კობა და­ვი­თაშ­ვი­ლი და სერ­გო რა­ტი­ა­ნი ერ­თმა­ნეთს კი­დევ ერთხელ უპი­რის­პირ­დე­ბი­ან. "ნა­ცი­ო­ნა­ლი" სერ­გო რა­ტი­ა­ნის აზ­რით, დღეს ქვე­ყა­ნა­ში მიმ­დი­ნა­რე მოვ­ლე­ნებს შო­რის ყვე­ლა­ზე მნიშ­ვნე­ლო­ვა­ნი სა­კი­თხი ვე­ნე­ცი­ის კო­მი­სი­ის დას­კვნაა. "ქარ­თუ­ლი ოც­ნე­ბის" წარ­მო­მად­გე­ნე­ლი, კობა და­ვი­თაშ­ვი­ლი კი მი­იჩ­ნევს, რომ ყვე­ლა­ზე მნიშ­ვნე­ლო­ვა­ნი და სწრა­ფად მო­საგ­ვა­რე­ბე­ლი ახლა წამ­ლის ხა­რისხზე კონ­ტრო­ლის და­წე­სე­ბაა.

- რა­ტომ ფიქ­რობთ, რომ თქვენ მიერ და­ყე­ნე­ბუ­ლი სა­კი­თხი დღეს ყვე­ლა­ზე მნიშ­ვნე­ლო­ვა­ნია?

კობა და­ვი­თაშ­ვი­ლი:

- წამ­ლის ხა­რისხზე კონ­ტრო­ლის მოხ­სნის შე­დე­გად ფარ­მა­ცევ­ტუ­ლი ბა­ზა­რი ფალ­სი­ფი­ცი­რე­ბუ­ლი პრო­დუქ­ცი­ი­თა და ე.წ. სი­მი­ლან­ტე­ბით გა­ივ­სო. ფალ­სი­ფი­ცი­რე­ბუ­ლი პრო­დუქ­ცია, კი­დევ ჯან­და­ბას, ეს ჩვე­უ­ლებ­რი­ვი წამ­ლე­ბია, უბ­რა­ლოდ, მო­პა­რუ­ლი სა­სა­ქონ­ლო ნი­შა­ნი აქვთ, მაგ­რამ ე.წ. სი­მი­ლან­ტე­ბი ტექ­ნო­ლო­გი­ე­ბის დარ­ღვე­ვით კეთ­დე­ბა და ადა­მი­ანს წამ­ლავს. ე.ი. მა­ვა­ნი ცდი­ლობს ხალ­ხს მი­ზან­მი­მარ­თუ­ლად შე­ურ­ყი­ოს ჯან­მრთე­ლო­ბა. ეს ბენ­დუ­ქი­ძის მიერ გან­ხორ­ცი­ე­ლე­ბუ­ლი გე­ნო­ცი­დია - სწო­რედ მისი ინი­ცი­ა­ტი­ვით მო­იხ­სნა წამ­ლის კონ­ტრო­ლი. ეს კაცი უტიფ­რად ამ­ბობ­და, წამ­ლის ხა­რისხს ბა­ზა­რი და­ა­რე­გუ­ლი­რებ­სო. თურ­მე კაცი წა­მალს ერთ აფ­თი­აქ­ში რომ იყი­დის და არ მო­ე­წო­ნე­ბა, მე­ო­რე­ში უნდა იყი­დოს. კი, მაგ­რამ ეს კაცი გზა­ში რომ მოკ­ვდეს?! რო­გორც ჩანს, ბენ­დუ­ქი­ძეს ეს ფე­ხებ­ზე ჰკი­დია.

- ახალ­მა ხე­ლი­სუფ­ლე­ბამ თუ და­გეგ­მა რამე, წამ­ლის ხა­რის­ხის გა­სა­უმ­ჯო­ბე­სებ­ლად?

- ჯერ­ჯე­რო­ბით არა, მაგ­რამ ჯან­დაც­ვის სა­მი­ნის­ტროს­გან გა­დამ­ჭრე­ლი ზო­მე­ბის მი­ღე­ბას ველი.

