7
ივლისიდღის ზოგადი ასტროლოგიური პროგნოზი
13 თებერვალს ტიბეტში სილამაზის კონკურსის გამარჯვებულის უცნაური კორონაცია გაიმართა. საქმე ის არის, რომ "მის ტიბეტის" გამარჯვებული კონკურსის ერთადერთი მონაწილე, ტენცინგ დოლმა გახდა.
ჟიურიმ ერთსულოვნად მიანიჭა გამარჯვება ახალგაზრდა გოგონას და კონკურენტების გარეშე დარჩენლმა ტენცინგმაც ამაყად მიიღო საპატიო ტიტული.
მიზეზი იმისა, რომ სილამაზის კონკურსს მხოლოდ ერთი მონაწილე ჰყავდა, ის არის, რომ ტიბეტელი სასულიერო პირები ასეთი ტიპის ღონისძიებებს უარყოფითად აფასებენ. მაგალითად, 2005 წელს ამავე კონკურსში "მის ტიბეტის" რვა მონაწილემ, სასულიერო პირების ზეგავლენით ფინალში მონაწილეობაზე უარი განაცხადა.
ტიბეტის ხელისუფლების აზრით, როდესაც კონკურსის მონაწილე პოდიუმზე ბიკინებში გამოდის, ის შეურაცხყოფას აყენებს ტიბეტის კულტურასა და ტრადიციებს.
სწორედ ამ მიზეზთა გამო, სილამაზის კონკურსი ტიბეტში ყოველ წელს არ ტარდება. კონკურსი მხოლოდ მაშინ იმართება, როდესაც რომელიმე ქალბატონი გაბედავს და მასში მონაწილეობის სურვილს გამოთქვამს.
მომზადებულია newsbang.net-ის მიხედვით
