"მე არ ვარ პო­ლი­ტი­კო­სი, მე ვარ აღ­მას­რუ­ლე­ბე­ლი ხე­ლი­სუფ­ლე­ბის წარ­მო­მად­გე­ნე­ლი, ყო­ველ­გვა­რი პო­ლი­ტი­კუ­რი სა­ფუძ­ვლე­ბის გა­რე­შე" - ამ­ბობს რე­გი­ო­ნუ­ლი გან­ვი­თა­რე­ბი­სა და ინფრას­ტრუქ­ტუ­რის მი­ნის­ტრი, და­ვით ნარ­მა­ნია. 35 წლის მი­ნისტრს მი­აჩ­ნია, რომ მის­თვის ყვე­ლა­ზე მნიშ­ვნე­ლო­ვა­ნი - ოჯა­ხი და სამ­სა­ხუ­რია. ჰყავს მე­უღ­ლე და ერთი ვა­ჟიშ­ვი­ლი. ძა­ლი­ან უყ­ვარს ნა­დი­რო­ბა, მა­თე­მა­ტი­კა და ავ­ტო­მო­ბი­ლით სწრა­ფად სი­ა­რუ­ლი; ნუ­მიზ­მა­ტია, თუმ­ცა არც ისე დიდი კო­ლექ­ცია აქვს. ჩაც­მა­სა და აქ­სე­სუ­ა­რებს დიდ მნიშ­ვნე­ლო­ბას არ ანი­ჭებს, სიჩ­ქა­რი­სა და უყუ­რა­დღე­ბო­ბის გამო ხში­რად დიდი ან პა­ტა­რა ზო­მის ტან­საც­მელ­საც კი ყი­დუ­ლობს... ამ­ბობს, რომ მისი წარ­მა­ტე­ბუ­ლი კა­რი­ე­რა მეტ­წი­ლად ოჯახ­ში დამ­კვიდ­რე­ბულ­მა ტრა­დი­ცი­ამ გა­ნა­პი­რო­ბა, რის­თვი­საც მშობ­ლე­ბის მად­ლი­ე­რია.

- ბა­ტო­ნო და­ვით, რო­გო­რი იყო თქვენს ოჯახ­ში დამ­კვიდ­რე­ბუ­ლი ტრა­დი­ცია?

- ტრა­დი­ცი­ის მი­ხედ­ვით, ჩვენს ოჯახ­ში გა­ნათ­ლე­ბას ბავ­შვო­ბი­დან­ვე იღებ­დნენ. ეს ტრა­დი­ცია რა თქმა უნდა, ჩემ­ზეც გავ­რცელ­და. ასა­კის შე­სა­ბა­მი­სად ვმო­ნა­წი­ლე­ობ­დი სხვა­დას­ხვაგ­ვარ ინ­ტე­ლექ­ტუ­ა­ლურ და სპორ­ტულ შე­ჯიბ­რე­ბა­ში.

- თქვენ რა გა­ინ­ტე­რე­სებ­დათ ყვე­ლა­ზე მე­ტად?

- სა­თა­მა­შო ავ­ტო­მან­ქა­ნე­ბი. ასე­ვე ძა­ლი­ან მიყ­ვარ­და მა­თე­მა­ტი­კა, ამო­ცა­ნე­ბის ამოხ­სნა, რთუ­ლად დას­მულ სა­კი­თხებ­ზე ფიქ­რი. როცა წა­მო­ვი­ზარ­დე, ნამ­დვი­ლი ავ­ტო­მო­ბი­ლე­ბი და ნა­დი­რო­ბა შე­მიყ­ვარ­და.

- დღემ­დე ნა­დი­რობთ?

- სამ­წუ­ხა­როდ, ახლა ვე­ღარ ვა­ხერ­ხებ.

- პრო­ფე­სი­უ­ლი გა­ნათ­ლე­ბა რაში მი­ი­ღეთ?

