მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ალექსანდრე ბარამიძე - "ვენეციის კომისიის პროექტი მთლიანობაში დადებითად ასახავს იუსტიციის სამინისტროს მიერ მომზადებული პროექტის ძირითად პრინციპებს"
09:30 / 08-03-2013
დასკვნის ავტორები შესაძლებლად მიიჩნევენ გარდამავალ ეტაპზე იუსტიციის უმაღლესი საბჭოს ახალი წევრების არჩევას მათ ადგილზე, ვინც არა მოსამართლეთა კონფერენციის, არამედ ადმინისტრაციული კომიტეტის მეშვეობით აირჩიეს , - ამის შესახებ საქართველოს იუსტიციის მინისტრის მოადგილემ, ალექსანდრე ბარამიძემ განაცხადა.
მისივე თქმით, ვენეციის კომისიის დასკვნის პროექტი მთლიანობაში ძალიან დადებითად ასახავს იუსტიციის სამინისტროს მიერ მომზადებული კანონპროექტის ძირითად პრინციპებს. ბარამიძე, რომელიც ვენეციაში იმყოფება, იმედოვნებს, რომ დასკვნის პროექტი არსებული სახით დამტკიცდება.
"დასკვნაში დადებითად არის შეფასებული დებულება, რომ პრეზიდენტს, როგორც აღმასრულებელი ხელისუფლების წარმომადგენელს, არ ჰქონდეს უფლება, დანიშნოს წარმომადგენელი იუსტიციის უმაღლეს საბჭოში; ასევე დადებითად არის შეფასებული წინადადება, რომ პარლამენტმა არამოსამართლე წევრები თავისი შემადგენლობიდან კი არ აირჩიოს, არამედ სამოქალაქო საზოგადოების წარმომადგენლებისაგან; რომ მოსამართლე წევრები აირჩიონ ფარული კენჭისყრით და მხოლოდ მოსამართლეთა კონფერენციის მიერ და არა კონფერენციის ადმინისტრაციული კომიტეტის მიერ, როგორც ამას მოქმედი კანონმდებლობა ითვალისწინებს. მთლიანობაში ასევე მხარდაჭერილია სასამართლო დარბაზებში ტელეკამერების შეტანის შესაძლებლობაც, თუმცა დასკვნის ავტორებს გარკვეული, ტექნიკური ხასიათის შენიშვნები აქვთ რამდენიმე წესის მიმართ", - განაცხადა ბარამიძემ.
მისივე თქმით, დასკვნის ავტორები შესაძლებლად მიიჩნევენ გარდამავალ ეტაპზე იუსტიციის უმაღლესი საბჭოს ახალი წევრების არჩევას მათ ადგილზე, ვინც არა მოსამართლეთა კონფერენციის, არამედ ადმინისტრაციული კომიტეტის მეშვეობით აირჩიეს.
"ეს ძალზე მნიშვნელოვანია ეფექტური სასამართლო რეფორმის განხორციელებისთვის, რასაც ქართული საზოგადოება ასე მოელის", - აღნიშნა ბარამიძემ.
ვენეციის კომისიაში დღეს "საერთო სასამართლოების შესახებ" კანონპროექტზე იმსელეს. ვენეციაში საქართველოდან იმყოფებიან უზენაესი სასამართლოს თავმჯდომარე კოტე კუბლაშვილი, იუსტიციის მინისტრის მოადგილე ალექსანდრე ბარამიძე, დეპუტატები თინა ხიდაშელი და აკაკი მინაშვილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