- ჯან­დაც­ვის სა­მი­ნის­ტრომ სო­ცი­ა­ლუ­რად და­უც­ვე­ლებს დახ­მა­რე­ბა რა­ტომ მო­უხ­სნა?

- დახ­მა­რე­ბა მო­ეხ­სნათ მათ, ვი­საც არ ეკუთ­ვნო­დათ. თუ ვინ­მე ფიქ­რობს, რომ მის მი­მართ არას­წო­რი გა­და­წყვე­ტი­ლე­ბა მი­ი­ღეს, გა­ა­სა­ჩივ­როს. პი­რა­დად მე, მზად ვარ, თი­თო­ე­ულ მათ­განს მო­ვუს­მი­ნო და და­ვეხ­მა­რო. სა­ზო­გა­დოდ, ამ საქ­მეს სიფრ­თხი­ლით უნდა მო­ვე­კი­დოთ. სხვა­თა შო­რის, არ მომ­წონს, რომ სო­ცი­ა­ლუ­რი მუ­შა­კე­ბის რან­გში კვლავ "ნა­ცი­ო­ნა­ლე­ბის" აქ­ტი­ვის­ტე­ბი არი­ან. არ გა­მოვ­რი­ცხავ, რომ ისი­ნი შეგ­ნე­ბუ­ლად ამ­ძაფ­რე­ბენ სი­ტუ­ა­ცი­ას და გა­სა­ჭირ­ში მყოფ ადა­მი­ა­ნებს უსა­მარ­თლოდ უხ­სნი­ან დახ­მა­რე­ბას. აქ სა­ბო­ტა­ჟის ნიშ­ნებ­საც ვხე­დავ.

სერ­გო რა­ტი­ა­ნი:

- ვე­ნე­ცი­ის კო­მი­სი­ის დას­კვნა ძა­ლი­ან მნიშ­ვნე­ლო­ვა­ნია, რად­გან ვე­ნე­ცი­ის კო­მი­სია ყუ­რა­დღე­ბას ამახ­ვი­ლებს იმ სა­კი­თხებ­ზე, რომ­ლე­ბიც "ქარ­თულ ოც­ნე­ბა­სა" და "ნა­ცი­ო­ნა­ლურ მოძ­რა­ო­ბას" შო­რის დღემ­დე სა­კა­მა­თოდ რჩე­ბა და ჩვენს ხე­ლი­სუფ­ლე­ბას კონ­კრე­ტულ რე­კო­მენ­და­ცი­ებს აძ­ლევს. კო­მი­სია მმარ­თველ გუნდს ცალ­სა­ხად ეუბ­ნე­ბა, რომ ხე­ლი­სუფ­ლე­ბის ცვლას­თან ერ­თად არ უნდა შე­იც­ვა­ლოს სა­სა­მარ­თლოს უზე­ნა­ე­სი საბ­ჭო. ეს მარ­თლა მნიშ­ვნე­ლო­ვა­ნია იმის­თვის, რომ და­მო­უ­კი­დე­ბელ ინ­სტი­ტუ­ტებს მუ­შა­ო­ბის სა­შუ­ა­ლე­ბა მი­ე­ცეთ.

- ე.ი. კოტე კუბ­ლაშ­ვი­ლი იუს­ტი­ცი­ის საბ­ჭოს არ და­ტო­ვებს...

- არა. იმი­ტომ, რომ დღეს სა­სა­მარ­თლო არის და­მო­უ­კი­დე­ბე­ლი და ხე­ლი­სუფ­ლე­ბა მას ვერ აკონ­ტრო­ლებს. ეს ძალ­ზე დიდი მო­ნა­პო­ვა­რია და ყვე­ლა­ნა­ი­რად უნდა ვე­ცა­დოთ მის შე­ნარ­ჩუ­ნე­ბას. ასე­ვე მნიშ­ვნე­ლო­ვა­ნია დე­მოკ­რა­ტი­ის გან­ვი­თა­რე­ბის­თვის. წი­ნა­აღ­მდეგ შემ­თხვე­ვა­ში, უკან წა­ვალთ.

