ბრიტანეთში "ბეტმენმა" ეჭვმიტანილი პოლიციას ჩააბარა

რამდენიმე დღის წინ ბრიტანეთში უცნაური შემთხვევა მოხდა. სუპერგმირ "ბეტმენის" კოსტუმში გამოწყობილმა მამაკაცმა ეჭვმიტანილი დააკავა, პოლიციის განყოფილებაში მიიყვანა და შემდეგ მიიმალა.

შემთხვევა დასავლეთ იორკშირის საგრაფოში, ქალაქ ბრედფორდში მოხდა. "ბეტმენმა" ეჭვმიტანილი პოლიციაში მიიყვანა და ისე, რომ არც ნიღაბი მოუხსნია და არც ვინაობა გაუმხელია, უგზო-უკვლოდ დაიკარგა.

სამართალდამცავებმა უკვე დაადასტურეს მედიით გავრცელებული უცნაური შემთხვევა.

მამაკაცი, რომელიც პოლიციას "ბეტმენმა" მიჰგვარა, ქურდობასა და თაღლითობაშია ეჭვმიტანილი.

მომზადებულია interfax-ის მიხედვით.

იხილეთ ვიდეო