ლაგოდეხში ტურიზმის განვითარებისთვის სპეციალურ სამსახურს ქმნიან

ლაგოდეხში, ტურიზმის განვითარების ხელშეწყობისა და საერთაშორისო ორგანიზაციებთან ურთიერთობის ცენტრი იქმნება, სადაც 8 სპეციალისტი დასაქმდება. ახალი არასამეწარმეო იურიდიული პირის სამსახურის დაფუძნება და წესდების დამტკიცება საკრებულოს სხდომაზე მოხდა. ლაგოდეხის მუნიციპალიტეტის გამგებლის, ვალერი ალიბეგაშვილის თქმით, ცენტრი ეფექტური პროექტების მეშვეობით ფონდებიდან ინვესტიციებს მოიზიდავს და მუნიციპალიტეტში ტურიზმის განვითარებას მოემსახურება. ლაგოდეხის  საკრებულოს თავმჯდომარის  დავით ბაკაშვილის განცხადებით, ცენტრის საქმიანობას ხელს არ შეუშლის დაცული ტერიტორიების სააგენტოს ადგილობრივი სამსახური, რომელიც თითქმის მსგავს საქმიანობას ასრულებს.

სრული ვერსია

რადიო "ჰერეთი"