- თქვე­ნი აზ­რით, უნდა მოხ­დეს თუ არა ქვე­ყა­ნა­ში სა­ჯა­რო მო­ხე­ლე­თა ამ­ნის­ტია?

კობა და­ვი­თაშ­ვი­ლი:

- სა­ჯა­რო მო­ხე­ლე­თა ამ­ნის­ტია უნდა მოხ­დეს მხო­ლოდ იმ შემ­თხვე­ვა­ში, თუ ისი­ნი აღი­ა­რე­ბენ და მო­ი­ნა­ნი­ე­ბენ ჩა­დე­ნილ და­ნა­შა­ულს.

- მათი მხრი­დან ბო­დი­შის მოხ­და რა ფორ­მით წარ­მო­გიდ­გე­ნი­ათ?

- ფი­ნან­სუ­რი ამ­ნის­ტი­ის დროს, უკა­ნო­ნო შე­მო­სავ­ლის მქო­ნე პირს შე­უძ­ლია ყვე­ლა­ფე­რი აღი­ა­როს და ის მი­ი­ღებს ამ­ნის­ტი­ას, ვიდ­რე მისი შე­მო­სავ­ლის ლე­გა­ლი­ზა­ცია მოხ­დე­ბა. ეს და­ნერ­გი­ლი პრაქ­ტი­კაა და ამ შემ­თხვე­ვა­შიც შეგ­ვიძ­ლია გა­მო­ვი­ყე­ნოთ. დავთქვათ გარ­კვე­უ­ლი დრო და ადა­მი­ა­ნებს მივ­ცეთ სა­შუ­ა­ლე­ბა, იმ დროს გა­ნა­ცხა­დონ ჩა­დე­ნი­ლი და­ნა­შა­უ­ლის შე­სა­ხებ; ამის შემ­დეგ ვა­პა­ტი­ოთ, მაგ­რამ რამ­დე­ნი­მე წლის გან­მავ­ლო­ბა­ში ავუკ­რძა­ლოთ სა­ხელ­მწი­ფო სამ­სა­ხურ­ში ყოფ­ნა.

სერ­გო რა­ტი­ა­ნი:

- ამ­ნის­ტია ჩემ­თვის კა­ტე­გო­რი­უ­ლად მი­უ­ღე­ბე­ლია. ამ­ნის­ტია - ეს არის "ქარ­თუ­ლი ოც­ნე­ბის" მიერ მო­გო­ნი­ლი, სრუ­ლი­ად აბ­სურ­დუ­ლი ტერ­მი­ნი. ამ­ნის­ტია არ სჭირ­დე­ბათ იმ ადა­მი­ა­ნებს, რომ­ლე­ბიც ქვე­ყა­ნას აშე­ნებ­დნენ, მით უფრო - პოსტსაბ­ჭო­თა პო­ლი­ტი­კუ­რი ელი­ტის­გან. მათ­გან ჩვენ ამ­ნის­ტი­ას კი არა, პო­ლი­ტი­კუ­რი დევ­ნის შე­ჩე­რე­ბას მო­ვი­თხოვთ. ამ­ნის­ტია "ქარ­თუ­ლი ოც­ნე­ბის" ინ­ტე­რე­სებ­ში უფრო შე­დის - მათ ახ­ლა­ვე უნ­დათ, რომ მო­მა­ვალ­ში ჩა­სა­დე­ნი და­ნა­შა­უ­ლე­ბი გა­მო­ის­ყი­დონ.

- რო­გორ გგო­ნი­ათ, ქვე­ყა­ნა­ში სა­მარ­თლი­ა­ნო­ბის აღ­დგე­ნის პრო­ცე­სი და­ი­წყო?

