რამ­დე­ნი­მეთ­ვი­ა­ნი პა­უ­ზის შემ­დეგ პო­ლი­ტი­კა­ში და­საბ­რუ­ნებ­ლად ახა­ლი ძა­ლე­ბი­თა და შემ­ცი­რე­ბუ­ლი რა­ო­დე­ნო­ბით ემ­ზა­დე­ბი­ან, რად­გან არ­ჩევ­ნე­ბის შემ­დეგ გან­ვლილ­მა ასმა დღემ აჩ­ვე­ნა, რომ რე­ა­ლუ­რად არა­ფე­რი შეც­ვლი­ლა... თუ ხან­გრძლი­ვი შეს­ვე­ნე­ბის შემ­დეგ ოფის­ში მი­ა­კი­თხავთ, შე­იძ­ლე­ბა გა­გი­მარ­თლოთ და გა­ღი­მე­ბუ­ლი "ლე­ი­ბო­რის­ტიც" კი ნა­ხოთ. მე გა­მი­მარ­თლა, - "სხვე­ბის­გან გან­სხვა­ვე­ბით, რაც უნდა სა­ავდრო ღურ­ბლე­ბი ირე­ო­დეს ჩვენს თავ­ზე, არც მას­პინ­ძლო­ბა გვეშ­ლე­ბა და არც სა­უ­ბა­რი," - მი­თხრა პარ­ტი­ის პო­ლი­ტი­კურ­მა მდი­ვან­მა გი­ორ­გი გუ­გა­ვამ.

- ბა­ტო­ნო გი­ორ­გი, რამ­დე­ნი­მე წამ­ყვან­მა "ლე­ი­ბო­რის­ტმა" და პარ­ტი­ის დამ­რტყმელ­მა ძა­ლამ და­ტო­ვა პარ­ტი­ის რი­გე­ბი. პარ­ტია ხომ არ იშ­ლე­ბა?

- არა, რას ამ­ბობთ, ფუი ეშ­მაკს... სა­ბედ­ნი­ე­როდ, ეს საფრ­თხე მა­ინც არ ემუქ­რე­ბა სა­ქარ­თვე­ლოს. თუმ­ცა ამ თე­მა­ზე ძა­ლი­ან მი­ჭირს ლა­პა­რა­კი. ეს ადა­მი­ა­ნე­ბი წლე­ბის გან­მავ­ლო­ბა­ში ჩვე­ნი თა­ნა­მებ­რძო­ლე­ბი იყ­ვნენ, ზო­გა­დად ასეთ გა­და­წყვე­ტი­ლე­ბებს ადა­მი­ა­ნე­ბი ერთ დღე­ში არ იღე­ბენ. ეტყო­ბა, მათ ღი­რე­ბუ­ლე­ბე­ბი გა­და­ა­ფა­სეს და ასე მოქ­ცე­ვა არ­ჩი­ეს. რო­გორც გა­ვი­გე, ახა­ლი პარ­ტი­ის ჩა­მო­ყა­ლი­ბე­ბას აპი­რე­ბენ. ღმერ­თმა ხელი მო­უ­მარ­თოთ. სხვა არაფ­რის თქმა არ შე­მიძ­ლია, უბ­რა­ლოდ, გულ­წრფე­ლად ვწუხ­ვარ.

- რო­გორ შეხ­ვდა მათ გა­და­წყვე­ტი­ლე­ბას ბა­ტო­ნი შალ­ვა?

- რო­გორ გი­თხრათ, სი­ა­მოვ­ნე­ბით არ შეხ­ვედ­რია. ის ყო­ველ­თვის ამ­ბობ­და, რომ ბი­ძი­ნა ივა­ნიშ­ვი­ლი, ხე­ლი­სუფ­ლე­ბა­ში მოს­ვლის შემ­დეგ, ყვე­ლა­ნა­ი­რად შე­ეც­დე­ბო­და "ლე­ი­ბო­რის­ტე­ბის" გა­უვ­ნე­ბელ­ყო­ფა­სა და მე­ხამ­რი­დად გა­მო­ყე­ნე­ბას. დიახ, ჩვე­ნი რი­გე­ბი შემ­ცირ­და, მაგ­რამ ნა­ად­რე­ვი დას­კვნე­ბის გა­კე­თე­ბას არა­ვის ვურ­ჩევ...

