რომის პაპმა ბენედიქტ XVI-მ თავისი მოულოდნელი განცხადებით მილიონობით მორწმუნე კათოლიკის გაოცება გამოიწვია. პირველად 600 წლის განმავლობაში, პაპმა თავად თქვა უარი სამწყსოს მართვაზე და გადადგომის შესახებ განაცხადა.
არავინ იცის, ნიშანია თუ არა ის, რაც ოფიციალური განცხადების გაკეთების შემდეგ, რამდენიმე საათში ვატიკანში მოხდა: წმინდა პეტრეს ბაზილიკას მეხი დაეცა.
გავრცელებული ინფორმაციით, პაპმა ჯანმრთელობის მდგომარეობის გაუარესების გამო გადაწყვიტა გადადგომა. 85 წლის ბენედიქტ XVI 2005 წლის აპრილში აკურთხეს ვატიკანში, იოანე პავლე II-ის გარდაცვალების შემდეგ.