კობა და­ვი­თაშ­ვი­ლი:

- მე ამის გან­ცდა არ მაქვს. ყვე­ლა­ფე­რი ერთ ად­გილ­ზე იტ­კეპ­ნე­ბა. სა­მარ­თლი­ა­ნო­ბის აღ­დგე­ნის პრო­ცე­სი არ და­ი­წყე­ბა მა­ნამ, სა­ნამ სა­სა­მარ­თლო რე­ფორ­მა არ გა­ტარ­დე­ბა და სა­სა­მარ­თლოს სა­ა­კაშ­ვი­ლის "ჯი­ბის მო­სა­მარ­თლე­ე­ბი" და­ტო­ვე­ბენ. წე­სით, ჩვენ ქვეყ­ნის მარ­თვა სა­სა­მარ­თლო რე­ფორ­მით უნდა დაგ­ვე­წყო. ვე­ნე­ცი­ის კო­მი­სი­ას არ უნდა დავ­ლო­დე­ბო­დით და თა­ვის დრო­ზე უნდა მიგ­ვე­ღო სა­ერ­თო სა­სა­მარ­თლო­ე­ბის კა­ნო­ნი. ბო­ლომ­დე უნდა "მივ­წო­ლო­დით" და გაგ­ვე­ტა­ნა პრო­ექ­ტი, რომ­ლის მი­ხედ­ვით, თა­ნამ­დე­ბო­ბის პი­რე­ბის­თვის ნა­ფი­ცი მსა­ჯუ­ლო­ბა უფ­ლე­ბა კი არ არის, არა­მედ - ვალ­დე­ბუ­ლე­ბაა. დამ­ნა­შა­ვე ჩი­ნოვ­ნი­კებს ხალ­ხი უნდა ასა­მარ­თლებ­დეს და არა - მა­თი­ვე თა­ნამ­ზრახ­ვე­ლე­ბი.

სერ­გო რა­ტი­ა­ნი:

- სა­მარ­თლი­ა­ნო­ბის აღ­დგე­ნა არ ნიშ­ნავს დევ­ნას. დღეს ხშირ შემ­თხვე­ვა­ში ად­გი­ლი აქვს პო­ლი­ტი­კურ დევ­ნას, შერ­ჩე­ვით სა­მარ­თალს. ჩვენ არას­დროს გვით­ქვამს, რომ ქვე­ყა­ნა­ში პრობ­ლე­მე­ბი არ იყო და გა­მო­ძი­ე­ბა არ უნდა ჩა­ტარ­დეს. პრობ­ლე­მე­ბი ნამ­დვი­ლად იყო და გა­მო­ძი­ე­ბა­მაც უნდა შე­ას­რუ­ლოს თა­ვი­სი ფუნ­ქცია, მაგ­რამ მნიშ­ვნე­ლო­ვა­ნია, რომ ცი­ვი­ლი­ზე­ბულ სა­ხელ­მწი­ფო­ში გა­მო­ძი­ე­ბა პო­ლი­ტი­კურ პრო­ცე­სებს ხელს არ უშ­ლი­დეს და პრო­კუ­რა­ტუ­რა პო­ლი­ტი­კურ ია­რა­ღად არ იყოს გა­მო­ყე­ნე­ბუ­ლი.

- პრო­კუ­რა­ტუ­რის მუ­შა­ო­ბას რო­გორ აფა­სებთ?

კობა და­ვი­თაშ­ვი­ლი:

- პრო­კუ­რა­ტუ­რის მუ­შა­ო­ბით ბო­ლომ­დე კმა­ყო­ფი­ლი არ ვარ, მაგ­რამ ვფიქ­რობ, რომ ეს მარ­ტო ამ უწყე­ბის ბრა­ლი არ არის. რა უნდა ქნას პრო­კუ­რა­ტუ­რამ, რო­დე­საც სა­სა­მარ­თლო­ში სა­ა­კაშ­ვი­ლის "ჯი­ბის მო­სა­მარ­თლე­ე­ბი" სხე­დან და თა­ვი­ანთ "პა­ძელ­ნი­კებს" უპ­რობ­ლე­მოდ უშ­ვე­ბენ გა­რეთ?! ჩემი აზ­რით, კრი­მი­ნა­ლი მო­სა­მარ­თლე­ე­ბის მი­მართ ლო­ი­ა­ლო­ბის გა­მო­ჩე­ნა არ შე­იძ­ლე­ბა. ამ ადა­მი­ა­ნებ­მა პა­სუ­ხი უნდა აგონ ისე, რო­გორც რე­ჟი­მის თა­ნა­მო­ნა­წი­ლე­ებ­მა. ისი­ნი წლე­ბის გან­მავ­ლო­ბა­ში სა­კუ­თა­რი მო­ქა­ლა­ქე­ე­ბის წი­ნა­აღ­მდეგ რე­ჟი­მის სა­დამ­სჯე­ლო პო­ლი­ტი­კას ატა­რებ­დნენ.