- სა­ხელ­მწი­ფო უნი­ვერ­სი­ტეტ­ში მიკ­რო­ე­კო­ნო­მი­კი­სა და მე­ნე­ჯმენ­ტის ფა­კულ­ტე­ტი და­ვამ­თავ­რე. ჯერ იყო ბა­კა­ლავ­რი­ა­ტი, მერე - მა­გის­ტრა­ტუ­რა, ას­პი­რან­ტუ­რა, ბო­ლოს დი­სერ­ტა­ცია და­ვი­ცა­ვი და გერ­მა­ნი­ა­ში სა­მეც­ნი­ე­რო სტა­ჟი­რე­ბის პროგ­რა­მით წა­ვე­დი.

- რო­დის და­ო­ჯახ­დით?

- საკ­მა­ოდ გვი­ან, 30 წლის დავ­ქორ­წინ­დი თი­ნა­თინ თი­ნი­კაშ­ვილ­ზე, გვყავს ერთი შვი­ლი, მალე მე­ო­რე­საც ვე­ლო­დე­ბით.

- თი­ნა­თი­ნი რო­გორ გა­ი­ცა­ნით?

- ჩემი სტუ­დენ­ტი იყო. ერ­თმა­ნეთს წე­ლი­წად-ნა­ხე­ვა­რი ვხვდე­ბო­დით, მერე კი დავ­ქორ­წინ­დით.

- თი­ნა­თი­ნის გუ­ლის მო­სა­გე­ბად რა გა­ა­კე­თეთ?

- გან­სა­კუთ­რე­ბუ­ლი არა­ფე­რი გა­მი­კე­თე­ბია. ხან ყა­ვა­ზე ვე­პა­ტი­ჟე­ბო­დი, ხან ვსე­ირ­ნობ­დით, ორი­ვე ვხვდე­ბო­დით, რა­ტო­მაც ხდე­ბო­და ასე. გან­სა­კუთ­რე­ბუ­ლი ფიცი-მტკი­ცი არ დაგ­ვჭირ­ვე­ბია.

- შვი­ლის აღ­ზრდა­ში მო­ნა­წი­ლე­ობთ? გრჩე­ბათ სა­ა­მი­სოდ დრო?

- ბოლო ოთხი თვეა, ვერ ვა­ხერ­ხებ. გერ­მა­ნი­ა­ში, სამი თვე ოჯახ­თან ერ­თად ვი­ყა­ვი. მა­შინ მათ­თვის უფრო მეტი დრო მქონ­და.

- სა­ხელ­მწი­ფო უწყე­ბა­ში პირ­ვე­ლად მუ­შა­ობთ?

- არა, უნი­ვერ­სი­ტე­ტი რომ და­ვამ­თავ­რე, ლექ­ცი­ე­ბის კი­თხვის პა­რა­ლე­ლუ­რად, შე­მო­სავ­ლე­ბი­სა და ფი­ნანსთა სა­მი­ნის­ტრო­შიც და­ვი­წყე მუ­შა­ო­ბა. რი­გი­თი თა­ნამ­შრომ­ლო­ბით და­ვი­წყე და ბო­ლოს მი­ნის­ტრის თა­ნა­შემ­წე გავ­ხდი. სა­ჯა­რო უწყე­ბი­დან "ვარ­დე­ბის რე­ვო­ლუ­ცი­ამ­დე" წა­მო­ვე­დი და კვლე­ვით სექ­ტორ­ში გა­და­ვე­დი.

- ერთხანს ექ­სპერ­ტიც იყა­ვით...

- არა, ექ­სპერ­ტო­ბა თქვენ­მა კო­ლე­გებ­მა და­მაბ­რა­ლეს. ჩემი ინ­ტე­რე­სის სფე­რო ძი­რი­თა­დად კვლე­ვი­თი საქ­მი­ა­ნო­ბაა. მე­ა­მა­ყე­ბა, რომ გერ­მა­ნელ კო­ლე­გებ­თან ერ­თად კვლე­ვი­თი ინ­სტი­ტუ­ტი და­ვა­ფუძ­ნე. ეს ორ­გა­ნი­ზა­ცია მე და­ვა­ყე­ნე ფეხ­ზე. თავ­და­პირ­ვე­ლად ისე­თი მცი­რე რე­სურ­სე­ბი გვქონ­და, რომ კომ­პი­უ­ტე­რი სახ­ლი­დან მი­ვი­ტა­ნე. ახლა ის ერთ-ერთი მო­წი­ნა­ვე ორ­გა­ნი­ზა­ცი­აა.

