მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გოგა ხაჩიძე კობა დავითაშვილზე ძველ ისტორიას იხსენებს
05:19 / 14-02-2013
უმცირესობის წევრს გოგა ხაჩიძეს ტელეკომპანია "მაესტროს" პირდაპირ ეთერში კობა დავითაშვილსა და სერგო რატიანს შორის მომხდარმა ფიზიკურმა დაპირისპირებამ 2004 წელს მომხდარი ისტორია გაახსენა, რომელსაც პარლამენტარი "ფეისბუქში" საკუთარ გვერდზე აქვეყნებს:
"ერთი "სასაცილო" ამბავი მინდა მოგიყვეთ. გუშინ გამახსენდა...
2004 წელს, მე და კობა დავითაშვილი პარლამენტის წევრები ვიყავით. დავითაშვილი, ახალი გადასული იყო ოპოზიციაში და მე, როგორც გამოუცდელ პოლიტიკოსს, გარკვეული სენტიმენტები და დამოკიდებულება მქონდა მისდამი. თანაც, ხომ გსმენიათ ეგეთი მოსაზრება, რომ დიდები და მსუქნები ზოგადად კეთილები არიან...
მოხდა ისე, რომ "იმედზე" ერთად აღმოვჩნდით დებატებზე, მაგდა ანიკაშვილთან.
ეთერის დაწყებამდე დაახოებით 15 წუთით ადრე მივედი. დავითაშვილი უკვე იქ იყო.
გამარჯობათ ბ-ნო კობა - მივესალმე მე.
ოო, გოგას გაუმარჯოს, როგორ ხარ? - გულთბილად მომიკითხა მან.
მადლობა კარგად - ვუპასუხე და ასე ტკბილად და მეგობრულად გავაგრძელეთ ერთი-ერთზე საუბარი. გავიხსენეთ რაღაცეები, ვიღაცეები, ვიცინეთ... ერთი სიტყვით, ეთერამდე რაც დრო გვქონდა, ჯიგრულ ჭუკჭუკში გავატარეთ.
მახსოვს, გულწრფელად ვფიქრობდი, რა კარგი კაცია და რა ცუდია, რომ ჩვენი თანაგუნდელი აღარ არის/თქო...
ასე მეგობრულად, გაღიმებულები შევედით სტუდიაში. დავსხედით, მიკროფონები დაგვიმაგრეს და ეთერიც დაიწყო...
მაგდა ანიკაშვილი მაყურებელს მიესალმა, ზოგადი შესავალი გააკეთა არსებული სიტუაციის და პირველი კითხვით კობა დავითაშვილთან გადავიდა...
მოულოდნელად, კობამ შემზარავი სახით, დაქაჩული თვალებით, ხელი მთელი სიგრძით ჩემსკენ გამოიშვირა და იყვირა: აი, ამისთანა გარეწარი და ნაძირალა ხალხი რომ მოვიდა ხელისუფლებაში, იმიტომ მიდის ჩვენი საქმე კარგადო და დაიწყო... გამლანძღა, გამთათხა, სულ ქვეყნის დამაქცევარი და ბანდიტი მეძახა...
საკუთარ თვალებს და ყურებს ვერ ვუჯერებდი... ეგეთი რამე (მაშინ) ვერ წარმომედგინა... :) ჩემი სიტყვის დრო რომ მოვიდა, ხმა ვერ ამოვიღე, რაღაცას ვლუღლუღებდი გაოგნებული...
სულ მინდოდა ამ ამბის მოყოლა და მგონი ამაზე უკეთეს დროს ვერ შევარჩევდი:)", - წერს ხაჩიძე.
გუშინ ტელეკომპანია "მაესტროს" პირდაპირ ეთერში, გადაცემა "არგუმენტებში" უმრავლესობის წარმომადგენელ კობა დავითაშვილსა და უმცირესობის დეპუტატ სერგო რატიანს შორის ფიზიკური დაპირისპირება მოხდა.
დაპირისპირება გადაცემაში ორი ლიდერის დებატებს მოჰყვა, რომლის დროსაც კობა დავითაშვილმა რატიანს სიტყვიერი შეურაცხყოფა მიაყენა. რატიანმა პროტესტის ნიშნად ჭიქა დაამსხვრია და გადაცემის დატოვებას აპირებდა, როდესაც დავითაშვილი მასთან მივიდა, რაც საბოლოოდ ხელჩართულ ჩხუბში გადაიზარდა.
სტუდიიდან ორივე მათგანი ტელეკომპანიის დაცვის თანამშრომლებმა გაიყვანეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