სერ­გო რა­ტი­ა­ნი:

- ჩემი აზ­რით, დღეს პრო­კუ­რა­ტუ­რა პო­ლი­ტი­კურ ია­რა­ღად გა­მო­ი­ყე­ნე­ბა...

- მა­შინ, რა­ტომ ვერ მო­ა­ხერ­ხა პრო­კუ­რა­ტუ­რამ გიგი უგუ­ლა­ვას­თვის რო­მე­ლი­მე აღ­მკვე­თი ღო­ნის­ძი­ე­ბის შე­ფარ­დე­ბა?

- სწო­რედ იმი­ტომ, რომ დღეს ხე­ლი­სუფ­ლე­ბას სა­სა­მარ­თლო­ზე გავ­ლე­ნა არა აქვს. ეს ძა­ლი­ან მნიშ­ვნე­ლო­ვა­ნია. პრო­კუ­რა­ტუ­რამ გიგი უგუ­ლა­ვას და­კა­ვე­ბა უმი­ზე­ზოდ მო­ი­თხო­ვა. ამის აუ­ცი­ლებ­ლო­ბა სა­ერ­თოდ არ არ­სე­ბობ­და. კი, ბა­ტო­ნო, იმუ­შა­ოს და გა­მო­ი­ძი­ოს პრო­კუ­რა­ტუ­რამ, რამ­დე­ნიც უნდა, ამას არა­ვინ უშ­ლის. უგუ­ლა­ვას და­კა­ვე­ბა ამის­თვის სა­ჭი­რო არ იყო. ამ ადა­მი­ანს ბრა­ლი დამ­ტკი­ცე­ბუ­ლი არ ჰქონ­და და რა­ტომ უნდა და­ე­კა­ვე­ბი­ნათ?

- შე­ე­სა­ბა­მე­ბა თუ არა, თეა წუ­ლუ­კი­ა­ნის დიპ­ლო­მი მის თა­ნამ­დე­ბო­ბას?

კობა და­ვი­თაშ­ვი­ლი:

- კი, აბ­სო­ლუ­ტუ­რად. "ნა­ცი­ო­ნა­ლებ­მაც" იცი­ან წუ­ლუ­კი­ა­ნის დიპ­ლო­მე­ბის ფასი, მაგ­რამ მა­ინც "ფა­ფხუ­რო­ბენ" რა­ღა­ცას. მე თუ მკი­თხვათ, მას შემ­დეგ, რაც წუ­ლუ­კი­ან­მა თა­ვი­სი დიპ­ლო­მე­ბი სა­ზო­გა­დო­ებ­რი­ვი მა­უ­წყებ­ლის პირ­და­პირ ეთერ­ში წარ­მო­ად­გი­ნა, "ნა­ცი­ო­ნა­ლე­ბი" ძა­ლი­ან შერ­ცხვნენ.

სერ­გო რა­ტი­ა­ნი:

- არა­ვინ უარ­ყოფს, რომ თეა წუ­ლუ­კი­ანს კარ­გი გა­ნათ­ლე­ბა აქვს მი­ღე­ბუ­ლი, მაგ­რამ მისი დიპ­ლო­მი შე­უ­სა­ბა­მოა მის თა­ნამ­დე­ბო­ბას­თან. ის დიპ­ლო­მე­ბი, რაც პირ­და­პი­რი ეთე­რით გვაჩ­ვე­ნა, მა­ღა­ლი დო­ნის ნამ­დვი­ლად არის, მაგ­რამ კა­ნო­ნით დად­გე­ნი­ლი წე­სით, ამ დიპ­ლო­მე­ბის მფლო­ბელს ბრა­ლის წარ­დგე­ნის უფ­ლე­ბა არა აქვს.

