ნიუ-იორკის შტატის პოლიციამ 60 წლის მამაკაცი დააკავა, რომელიც 2 წლის განმავლობაში, ადამიანებს, რომელიც არ მოსწონდა, მანქანის საბურავებს უხეთქავდა. ამის შესახებ სააგენტო Associated Press-ი იტყობინება.
მაიკლ დელიზიო სადარბაზოებთან, სადაც მეზობლები მანქანებს აჩერებდნენ, ლურსმნებს ყრიდა. როგორც სამართალდამცავები ამბობენ, ლურსმნით გახეთქილი საბურავების შესახებ, მათთან 50-მდე საჩივარია შესული.
დამნაშავე პოლიციამ შემთხვევით დააკავა. პოლიციის თანამშროელი ერთ-ერთი დაზარალებულის სახლს ათვალიერებდა, როდესაც დაინახა, როგორ ყრიდა დელიზიო ლურსმნებს ქუჩაში. ამერიკელს ბრალი კანონის 100-მდე მუხლით წაუყენეს.
პოლიციის თანამშრომლის თქმით, დელიზიო ლურსმნებს შავად ღებავდა, რათა მსხვერპლს ის ვერ შეემჩნია.
"ასეთი სახის დანაშუალთან მქონია საქმე, მაგრამ არასდროს მინახავს, რომ ვინმეს ასეთი მონდომება გამოეჩინა", - აცხადებს პოლიციელი.
მომზადებულია Associated Press-ის მიხედვით.