- სამ­სა­ხუ­რის შეც­ვლის დროს ფი­ნან­სუ­რი ინ­ტე­რე­სი გა­დამ­წყვეტ როლს თა­მა­შობს?

- ჩემ­თვის მთა­ვა­რი ინ­ტე­რე­სი ქვეყ­ნის­თვის სა­სი­კე­თო საქ­მის კე­თე­ბაა. ყო­ველ­თვის მინ­დო­და, ადა­მი­ა­ნე­ბის­თვის მეჩ­ვე­ნე­ბი­ნა, რომ საქ­მის კე­თე­ბა კა­ნო­ნის დაც­ვით უფრო იო­ლია, ვიდ­რე - დარ­ღვე­ვით.

- რო­დე­საც მი­ნის­ტრის პოს­ტი შე­მოგ­თა­ვა­ზეს, თუ გა­აც­ნო­ბი­ე­რეთ, რამ­ხე­ლა პა­სუ­ხის­მგებ­ლო­ბის წი­ნა­შე დგე­ბო­დით?

- რა თქმა უნდა, ვაც­ნო­ბი­ე­რებ­დი, რომ ძა­ლი­ან სა­პა­სუ­ხის­მგებ­ლო საქ­მეს ვკი­დებ­დი ხელს. თუმ­ცა, თავ­და­პირ­ვე­ლად გა­და­წყვე­ტი­ლი იყო, რომ მე ამ უწყე­ბის­თვის დრო­ე­ბით უნდა მე­ხელ­მძღვა­ნე­ლა. გარ­კვე­უ­ლი პე­რი­ო­დის შემ­დეგ ინფრას­ტრუქ­ტუ­რის სა­მი­ნის­ტრო ეკო­ნო­მი­კის სა­მი­ნის­ტროს უნდა დაქ­ვემ­დე­ბა­რე­ბო­და, რე­გი­ო­ნუ­ლი უწყე­ბა კი ცალ­კე დე­პარ­ტა­მენ­ტად უნდა ჩა­მო­ყა­ლი­ბე­ბუ­ლი­ყო. სა­ბო­ლო­ოდ გა­და­წყდა, რომ ინფრას­ტრუქ­ტუ­რი­სა და რე­გი­ო­ნუ­ლი გან­ვი­თა­რე­ბის სა­მი­ნის­ტრო ძველ რე­ჟიმ­ში გა­აგ­რძე­ლებს მუ­შა­ო­ბას. მინ­და, რომ ნდო­ბა გა­ვა­მარ­თლო და წლის ბო­ლოს­თვის კარ­გი შე­დე­გი მი­ვი­ღო.

- ყვე­ლა­ზე მეტ სირ­თუ­ლეს რა მი­მარ­თუ­ლე­ბით წა­ა­წყდით?

- მიმ­დი­ნა­რე პრო­ექ­ტე­ბი­სა და პროგ­რა­მე­ბის გაც­ნო­ბი­სას წა­ვა­წყდით სირ­თუ­ლეს. ბევ­რი ხარ­ვე­ზი აღ­მო­ვა­ჩი­ნეთ მშე­ნებ­ლო­ბებ­ზე გა­ცე­მულ ნე­ბარ­თვებ­ში. ხშირ შემ­თხვე­ვა­ში მშე­ნებ­ლო­ბა უკვე და­წყე­ბუ­ლი იყო, ბი­უ­ჯეტ­ში კი რე­სურ­სე­ბი არ გახ­ლდათ მო­ბი­ლი­ზე­ბუ­ლი. ძა­ლი­ან დიდი დრო მო­ვან­დო­მეთ პრო­ექ­ტე­ბის და­ლა­გე­ბას.