- ნო­ემ­ბრის შემ­დეგ, "ქარ­თულ ოც­ნე­ბა­სა" და "ნა­ცი­ო­ნა­ლებს" შო­რის გა­რი­გე­ბის მცდე­ლო­ბა თუ ყო­ფი­ლა?

კობა და­ვი­თაშ­ვი­ლი:

- თუ გახ­სოვთ, ერთხელ ვთქვი, რომ თუ "ქარ­თულ ოც­ნე­ბა­სა" და "ნა­ცი­ო­ნა­ლებს" შო­რის გა­რი­გე­ბა შედ­გე­ბო­და, ხალ­ხს ყვე­ლა­ფერს ვე­ტყო­დი. ვნა­ხეთ, რომ გა­რი­გე­ბა არ შედ­გა და კმა­ყო­ფი­ლი ვარ.

- ე.ი. მცდე­ლო­ბა იყო...

- არ ვიცი, მე მერე პოს­ტფაქ­ტუმ მო­ვის­მი­ნე, თუ რა მო­ლა­პა­რა­კე­ბა მიმ­დი­ნა­რე­ობ­და იმის­თვის, რომ ყვე­ლას­თვის ყვე­ლა­ფე­რი გვე­პა­ტი­ე­ბი­ნა. ძა­ლი­ან მი­ხა­რია, რომ "ნა­ცი­ო­ნა­ლებ­მა" ამა­ზე თა­ვად თქვეს უარი. უფრო მეტი მო­ინ­დო­მეს და რა­საც სთა­ვა­ზობ­დნენ, ისიც ვე­ღარ მი­ი­ღეს.

- ბა­ტო­ნო კობა, ძა­ლი­ან გაბ­რა­ზე­ბუ­ლი ჩან­ხართ...

- რა­ტომ არ უნდა ვიყო გაბ­რა­ზე­ბუ­ლი? ავ­ტო­რი­ტა­რუ­ლი რე­ჟი­მის წარ­მო­მად­გენ­ლე­ბი, რომ­ლე­ბიც სა­კუ­თა­რი მო­ქა­ლა­ქე­ე­ბის სი­ცო­ცხლის უფ­ლე­ბებს ფეხ­ქვეშ თე­ლავ­დნენ, დღე­საც თა­ვი­ანთ პოს­ტებ­ზე სხე­დან და მო­რალს გვი­კი­თხა­ვენ.

სერ­გო რა­ტი­ა­ნი:

- გა­რი­გე­ბის შე­სა­ხებ ვე­რა­ფერს გე­ტყვით; მე ის ვიცი, რომ ჩვენ არა­ნა­ირ გა­რი­გე­ბა­ზე არ ვართ წამ­სვლე­ლე­ბი.

- მა­პა­ტი­ეთ, მაგ­რამ თქვენ შო­რის, პირ­და­პირ ეთერ­ში მომ­ხდა­რი ინ­ცი­დენ­ტი უნდა შე­გახ­სე­ნოთ.

კობა და­ვი­თაშ­ვი­ლი:

- რა­ტომ ითხოვთ პა­ტი­ე­ბას? მე ეს ამ­ბა­ვი ძა­ლი­ან სა­სი­ა­მოვ­ნოდ მახ­სენ­დე­ბა.

- რა­ტომ?

- იმი­ტომ, რომ მი­მაჩ­ნია, გა­ვა­კე­თე ის, რა­საც ვფიქ­რობ­დი და რისი გა­კე­თე­ბაც მინ­დო­და. იმ კა­ტე­გო­რი­ას არ მი­ვე­კუთ­ვნე­ბი, პო­ლი­ტი­კურ ბრძო­ლა­ში "ნა­ცი­ო­ნა­ლე­ბის" ჩაშ­ვე­ბის ინ­სტი­ტუტს რომ იყე­ნებს. სერ­გო რა­ტი­ანს პირ­ველ­მა და­ვარ­ტყი და პირ­ველ­მა შე­ვა­გი­ნე. იმა­საც გე­ტყვით, რომ მა­შინ ჩემ წინ სა­ა­კაშ­ვი­ლი რომ მჯდა­რი­ყო, კი­დევ უფრო აქ­ტი­უ­რი ვიქ­ნე­ბო­დი.

