31
მაისიდღის ზოგადი ასტროლოგიური პროგნოზი
ახალქალაქის გამგებელი ნაირი ირიციანი "ქართულ ოცნებაში" გადასვლის სურვილსა და "ნაციონალური მოძრაობის" დატოვებას გაზეთ "სამხრეთის კარიბჭისთვის" მიცემულ ინტერვიუში სხვადასხვა მიზეზით ხსნის.
რამდენად გულწრფელია რესპოდენტი, შეგიძლიათ მისი ინტერვიუდან შეიტყოთ.
გთავაზობთ მოკლე ამონარიდს პუბლიკაციიდან:
- ვისი ინიციატივაა "ქართული ოცნების" რიგებში თქვენი შესვლა?
- ჩემი ინიციატივაა. მინდა 2014 წლის ადგილობრივ არჩევნებში მონაწილეობა მივიღო და პარტიულობა მქონდეს. თუ პარტიულობა არ მექნება, ჩემი აზრით, ვერც ადგილობრივ არჩევნებში მონაწილეობას შევძლებ.
- რატომ "ქართული ოცნება"?
- რატომ ავირჩიე? როგორც ჩანს, ძლიერი პარტიაა და ბოლო ნაბიჯი, რასაკვირველია, არა უკანასკნელი, რაც მათ გადადგეს, როცა ამდენი უდანაშაულო ადამიანი ციხეებში იჯდა და გაათავისუფლეს, ძალიან მომეწონა. ამიტომაც ჯერჯერობით "ოცნების" იდეები ძალიან მომწონს.
- თქვენ აღიარებთ რომ "ნაციონალებმა" ბევრი უდანაშაულო ადამიანი ჩასვეს ციხეში?
- არ იფიქროთ, რომ თუ მე "ნაციონალების" წევრი ან ლიდერი ვიყავი, ჩემზე მათი მხრიდან ზეწოლა არ ხორციელდებოდა. თუ ჩვეულებრივ ადამიანზე ზეწოლა 5% იყო, ჩემზე 200% იყო.
- რა სახის ზეწოლა ხორციელდებოდა თქვენზე?
- მოდით, წარსულზე ნუ ვილაპარაკებთ, რაც იყო, იყო. მოვითმინე, ეს ყველაფერი გადავიტანე. იყო რეპრესიები? ერთმნიშვნელოვნად იყო. იყო ეს სამუშაო ადგილზე თუ ეკლესიების მშენებლობაში, თუ სხვა სფეროში, სხვადასხვა სახის. ეს უკვე წარსულია.
- თუ "ქართული ოცნების" წევრობას აპირებდით, როგორ გავიგოთ 15 თებერვალს, "ოცნების" საპასუხო მიტინგში თქვენი მონაწილეობა?
- მე თავს ვიცავდი. "ოცნების" წინააღმდეგი არ ვარ. "ქართულმა ოცნებამ" მოგვცა ვადა, რომ 6 დღეში უნდა წავიდეთ. ასეთი რამ კანონში არ არის. არსებობს კანონი ადგილობრივი არჩევნების შესახებ, 2014 წელს მოსახლეობა - თქვენ ვისაც გინდათ, აირჩევთ. მე ამირჩევთ, ნორიკს თუ თქვენი კანდიდატურა გეყოლებათ. ამისთვის კანონი არსებობს.
ინტერვიუ სრულად იხილეთ ბმულზე
