20
მაისიდღის ზოგადი ასტროლოგიური პროგნოზი
კორპორაცია Microsoft-ის განცხადებით, hotmail-ის ელექტრონული ფოსტის ყველა მომხმარებელი რამდენიმე თვეში ახალ პლატფორმაზე გადავა, რადგან კორპორაციამ დაასრულა Outlook.com-ის ბეტა ვერსიის ტესტირება. ამის შესახებ "ესოშიეითიდ პრესი" იუწყება.
Outlook.com-ის ტესტური ვერსია მოხმარებაში 2011 წლის ივლისში ჩაეშვა. იმ დროიდან მოყოლებული დღემდე, მისი მომხმარებლების რაოდენობამ 60 მილიონს მიაღწია. სწორედ ამ მიზეზით, Microsoft-ის წარმომადგენლების განცხადებით, hotmail-ის ელექტრონული ფოსტის მომხმარებლები ავტომატურად გადავლენ Outlook.com-ზე.
როგორც კორპორაციაში აცხადებენ, ახალი სერვისით სარგებლობა მომხმარებლისთვის გაცილებით ხელსაყრელი აღმოჩნდა. სერვისის სრული ამუშავების შემდეგ კი მომხმარებლები დამატებით სერვისებს მიიღებენ.
კორპორაციის წარმომადგენლები ასევე აღნიშნავენ, რომ hotmail-ის მომხმარებლებს მიეცემათ როგორც ელექტრონული მისამართის, ასევე პერსონალური ფაილების, მათ შორის წერილების, ფოლდერების, მისამართების, პაროლის შენახვის საშუალება. ცვლილებები ამ წლის ზაფხულში განხორციელდება.
2012 წლის ნომებრის ბოლოსთვის hotmail-ი, რომლის ელექტრონული ფოსტაც 1997 წლიდან არსებობს, მეორე ადგილზე იყო ყველაზე პოპულარული ელექტრონული ფოსტის სერვისებს შორის. მისი ყოველთვიური აუდიტორია 286,2 მილიონ მომხმარებელს შეადგენდა. რეიტინგში პირველად ადგილს Gmail იკავებდა, რომელსაც ყოველთვიურად 288 მილიონი მომხმარებელი ჰყავდა.
მომზადებულია afp.com-ის მიხედვით.