- მა­ინც რას იზამ­დით, სცემ­დით?

- შე­საძ­ლოა, არც მა­გას დავ­ჯე­რე­ბუ­ლი­ყა­ვი.

- ამ ინ­ცი­დენ­ტის გამო უსუ­ფაშ­ვილ­მა და ხი­და­შელ­მა რომ გა­გაკ­რი­ტი­კეს, არ გე­წყი­ნათ?

- წყე­ნა რა სა­ლა­პა­რა­კოა?! მე ვთქვი, რომ თუ მათ­თვის სერ­გო რა­ტი­ა­ნი­სა და კობა და­ვი­თაშ­ვი­ლის გან­ვლი­ლი გზა ერ­თია, მა­შინ ჩვენ ერ­თად არა­ფე­რი გვე­საქ­მე­ბა-მეთ­ქი. მათ არ­ჩე­ვა­ნი გა­ა­კე­თეს.

სერ­გო რა­ტი­ა­ნი:

- მე ამ თე­მას­თან და­კავ­ში­რე­ბით ერთხელ უკვე გა­ვა­კე­თე გან­ცხა­დე­ბა და ამით ამოვ­წუ­რე სა­უ­ბა­რი.

- "ნა­ცი­ო­ნა­ლებ­მა" სა­ერ­თა­შო­რი­სო ორ­გა­ნი­ზა­ცი­ე­ბიც კი ჩა­ა­ყე­ნეს საქ­მის კურ­სში იმის გამო, რომ თქვენ და ჩი­ო­რა თაქთა­ქიშ­ვილს ფი­ზი­კუ­რი შე­უ­რა­ცხყო­ფა მო­გა­ყე­ნეს, რა­ტომ არა­ვინ გა­აპ­რო­ტეს­ტა თა­ვის დრო­ზე კობა და­ვი­თაშ­ვი­ლის ცე­მის ფაქ­ტი?

- მე ვფიქ­რობ, რომ კობა და­ვი­თაშ­ვი­ლის ცე­მის ფაქ­ტიც უნდა გა­მო­ი­ძი­ონ. მათ ხელ­შია პრო­კუ­რა­ტუ­რა და არა­ვინ უშ­ლით ხელს.

- და­ბო­ლოს, რას უნდა ვე­ლო­დოთ 19 აპ­რილს?

კობა და­ვი­თაშ­ვი­ლი:

- "ნა­ცი­ო­ნა­ლე­ბი" ქუ­ჩა­ში გა­მო­იყ­ვა­ნენ იმ ადა­მი­ა­ნებს, რომ­ლე­ბიც სა­ხელ­მწი­ფო სამ­სა­ხურ­ში ჰყავ­დათ და­საქ­მე­ბულ­ნი და მათ­თან ერ­თად სჩა­დი­ოდ­ნენ და­ნა­შა­ულს. კარ­გია, შე­იკ­რი­ბონ, რაც მეტი ეჭ­ვმი­ტა­ნი­ლი შე­იკ­რი­ბე­ბა ერ­თად, აღ­რი­ცხვა გაგ­ვი­ად­ვილ­დე­ბა.

სერ­გო რა­ტი­ა­ნი:

- 19 აპ­რილს ჩა­ვა­ტა­რებთ ჩვე­უ­ლებ­რივ საპ­რო­ტეს­ტო აქ­ცი­ას. გან­სა­კუთ­რე­ბულს არა­ფერს ვგეგ­მავთ. აქ­ცი­ა­ზე მხო­ლოდ "ნა­ცი­ო­ნა­ლე­ბის" აქ­ტი­ვის­ტე­ბი კი არა, ყვე­ლა ის ადა­მი­ა­ნი მოვა, ვის­თვი­საც სამ­შობ­ლო და დე­მოკ­რა­ტი­უ­ლი ღი­რე­ბუ­ლე­ბე­ბი მნიშ­ვნე­ლო­ვა­ნია.

ხა­თუ­ნა ბახ­ტუ­რი­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)