- სა­ზო­გა­დო­ე­ბა­ში ით­ქვა, რომ ლე­ი­ბო­რის­ტულ პარ­ტი­ას წინა ხე­ლი­სუფ­ლე­ბა აფი­ნან­სებ­და და მათი პა­უ­ზა პო­ლი­ტი­კუ­რი ცვლი­ლე­ბით იყო გან­პი­რო­ბე­ბუ­ლი...

- დიახ, ვიცი, ავ­ყია ენე­ბი რომ იტყოდ­ნენ. ბედი გვაქვს ასე­თი და აპ­რო­ბი­რე­ბუ­ლი მე­თო­დიც არის, რომ ყვე­ლა­ზე ოპო­ზი­ცი­ურ, ჭეშ­მა­რი­ტად ოპო­ზი­ცი­ურ პარ­ტი­ას სა­ზი­ზღა­რი ტყუ­ი­ლი და­აბ­რა­ლო.

რო­დე­საც ე.წ. ვარ­დე­ბის რე­ვო­ლუ­ცია მოხ­და, მა­ში­ნაც ვაკ­რი­ტი­კებ­დით ხე­ლი­სუფ­ლე­ბას, გა­მო­დის, შე­ვარ­დნა­ძე გვა­ფი­ნან­სებ­და?.. ჩვენ ნათ­ლად და­ვი­ნა­ხეთ ყვე­ლა­ფე­რი და ვი­წყებთ ბრძო­ლას ახა­ლი შე­მარ­თე­ბით. რო­გორც თქვენ აღ­ნიშ­ნეთ, დამ­რტყმე­ლი ძა­ლის გა­რე­შე. ისე კი, ამ ხნის გან­მავ­ლო­ბა­ში იმ გუნდთან ერ­თად ბევ­რი წი­ნა­აღ­მდე­გო­ბა გა­მო­ვი­ა­რეთ და მათი წას­ვლის შემ­დეგ ცეკ­ვა-თა­მა­შის ხა­სი­ათ­ზე ნამ­დვი­ლად არ ვართ, მაგ­რამ პა­ტივს ვცემთ მათ გა­და­წყვე­ტი­ლე­ბას და წარ­მა­ტე­ბას ვუ­სურ­ვებთ. რაც შე­ე­ხე­ბა პარ­ტი­ა­სა და მის ლი­დერს, ჩვენ ძვე­ლი შე­მარ­თე­ბი­თა და ენერ­გი­ით, ჩვენ­თვის ჩვე­უ­ლი ბრძო­ლი­სუ­ნა­რი­ა­ნო­ბით ვაგ­რძე­ლებთ მუ­შა­ო­ბას.

რაც შე­ე­ხე­ბა კო­ა­ბი­ტი­რე­ბულ სა­ა­კაშ­ვილ­სა და ივა­ნიშ­ვილს, რომ­ლე­ბიც ახლა გა­ორ­მა­გე­ბუ­ლი ძა­ლე­ბით გვებ­რძვი­ან, მივ­მარ­თავ, რომ ჩვე­ნი და­მარ­ცხე­ბა არ გა­მო­უ­ვათ... ისი­ნი ისე­ვე გან­სხვავ­დე­ბი­ან ერ­თმა­ნე­თის­გან, რო­გორც წყლის ორი წვე­თი. მარ­თვის სტი­ლი­დან და­წყე­ბუ­ლი, ყვე­ლაფ­რით ზედ­მი­წევ­ნით ჰგვა­ნან ერ­თმა­ნეთს. გან­სხვა­ვე­ბა მხო­ლოდ ერ­თია, სა­ა­კაშ­ვი­ლი უფრო მოსხლე­ტით იტყუ­ე­ბა, ივა­ნიშ­ვილს კი სი­ტყვე­ბის­თვის თა­ვის მოყ­რა უჭირს. ტყუ­ი­ლის­თვის კი არა, სი­ტყვე­ბის­თვის... ორი­ვე ცდი­ლობს, პო­ლი­ტი­კუ­რი რე­ჟი­მი ან­ტი­ე­როვ­ნუ­ლი ქმე­დე­ბე­ბით ჩა­მო­ა­ყა­ლი­ბოს. ამ ფონ­ზე კი ჩვენ, ერ­თა­დერთ და ნამ­დვილ ოპო­ზი­ცი­ას, რა უფ­ლე­ბა გვაქვს, პო­ლი­ტი­კუ­რი არე­ნა დავ­ტო­ვოთ?.. მით უმე­ტეს, რომ სა­ზო­გა­დო­ე­ბის დიდ­მა ნა­წილ­მა და­ი­ნა­ხა, რომ ოც­ნე­ბა მი­რა­ჟად გა­და­იქ­ცა და იმ ქვა­ბი­დან, სა­ი­და­ნაც სას­წა­უ­ლის ამოს­ვლას მო­ვე­ლო­დით, ოხ­ში­ვა­რი ამო­ვი­და. ხე­ლი­სუფ­ლე­ბის დამ­ტკი­ცე­ბი­დან ასი დღის შემ­დეგ შიშ­ველ რე­ა­ლო­ბას შე­ვე­ჯა­ხეთ, რო­მე­ლიც ბევ­რად უფრო მძი­მეა, ვიდ­რე წარ­მოგ­ვედ­გი­ნა.