- ფი­ნანსთა სა­მი­ნის­ტროს გა­და­უგ­ზავ­ნეთ მა­სა­ლე­ბი, კომ­პა­ნია "ნიუ ენერ­ჯის" შე­სა­ხებ, რის სა­ფუძ­ველ­ზეც მცხე­თა-მთი­ა­ნე­თის ყო­ფილ გუ­ბერ­ნა­ტორს, ცე­ზარ ჩო­ჩელს სა­მე­წარ­მეო საქ­მი­ა­ნო­ბა­ში უკა­ნო­ნო მო­ნა­წი­ლე­ო­ბა­სა და უკა­ნო­ნო შე­მო­სავ­ლე­ბის ლე­გა­ლი­ზე­ბა­ში დას­დეს ბრა­ლი. თა­ვად ჩო­ჩე­ლი თავს უდა­ნა­შა­უ­ლოდ მი­იჩ­ნევს და ამ­ბობს, რომ მა­სა­ლე­ბი რე­ა­ლო­ბას არ ასა­ხავს. რას იტყვით ამის შე­სა­ხებ?

- ცე­ზარ ჩო­ჩე­ლი ჩვენ­თან არ­სე­ბულ დო­კუ­მენ­ტა­ცი­ა­ში სა­ერ­თოდ არ ფი­გუ­რი­რებ­და. თა­ვად კომ­პა­ნია "ნიუ ენერ­ჯის" ბი­უ­ჯე­ტის მი­მართ ძა­ლი­ან დიდი და­ვა­ლი­ა­ნე­ბა ჰქონ­და. ჩვენ ამ კომ­პა­ნი­ას­თან და მის პრო­ექ­ტებ­თან და­კავ­ში­რე­ბით ფი­ნანსთა სა­მი­ნის­ტროს 800 გვერ­დი კონ­კრე­ტუ­ლი დო­კუ­მენ­ტა­ცია გა­და­ვუგ­ზავ­ნეთ. "ნიუ ენერ­ჯი" ძა­ლი­ან ბევრ პრო­ექტს ახორ­ცი­ე­ლებ­და. ერთ-ერთი პრო­ექ­ტის­თვის ბი­უ­ჯე­ტი­დან მი­ლი­ონ ცხრა­ა­სი ათა­სი ლარი აიღო, მაგ­რამ პრო­ექ­ტის გან­ხორ­ცი­ე­ლე­ბის­თვის სა­ჭი­რო სა­მუ­შა­ო­ე­ბი არ შე­ას­რუ­ლა.

- გაგ­რძელ­დე­ბა თუ არა "ნა­ცი­ო­ნა­ლე­ბის" მიერ და­წყე­ბუ­ლი, ანაკ­ლი­ას­თან, ბა­თუმ­სა და ლა­ზი­კას­თან და­კავ­ში­რე­ბუ­ლი გრან­დი­ო­ზუ­ლი პრო­ექ­ტე­ბი?

