თემურ ციმციშვილს 10 000 ლარიანი გირაო ქუთაისის სიყვარულისთვის შეუფარდეს?!
ქუთაისის საქალაქო სასამართლომ პროკურატურის შუამდგომლობა დააკმაყოფილა და ქუთაისის მერიის კულტურის, სპორტისა და ახალგაზრდულ საქმეთა სამსახურის უფროსს თეიმურაზ ცამციშვილს გირაო 10 000 ლარი შეუფარდა. ცამციშვილს პროკურატურა 182-ე მუხლით გათვალისწინებული დანაშაულის ჩადენას ედავება, რაც საბიუჯეტო თანხის გაფლაგვას გულისხმობს. მერიის კულტურის სამსახურს ჰქონდა გაფორმებული ხელშეკრულება, რომლის მიხედვითაც კომპანია მერიის სამსახურს მიკროავტობუსებით ემსახურებოდა, თუმცა პროკურატურის ინფორმაციით, მერია აღნიშნულ შპს-ებს იმაზე მეტ თანხას უხდიდა, ვიდრე მას მანძილი ჰქონდა გავლილი. თავად ბრალდებული დანაშაულს არ აღიარებს და განაჩენის გასაჩივრებას აპირებს.
სასამართლო პროცესამდე, ქუთაისის ცენტრალურ მოედანზე თემურ ციმციშვილის მხარდასაჭერი აქცია, სახელწოდებით "ბრალდებულია ქუთაისის სიყვარულისთვის" იმ ახალგაზრდებმა გამართეს, რომლებიც მერიის კულტურის სამსახურის მიერ განხორციელებულ სხვადასხვა პროექტში იყვნენ ჩართულნი.
სრული ვერსია
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