- რა გაძ­ლევთ ამის თქმის უფ­ლე­ბას? ყო­ველ­დღე გვეს­მის, რომ ფა­სე­ბი იკ­ლებს, საწ­ვა­ვი და პური გა­ი­აფ­და...

- ვინ­მემ იგ­რძნო ეს გა­ი­ა­ფე­ბა სა­კუ­თარ მხრებ­ზე?.. თქვენ ალ­ბათ ხუმ­რობთ. ივა­ნიშ­ვი­ლის რამ­დე­ნი­მე ანეკ­დო­ტი მო­ვის­მი­ნე და მინ­და გი­თხრათ, რომ იუ­მორ­ზე ბევ­რად უკე­თე­სი წარ­მოდ­გე­ნა მაქვს... საწ­ვავ­ზე 5 თეთ­რი სა­ა­კაშ­ვი­ლის დრო­საც იკ­ლებ­და და მათი გათ­ვლე­ბით, 1,50-1,60 უნდა გამ­ხდა­რი­ყო ბენ­ზი­ნის ფასი. აქე­დან დას­კვნა, ჭორ­ვი­ლა­ში ბა­ტო­ნი ივა­ნიშ­ვი­ლის პინგვი­ნი უფრო კომ­ფორ­ტუ­ლად და უზ­რუნ­ვე­ლად ცხოვ­რობს, ვიდ­რე სა­ქარ­თვე­ლოს მო­სახ­ლე­ო­ბის 600 ათას­ზე მეტი ადა­მი­ა­ნი, რო­მე­ლიც სი­ღა­რი­ბის ზღვარს მიღ­მაა და მათი რი­გე­ბი გე­ო­მეტ­რი­უ­ლი პროგ­რე­სი­ით იზ­რდე­ბა... ასე რომ, თუ არ ჩავ­თვლით პი­რა­დი ან­გა­რიშს­წო­რე­ბის სა­ფუძ­ველ­ზე გან­ხორ­ცი­ე­ლე­ბულ და­კა­ვე­ბებს, არა­ფე­რი შეც­ვლი­ლა. ეს არ არის სა­მარ­თლი­ა­ნო­ბის აღ­დგე­ნა. რე­ა­ლუ­რად მხო­ლოდ ფა­სა­დუ­რი ცვლი­ლე­ბა გან­ხორ­ცი­ელ­და, თო­რემ პო­ლი­ტი­კუ­რი, სა­მარ­თლებ­რი­ვი და სო­ცი­ა­ლუ­რი თვალ­საზ­რი­სით არა­ფე­რი შეც­ვლი­ლა. ხე­ლი­სუფ­ლე­ბის შეც­ვლი­დან მოკ­ლე ხან­ში ვნა­ხეთ და­კა­ვე­ბე­ბის სე­რია, რო­მელ­მაც ბავ­შვე­ბის თა­მა­ში მო­მა­გო­ნა. რო­დე­საც დღე­ვან­დე­ლი ხე­ლი­სუფ­ლე­ბის წევ­რე­ბი ოპო­ზი­ცი­ა­ში იყ­ვნენ, ბაჩო ახა­ლა­ი­ას ისეთ ბრალ­დე­ბებს უყე­ნებ­დნენ, თმა ყალ­ყზე და­უდ­გე­ბო­და ადა­მი­ანს და იმი­ტომ და­ა­კა­ვეს, რომ ერთ ჯა­რის­კაცს და­სას­ჯე­ლად "ატ­ჟი­მა­ნი­ე­ბი" გა­ა­კე­თე­ბი­ნა, ხოლო მე­ო­რეს თავ­ში და­ნის ტარი ჩა­არ­ტყა. ასე­თი ბრალ­დე­ბე­ბი ამ ხე­ლი­სუფ­ლე­ბის მხრი­დან ერ­თა­დერთ მი­ზანს, წინა რე­ჟი­მის "გაპ­რა­ვე­ბას" ემ­სა­ხუ­რე­ბა. მათ რომ ნა­მუ­სის ძარ­ღვი არ ჰქონ­დეთ გა­წყვე­ტი­ლი, უნდა რცხვე­ნო­დეთ, იმი­ტომ, რომ სულ რამ­დე­ნი­მე თვის წინ ამ­ბობ­დნენ, ყვე­ლა ამ­ქვეყ­ნი­უ­რი და იმ­ქვეყ­ნი­უ­რი უბე­დუ­რე­ბის სა­თა­ვე ახა­ლა­ია იყო და ეს ყვე­ლა­ფე­რი სა­ზო­გა­დო­ებ­რი­ვი აზ­რის შე­საქ­მნე­ლად გა­მო­ი­ყე­ნეს. მე იმ ხე­ლი­სუფ­ლე­ბას კი არ ვი­ცავ, ღმერ­თმა და­მი­ფა­როს, მაგ­რამ ახლა ისე­თი სი­სუ­ლე­ლის გამო სჯი­ან, ღი­მი­ლის მომ­გვრე­ლია... რას ეუბ­ნე­ბი­ან ამით სა­ზო­გა­დო­ე­ბას, არც ისე­თი ურჩხუ­ლე­ბი ყო­ფი­ლან, რო­გორც წარ­მოგ­ვედ­გი­ნაო?.. ოქ­რუ­აშ­ვილს თა­ვის დრო­ზე ხმა­შე­წყო­ბი­ლად ეძახ­დნენ კა­ცი­ჭა­მი­ას, ახლა ამ­ბო­ბენ, რომ რე­ჟი­მის მსხვერ­პლი იყო? ვინ შექ­მნა ის რე­ჟი­მი, ოქ­რუ­აშ­ვი­ლი არ იყო იმ დიქ­ტა­ტუ­რის შექ­მნის თა­ნა­მო­ნა­წი­ლე? რას ნიშ­ნავს ეს, მა­შინ გა­ტყუ­ებ­დით და ახლა გა­ვი­გეთ, რომ დამ­ნა­შა­ვე არ ყო­ფი­ლაო?.. ქარ­თვე­ლი სა­ზო­გა­დო­ე­ბა ან ტყუვ­დე­ბა, ან თავს იტყუ­ებს.