- გრან­დი­ო­ზუ­ლი პრო­ექ­ტე­ბი სი­ნამ­დვი­ლე­ში ხე­ლი­სუფ­ლე­ბის პი­ა­რი იყო და სხვა არა­ფე­რი. პრო­ექ­ტებს ისე აა­ნონ­სებ­დნენ, რომ ხარჯთაღ­რი­ცხვაც კი არ ჰქონ­დათ გა­წე­რი­ლი. ანაკ­ლი­ა­ში პა­სუ­ხის­მგებ­ლო­ბას ვი­ღებთ ნა­პირ­სა­მაგ­რი სა­მუ­შა­ო­ე­ბის შეს­რუ­ლე­ბა­ზე, ასე­ვე წყლის მი­წო­დე­ბის სის­ტე­მის მო­წეს­რი­გე­ბა­სა და გზის გაყ­ვა­ნა­ზე. რაც შე­ე­ხე­ბა ლა­ზი­კას, ის რო­გორც სა­პორ­ტო ტე­რი­ტო­რია, სა­ინ­ტე­რე­სოა. ამი­ტომ ამ სა­კი­თხზე ეკო­ნო­მი­კის სა­მი­ნის­ტრო ინ­ვეს­ტო­რებ­თან მუ­შა­ობს და მათი და­ინ­ტე­რე­სე­ბის შემ­თხვე­ვა­ში, შე­საძ­ლოა, ახა­ლი პრო­ექ­ტი გან­ხორ­ცი­ელ­დეს. ასეთ შემ­თხვე­ვა­ში ჩვენ ინფრას­ტრუქ­ტუ­რის მო­წეს­რი­გე­ბას ვკის­რუ­ლობთ. აღ­სა­ნიშ­ნა­ვია ისიც, რომ სა­ხელ­მწი­ფომ ლა­ზი­კა­ში და­ი­წყო კერ­ძო სას­ტუმ­რო­ე­ბის მშე­ნებ­ლო­ბა. რო­დე­საც ჩვენ დავ­სვით კი­თხვა, - რა­ტომ უნდა აა­შე­ნოს სა­ხელ­მწი­ფომ კერ­ძო სას­ტუმ­რო, პა­სუ­ხი არა­ვინ გაგ­ვცა. წე­სით, სას­ტუმ­რო­ებს კერ­ძო ბიზ­ნე­სი უნდა აშე­ნებ­დეს და არა - სა­ხელ­მწი­ფო.

- ძა­ლი­ან დიდი სკან­და­ლი მოჰ­ყვა თბი­ლი­სის ზღვას­თან და­წყე­ბუ­ლი, ჩი­ნუ­რი ქა­ლა­ქის მშე­ნებ­ლო­ბას. რო­გორც ცნო­ბი­ლია, იქ მშე­ნებ­ლო­ბა ოქ­ტომ­ბრის არ­ჩევ­ნე­ბის შემ­დე­გაც არ შე­ჩე­რე­ბუ­ლა. რო­გო­რია თქვე­ნი პო­ზი­ცია ამ ფაქტთან და­კავ­ში­რე­ბით?

- ვე­რა­ფერს გე­ტყვით, ტე­რი­ტო­რია, რო­მელ­ზეც ჩი­ნუ­რი ქა­ლა­ქი შენ­დე­ბა, დე­და­ქა­ლაქს ეკუთ­ვნის. შე­სა­ბა­მი­სად, ამ მშე­ნებ­ლო­ბა­ზე სრუ­ლი პა­სუ­ხის­მგებ­ლო­ბა დე­და­ქა­ლა­ქის მე­რი­ას ეკის­რე­ბა.

- ახა­ლი პრო­ექ­ტე­ბის გან­ხორ­ცი­ე­ლე­ბას აპი­რებთ?

- კი, ეს გახ­ლავთ ავ­ტო­მა­გის­ტრა­ლის მშე­ნებ­ლო­ბას­თან და­კავ­ში­რე­ბუ­ლი პრო­ექ­ტე­ბი, ასე­ვე ში­და­სა­ხელ­მწი­ფო­ებ­რი­ვი მნიშ­ვნე­ლო­ბის გზე­ბის მო­წეს­რი­გე­ბა და 25 მუ­ნი­ცი­პა­ლი­ტეტ­ში, სამ და­ბა­ში წყალ­მო­მა­რა­გე­ბის სის­ტე­მის მოგ­ვა­რე­ბა. ჩვე­ნი მუ­შა­ო­ბა სრუ­ლი­ად სა­ჯა­რო და გამჭვირ­ვა­ლეა. სხვა­თა შო­რის, ეს უწყე­ბა "ნა­ცი­ო­ნა­ლე­ბის" მმარ­თვე­ლო­ბის დროს ძა­ლი­ან ჩა­კე­ტი­ლი იყო. რო­გორც კვლე­ვი­თი ცენ­ტრის ხელ­მძღვა­ნელს, ძა­ლი­ან ხში­რად მჭირ­დე­ბო­და აქე­დან სა­ჯა­რო ინ­ფორ­მა­ცი­ის მი­ღე­ბა, მაგ­რამ შე­დეგს ვე­რას­დროს ვაღ­წევ­დი. აქ დღემ­დე ინა­ხე­ბა ჩემ მიერ გა­მოგ­ზავ­ნი­ლი წე­რი­ლე­ბი.

