რისთვის მივიდნენ ბაჩო ახალაიას სასამართლო პროცესზე ნიკა გრიგოლია და ვახო ბიჭიკაშვილი
18 თებერვალს ბაჩანა ახალაიას სასამართლო პროცესზე მის გამოჩენას იქ შეკრებილი აუდიტორია აპლოდისმენტებით შეხვდა. გაკეთდა კომენტარებიც, რომ ის პოლიტპატიმარია და რომ სასამართლოს მისი ბრალეულობის მტკიცებულებები არ აქვს. იქ შეკრებილ ადამიანებს შორის იუმორისტები ნიკა გრიგოლია და ვახო ბიჭიკაშვილიც ვნახე. გრიგოლიასა და ახალაიას მეგობრობის ამბავზე ადრეც გიამბობდით. ნიკა თავად ადასტურებდა ამას "ფეისბუქის" საკუთარ გვერდზე და ამ ურთიერთობას თავდაცვის სამინისტროს მიერ ორგანიზებული ივენთებით ხსნიდა. იმავეს ამბობს დღეს ვახო ბიჭიკაშვილიც.
- ვახო, ახალაიას სასამართლო პროცესზე გნახე. ეს იყო მხარდაჭერა შენი მხრიდან?
- ჩვენ ვიცნობთ ერთმანეთს. როგორც იცით, ჩვენი გუნდი თავდაცვის სამინისტროს მიერ ორგანიზებულ კონცერტებში მონაწილეობდა. შესაბამისად, მაინტერესებს, რა დანაშაული აქვს ამ ადამიანს, ეს გარკვეულწილად მხარდაჭერაც არის.
- იქ შეკრებილი საზოგადოების მსგავსად შენც მიიჩნევ, რომ ბაჩო ახალაია პოლიტპატიმარია?
- ამგვარ პოლიტიკურ შეკითხვებს ნუ დამისვამთ. არაფერს არ ვთვლი. ეს იყო მხოლოდ ინტერესი.
- სასამართლო პროცესი გადაიდო. შემდეგ პროცესზეც აპირებ მისვლას?
- თუ დრო მექნება და მოვახერხებ, რატომაც არა.
- ვახო, "ფეისბუქის" შენი გვერდის გაუქმება რას უკავშირდება?
- რა ვიცი, ვისვენებ, არ შეიძლება?! უამრავი ადამიანი მწერდა, ზოგს ვიმატებდი, ზოგს - ვერა. მერე ვიღაცებს სწყინდათ. ამიტომ გადავწყვიტე, რომ დავისვენო და გავაუქმე. ტელევიზორიც გამოვრთე, თუ ძალიან გაინტერესებთ. ვისვენებ. მხოლოდ ინდურ რადიოს ვუსმენ.
- ინდური ენა შეისწავლე?
- ვცდილობ. დუბაიშიც ვიყავი დასასვენებლად. სითბოს მოთხოვნილება გამიჩნდა.ინდოეთსაც ვესტუმრები. ვნახოთ, კიდევ რის საშუალებას მომცემს სამსახური.
- ნიკა, შენმა გამოჩენამ ახალაიას სასამართლო პროცესზე გამაოცა. ეს მხარდაჭერა იყო, თუ მხოლოდ ინტერესი?
ნიკა გრიგოლია:
- ინტერესიც იყო და მხარდაჭერაც. არა, მხარდაჭერა უფრო იყო, ვიდრე ინტერესი.
- ე.ი. იქ შეკრებილი საზოგადოების მსგავსად, შენც ფიქრობ, რომ ბაჩანა ახალაია პოლიტპატიმარია?
- არა, რას ნიშნავს პოლიტპატიმარი, ისიც კი არ ვიცი. დედას გეფიცებით, მართლა არ ვიცი. ამდენად ვერ გეტყვით, არის თუ არა ბაჩო პოლიტპატიმარი.
- რაში გამოიხატებოდა შენი მხარდაჭერა?
- მაინტერესებდა, როგორი იქნებოდა მისი სასამართლო პროცესი. იქ ძალიან ბევრი ნაცნობი ადამიანი ვნახე, მოვიკითხეთ ერთმანეთი.
- გადაიდო პროცესი, შენი ინტერესი შემდეგ პროცესამდე გაგრძელდება?
- დრო თუ მექნება, აუცილებლად მივალ. ბევრი საქმე მაქვს და თუ სხვა უფრო აუცილებელი საქმე არ გამომიჩნდა, ხელს არაფერი შემიშლის.
- აქვე გკითხავ შენს აუცილებელ საქმეებზე, როგორც ვიცი, რჩები "რუსთავი 2"-ში, რას აკეთებ?
- ამას ჯერ ვერ გეტყვით. ახალ პროექტზე კონკრეტულ გუნდთან ერთად ვმუშაობ და როცა მზად გვექნება, ყველა გაიგებთ.
DJბუკე
(გამოდის ორშაბათობით)
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