- თქვენ რომ­ლის გჯე­რათ?

- რა გი­თხრათ, ჩვენს ხალ­ხს 2003 წელ­საც ეგო­ნა, რომ ვარ­დე­ბის რე­ვო­ლუ­ცი­ის შემ­დეგ ცა გა­იხ­სნე­ბო­და და ცი­უ­რი მა­ნა­ნე­ბი გად­მოც­ვივ­დე­ბო­და, მაგ­რამ მი­ვი­ღეთ რე­ჟი­მი. ახ­ლაც იგი­ვე მოხ­დე­ბა. ასე რომ არ მომ­ხდა­რი­ყო, ამის­თვის რე­ა­ლუ­რი ცვლი­ლე­ბე­ბი იყო სა­ჭი­რო, ზღაპ­რე­ბის შე­თხზვით კი არა, წინა ხე­ლი­სუფ­ლე­ბის სა­მარ­თლებ­რი­ვი შე­ფა­სე­ბით უნდა და­წყე­ბუ­ლი­ყო ყვე­ლა­ფე­რი, რათა ერთხელ მა­ინც შექ­მნი­ლი­ყო პრე­ცე­დენ­ტი. რა­ტომ არ დად­გა პრე­ზი­დენ­ტის იმ­პიჩ­მენ­ტის სა­კი­თხი? მხო­ლოდ ამის შემ­დეგ და­ვი­ჯე­რებ­დით, რომ ივა­ნიშ­ვი­ლი სა­ა­კაშ­ვი­ლის გაგ­რძე­ლე­ბა არ არის... რო­დემ­დე უნდა კვე­ბონ სა­ზო­გა­დო­ე­ბა "გულ­წრფე­ლის" გულ­წრფე­ლი გა­მოს­ვლე­ბი­თა და მი­მარ­თვე­ბით. ან სად არის გულ­წრფე­ლო­ბა, რო­დე­საც მო­სახ­ლე­ო­ბას სა­მო­თხეს ჰპირ­დე­ბი და პო­ლი­ტი­კურ მოღ­ვა­წე­ო­ბას პი­რა­დი ან­გა­რიშს­წო­რე­ბით იწყებ.

