გორში ჯარიმა-საურავებიდან თანხის ამოღება შემცირებულია. სტატისტიკა 2012 წლის შედეგებს ეხება. გორის მუნიციპალიტეტის ბიუჯეტის შესრულების ანგარიში ადგილობრივი თვითმმართველობის შესახებ კანონის მიხედვით, ყოველი მომდევნო წლის მარტის თვეში ქვეყნდება.
"ჯარიმები, სანქცია-საურავებიდან შემოსულია 683 300 ლარი, ნაცვლად გეგმით გათვალისწინებული 929 000 ლარისა, შესრულებამ შეადგინა 73,6%. შესრულებას დააკლდა 245 700 ლარი" - აღნიშნავს გორის მუნიციპალიტეტის საკრებულოს საფინანსო-საბიუჯეტო კომისიის ხელმძღვანელი მევლუდ კაპანაძე.
