აგრარული უნივერსიტეტის სტუდენტები განათლების მინისტრს პეტიციით მიმართავენ
აგრარული უნივერსიტეტის სტუდენტები განათლების მინისტრ გიორგი მარგველაშვილს პეტიციით მიმართავენ, რომელშიც უმაღლესი სასწავლებლისთვის ავტორიზაციის აღდგენას ითხოვენ.
ასევე, როგორც "ინტერპრესნიუსის" კორესპონდენტი იუწყება, სტუდენტებმა განათლების სამინისტროს კანცელარიაში დოკუმენტაცია ჩააბარეს, რომელიც, მათი თქმით, აბათილებს უნივერსიტეტისთვის ავტორიზაციის შეწყვეტის მიზეზს.
როგორც ჟურნალისტებთან საუბრისას აგრარული უნივერისტეტის სტუდენტმა ილია ბიძინაშვილმა განაცხადა, მინისტრმა გიორგი მარგველაშვილმა აგრარული უნივერისტეტისთვის ავტორიზაციის გაუქმების ერთ-ერთ მოტივად, სწავლის გადაუხდელობის გამო, 609 სტუდენტის გარიცხვა დაასახელა.
"მინისტრმა შეხვედრისას ერთადერთ ხარვეზად აგრარული უნივერისტეტიდან სწავლის საფასურის გადაუხდელობის გამო, 609 სტუდენტის გარიცხვა დაასახელა. ეს სიმართლეს არ შეესაბამება და ჩვენ მოვიტანეთ დოკუმენტაცია ამის დასამტკიცებლად. იმედია, მინისტრი მალე გაეცნობა ჩვენ მიერ წარმოდგენილ დოკუმენტაციას. სანამ ავტორიზაცია არ აღუდგება აგრარულ უნივერისტეტს, მანამდე ჩვენ პერმანენტულ საპროტესტო აქციებს გავმართავთ", - აცხადებს სტუდენტი.
განათლების სამინისტროსთან ამ დროისთვის სტუდენტთა საპროტესტო აქცია იმართება. უზნაძის ქუჩა გადაკეტილია, სამინისტროს პერიმეტრს პოლიცია იცავს.
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