მხო­ლოდ ის ადა­მი­ა­ნე­ბი და­სა­ჯეს, რომ­ლე­ბიც თა­ვის დრო­ზე "ქარ­თუ ბანკს" პრობ­ლე­მებს უქ­მნიდ­ნენ. მაშ, რა გან­სხვა­ვე­ბაა სა­ა­კაშ­ვი­ლის რე­ჟიმ­სა და ამ ხე­ლი­სუფ­ლე­ბას შო­რის?!. სა­მარ­თა­ლი ამ შემ­თხვე­ვა­შიც გა­ბა­ტო­ნე­ბუ­ლი კლა­სის ინ­ტე­რე­სებს ემ­სა­ხუ­რე­ბა. თუ ვცდე­ბი, კი ბა­ტო­ნო, და­მარ­წმუ­ნოს ვინ­მემ... ჰკი­თხეთ ნე­ბის­მი­ერ გამ­ვლელს ქუ­ჩა­ში, შე­უმ­სუ­ბუქ­დაG თუ არა სო­ცი­ა­ლუ­რი ცხოვ­რე­ბა. ზუს­ტად ისე გა­მო­უ­ვი­დათ, გა­მოთ­ქმა რომ არის, ბევ­რი ვე­ცა­დე თქვენ­თვი­სო, ძლივს გა­ვა­ხერ­ხე ჩემ­თვი­სო. თვე­ში ორ­ჯერ, ამ "და­უ­ღა­ლა­ვი" მუ­შა­ო­ბის შემ­დეგ, პრე­მი­ე­ბი გა­მო­ი­წე­რა ყვე­ლამ, კი­თხვა "რო­გო­რი" რომ და­ეს­მის, იმ გვა­რის კა­ცის თა­მა­დო­ბით... რამ­დენ ხანს გაჰ­კი­ოდ­ნენ, სა­ა­კაშ­ვილს პი­რა­დი თვითმფრი­ნა­ვი ჩა­მო­ვარ­თვი­თო, კი ბა­ტო­ნო, ასეც უნდა მოქ­ცე­უ­ლიყ­ვნენ, მაგ­რამ სა­მარ­თლი­ა­ნია, ივა­ნიშ­ვილ­მა თა­ვის­თვის უკე­თე­სი რომ იყი­და?

- იქ­ნებ, სა­კუ­თა­რი ფუ­ლით იყი­და?

- კი ბა­ტო­ნო, მაგ­რამ რი­გით მო­ქა­ლა­ქეს რა შე­ღა­ვა­თი ამით, რამე უკე­თე­სო­ბა იგ­რძნო მისი მოს­ვლის შემ­დეგ?.. არ­ჩევ­ნე­ბის შემ­დეგ ძა­ლი­ან ბევ­რი რე­გი­ო­ნის შე­მოვ­ლამ მო­მი­წია და უამ­რა­ვი ადა­მი­ა­ნის სო­ცი­ა­ლუ­რი მდგო­მა­რე­ო­ბა გა­უ­ა­რეს­და. იმე­დია, ახლა მა­ინც გა­ი­გებს სა­ზო­გა­დო­ე­ბა, რომ მგე­ლი შე­ჭამს თუ მგლის­ფე­რი ტურა, ეს მათ­თვის შე­ღა­ვა­თი არ იქ­ნე­ბა. გაჰ­კი­ოდ­ნენ, სა­ა­კაშ­ვი­ლის დროს ნაც­ნო­ბო­ბით ინიშ­ნე­ბო­და ხალ­ხიო და ახლა რომ გა­და­ხე­დოთ, ყვე­ლა სფე­როს ხელ­მძღვა­ნე­ლო­ბა მათი ნა­თე­სა­ვე­ბით არის და­კომ­პლექ­ტე­ბუ­ლი. ამ ბოლო ხა­ნებ­ში ნე­პო­ტიზ­მის იმ­დე­ნი მა­გა­ლი­თი გა­მოვ­ლინ­და, მგო­ნი, ივა­ნიშ­ვი­ლი­სა და მისი სა­ახ­ლობ­ლოს ყვე­ლა ნა­თე­სა­ვი მა­ღალ­ჩი­ნო­სა­ნი გახ­და.

