასტურებს, რომ წესდება გასწორებულია საქართველოს კანონმდებლობის შესაბამისად და ამ სტუდენტების უფლებებს ახლა უკვე კანონის მიხედვით ამ უნივერსიტეტშიც დაიცავს განათლების სამინისტრო და მთავრობა. რაც შეეხება პროცესს, ის ორშაბათიდან განახლდება და წარიმართება ისე, როგორც არის საჭირო და ამას ითვალისწინებს საქართველოს კანონმდებლობა", - აღნიშნა გიორგი მარგველაშვილმა.
აგრარული უნივერსიტეტის რექტორმა ლაშა გოცირიძემ განათლების სამინისტროს კანცელარიაში ავტორიზაციის აღდგენის შესახებ ოფიციალური განაცხადი დღეს შეიტანა. როგორც აგრარული უნივერსიტეტის რექტორმა განაცხადა, არსებობდა კომუნიკაციის პრობლემა და ეს გახდა ერთ-ერთი მიზეზი აგრარული უნივერსიტეტისთვის ავტორიზაციის შეჩერების. მისივე თქმით, მან სამინისტროს დაზუსტებული დოკუმენტაცია წარუდგინა.