- "ნა­ცი­ო­ნა­ლე­ბის­გან" თქვე­ნი პო­ზი­ცი­ის გა­მო­ხატ­ვის გამო პრობ­ლე­მე­ბი თუ გექ­მნე­ბო­დათ?

- ყვე­ლა­ზე დიდი წი­ნა­აღ­მდე­გო­ბა ის იყო, რომ უნი­ვერ­სი­ტე­ტი­დან გა­მო­მიშ­ვეს. ჩემს პო­ზი­ცი­ას 2.500-ლა­რი­ა­ნი ხელ­ფა­სი შე­ე­წი­რა.

- დღეს რამ­დე­ნი გაქვთ ხელ­ფა­სი?

- რო­გორც მი­ნის­ტრი, 3.540 ლარს ვი­ღებ. ამას­თან ერ­თად, უნი­ვერ­სი­ტეტ­ში ისევ და­ვი­წყე ლექ­ცი­ე­ბის კი­თხვა კვი­რა­ში ერთხელ და იქი­დან 1.500 ლარს ვი­ღებ.

- გყოფ­ნით?

- სამ­სუ­ლი­ან ოჯახს, ასე თუ ისე, გვყოფ­ნის.

- სა­ზო­გა­დო­ე­ბის უკ­მა­ყო­ფი­ლე­ბა გა­მო­იწ­ვია იმ ფაქ­ტმა, რომ წლის ბო­ლოს ყვე­ლა მი­ნის­ტრმა, თეა წუ­ლუ­კი­ა­ნის გარ­და, პრე­მი­ე­ბი გა­მო­ი­წე­რეთ, თა­ნაც - სა­კუ­თა­რი ხე­ლით. ამ ფაქ­ტის გამო უხერ­ხუ­ლო­ბა თუ იგ­რძე­ნით?

- სა­ა­კაშ­ვი­ლის რე­ჟი­მის დროს მი­ნის­ტრე­ბი პრე­მი­ებს ყო­ველ­თვი­უ­რად იწერ­დნენ, თა­ნაც ერთი ხელ­ფა­სის ოდე­ნო­ბი­სას. მათი ხელ­ფა­სე­ბი სა­შუ­ა­ლოდ, 10 ათა­სი ლარი იყო. ჩვენ ქვეყ­ნის მდგო­მა­რე­ო­ბი­დან გა­მომ­დი­ნა­რე, თავს უფ­ლე­ბას არ ვაძ­ლევთ, ამ­ხე­ლა ხელ­ფა­სე­ბი და­ვი­ნიშ­ნოთ. იმე­დია, სა­ზო­გა­დო­ე­ბა იმის­თვის არ გაგ­ვი­ნა­წყენ­დე­ბა, რომ ძა­ლი­ან დატ­ვირ­თუ­ლი მუ­შა­ო­ბის პი­რო­ბებ­ში მხო­ლოდ ერთი ხელ­ფა­სის ოდე­ნო­ბის პრე­მია ავი­ღეთ. ცუ­დია, რომ მი­ნის­ტრე­ბის­თვის პრე­მი­ის გა­მო­წე­რის წესი არ არ­სე­ბობს, მაგ­რამ ამ სა­კი­თხზე ფი­ნანსთა სა­მი­ნის­ტრო მუ­შა­ობს და მალე ესეც და­რე­გუ­ლირ­დე­ბა. იცით, ძა­ლი­ან ბევ­რი საქ­მე და დიდი პა­სუ­ხის­მგებ­ლო­ბა გვაქვს. ამი­ტომ ვფიქ­რობ, რომ შრო­მის ანა­ზღა­უ­რე­ბაც შე­სა­ბა­მი­სი უნდა იყოს.

ხა­თუ­ნა ბახ­ტუ­რი­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)