- ვრცელ­დე­ბა ინ­ფორ­მა­ცია, რომ პრე­მი­ერ-მი­ნის­ტრი სან­დო­ო­ბას თა­ვი­სი კრი­ტე­რი­უ­მე­ბით სა­ზღვრავს...

- სა­ო­ცა­რია პირ­და­პირ, რაღა სულ მის ნა­თე­სა­ვებ­ში შე­იკ­რიბ­ნენ სა­ი­მე­დო, პრო­ფე­სი­ო­ნა­ლი და კვა­ლი­ფი­ცი­უ­რი კად­რე­ბი. თუ მხო­ლოდ ივა­ნიშ­ვი­ლის სა­ნა­თე­სა­ვო­ში და­ი­ბად­ნენ სა­ხელ­მწი­ფო მო­ხე­ლის ნი­ჭით და­ჯილ­დო­ე­ბუ­ლი ადა­მი­ა­ნე­ბი, რა­ღაც სას­წა­ულ მოვ­ლე­ნას­თან გვქო­ნია საქ­მე. რა­ტომ, რამე გან­სა­კუთ­რე­ბუ­ლი გე­ნე­ტი­კუ­რი კოდი აქვთ?.. სად, რო­მელ ქვე­ყა­ნა­ში ხდე­ბა ასე, რომ სა­ჯა­რო მო­ხე­ლეს მხო­ლოდ სა­ნა­თე­სა­ვო­სა და პარ­ტი­ა­ში არ­ჩევ­დნენ, სა­ხელ­მწი­ფოა თუ კერ­ძო კორ­პო­რა­ცია? იქაც არის გარ­კვე­უ­ლი სტან­დარ­ტე­ბი. წინა ხე­ლი­სუფ­ლე­ბაც ასე აკე­თებ­და და მაშ, რით სჯო­ბი­ან ესე­ნი იმათ. პო­ლი­ტი­კუ­რი წარ­სუ­ლიც ერ­თნა­ი­რი აქვთ. ისე, კარ­გი იქ­ნე­ბო­და, მა­შინ ივა­ნიშ­ვილს ერთი ქარ­ხა­ნა მა­ინც გა­ეხ­სნა, ოპო­ზი­ცი­ა­ში ყოფ­ნი­სას საჩ­ვე­ნებ­ლად მა­ინც გა­მო­ად­გე­ბო­და, ხე­ლი­სუფ­ლე­ბა­ში რომ მო­ვალ, ასეთ ქარ­ხნებს ავა­შე­ნე­ბო...

- ბა­ტო­ნო გი­ორ­გი, ახლა თქვენ და "ნა­ცი­ო­ნა­ლე­ბიც" ოპო­ზი­ცი­ა­ში ხართ. ეს უჩ­ვე­უ­ლო არ არის თქვენ­თვის?

- არა, ჩვენ "ნა­ცი­ო­ნა­ლებს" ნუ გვა­და­რებთ. მათი ლი­დე­რე­ბის რე­ი­ტინ­გი ერ­თმა­ნეთ­ზეა და­მო­კი­დე­ბუ­ლი. ისი­ნი ელა­ზღან­და­რე­ბი­ან კი­დეც ერ­თმა­ნეთს და ამას მოწ­მობს პატ­რი­არ­ქთან შეხ­ვედ­რის ცნო­ბი­ლი კად­რე­ბი. ჩვენ, მათ­გან გან­სხვა­ვე­ბით, ნამ­დვი­ლი ოპო­ზი­ცია ვართ. მათ კო­ა­ბი­ტა­ცია კი არ აქვთ, შე­უღ­ლე­ბუ­ლი არი­ან. სა­ზო­გა­დო­ე­ბის და­სა­ნა­ხა­ვად, შე­იძ­ლე­ბა, მწა­რე სი­ტყვე­ბიც უთხრან ერ­თმა­ნეთს, მაგ­რამ ეს არ ნიშ­ნავს, რომ მარ­თლა და­პი­რის­პი­რე­ბუ­ლი არი­ან, სი­ნამ­დვი­ლე­ში შეხ­მატ­კბი­ლე­ბუ­ლად კო­ა­ბი­ტა­ცი­ო­ბენ. ახლა ორ­თა­ვი­ან გვე­ლე­შა­პთან გვაქვს საქ­მე და წინ დიდი ბრძო­ლე­ბი გვე­ლის.

ლალი პა­პას­კი­რი

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)